ஜில்லென்று ஒரு மலேசியா

மலேசிய மினி ஒலிம்பிக் 2009

2009-07-30T11:03:00.005+08:00

கடந்த ஜூலை 29 தொடங்கி ஆகஸ்டு 9 வரை மலேசிய விளையாட்டு மன்றத்தின் ஒருங்கிணைப்பில் ''மலேசிய மினி ஒலிம்பிக் 2009" புக்கிட் ஜாலில் தேசிய அரங்கத்தில் நடைப்பெற்று வருகிறது. இவ்வாண்டு இறுதியில் லாவோஸில் நடைப்பெறவிருக்கும் 25வது சீ விளையாட்டுப் போட்டிக்கு (25th Sea Games) நம் நாட்டு விளையாட்டளர்கள் தயாராகவும் அவர்களின் திறமையை பரிசோதிக்கும் களமாக இந்த மினி ஒலிம்பிக் 2009 ஏற்பாடுச் செய்யப்பட்டுள்ளது.

நீச்சல், சைக்கிளோட்டம், திடல் தடம், ஜிம்னாஸ்டிக், அம்பெறிதல், குறி சுடுதல், எடைத் தூக்குதல் மற்றும் பூப்பந்து ஆகிய விளையாட்டுகள் இந்த மினி ஒலிம்பிக் போட்டியில் இடம்பெற்றுள்ளன. இப்போட்டிகள் தற்போது புக்கிட் ஜாலில் தேசிய அரங்கு, புக்கிட் கியாரா விளையாட்டரங்கம் மற்றும் சுபாங் குறிசுடும் மைதானத்திலும் நடைப்பெற்று வருகிறது.

இப்போட்டி குறித்து மேலும் தகவல் பெற :- மினி ஒலிம்பிக் 2009

சீனப்புத்தாண்டு - இது வசந்தக்கால விழா

2009-01-26T15:01:00.006+08:00

புத்தாண்டு உலகமே ஆவலுடன் எதிர்ப்பாக்கும் ஒற்றுமைத் திருவிழாவாகும். உலக மக்களே ஒற்றுமையுடன் வரவேற்கும் இந்த புத்தாண்டு அவரவர் கலாச்சார நாட்காட்டிக்கொப்ப வெவ்வேறு தினங்களில் மலர்ந்தாலும் புதுமையும், புத்துணர்வும் எதிர்ப்பார்ப்பும் ஒன்றுதான். கடந்துச் சென்ற வருடங்கள் அனுபவ பாடங்களின் பெட்டகமாய் அவரவர் வாழ்க்கை கணக்கில் இணைந்துக் கொள்கின்றது. இன்பமும் துன்பமுமே மனிதர்தம் வாழ்வியல் பாடமாகும். இதுவும் கடந்துப் போகும் என்ற நம்பிக்கையை ஒவ்வொருவரின் மனதிலும் துளிர்த்துச் செல்கிறது இந்த புத்தாண்டு.
2009ஆம் ஆண்டின் தொடக்கமாய் ஆங்கிலப் புத்தாண்டும், 29 டிசம்பர் 2008இல் மாஆல் ஹிஜ்ரா 1430H இஸ்லாமிய புத்தாண்டும், தைத்திங்கள் முதல் நாள் தமிழ்ப்புத்தாண்டும் கொண்டாடப்பட்டது. இதே வரிசையில் இன்று சீனப்புத்தாண்டாகும். சீனர்களில் பெருநாளாக இந்தப் புத்தாண்டு வெகு விமரிசையாக உலக வாழ் சீனர்களால் கொண்டாடப்படுகிறது
சீன சந்திர நாள்காட்டியின்படி ஜனவரி 26ஆம் தேதி சீனர்களின் புது வருடம் பிறக்கிறது. வசந்தக்கால விழாவாகவும் சீனப்புத்தாண்டு கொண்டாடப்படுவது அதன் மற்றுமொரு சிறப்பாகும். பூமி பூப்பூக்கும் இனிய வசந்தத்தில் புத்தாண்டு மலர்வது உலகுக்கு மற்றுமின்றி உலக மாந்தர்க்கும் இனிய வரவேற்பாகும். இயற்கை அன்னையே மலர்களால் பூமியை ஆசிர்வதித்து புதிய ஆண்டை தொடக்கி வைக்கிறாள். சீனர்களின் சந்திர நாள்காட்டி பதினொன்று(லீப் வருடமாயிருப்பின்) அல்லது பன்னிரெண்டு மாதங்களை சுழற்சியாய் கொண்டுள்ளது. ஒவ்வொரு சீன வருடமும் ஒவ்வொரு விலங்கை (சீன சோதிடக்குறி) அடிப்படையாக கொண்டுள்ளது. இவ்வாண்டு மலரும் புத்தாண்டு எருது ஆண்டாக கொண்டாடப்படவுள்ளது.

சீன நாள்காட்டியின் பன்னிரெண்டு வருட சுழற்சியில் எருது வருடம் இரண்டாவது வருடமாக அமைகிறது. சீனர்கள் சோதிடத்தில் அதீத நம்பிக்கையுடைவர்கள் என்பதால் அவர்களின் நாள்காட்டியும் சீன சோதிட சாஸ்திரத்தையே அடிப்படையாகக் கொண்டுள்ளது. இந்த எருது வருடத்தில் பிறந்தவர்கள் சுறுசுறுப்பின் சின்னமாக விளங்குகின்றனர். சோம்பலென்பது இவர்களின் அகராதில் இல்லாதவொன்றாகும். பொறுப்புணர்ச்சி, அன்பு, நேர்மை, துணிவு, திறந்த மனப்பான்மை, தியாகம், பொறுமை, வலிமை, திறன், கண்டிப்பு மற்றும் தன்னம்பிக்கை இவ்வாண்டில் பிறந்தவர்களின் உறைவிடமாகும்.

மலேசியாவில் சீனர்கள் இரண்டாவது மிகப் பெரிய இனமாக விளங்குவதால் சீனப்பெருநாளுக்கு இரண்டு நாட்கள் பொது விடுமுறை வழங்கப்படுவதோடு தேசிய விழாவாகவும் கொண்டாடப்படுகிறது. தேசிய விழாவென்ற அடிப்படையில் விருந்தோம்பல் முக்கிய அங்கமாகும். அவ்வகையில் திறந்த இல்ல உபசரிப்பு மலேசியர்களின் தேசிய அடையாளமாகும். உற்றவர் மற்றவர் அனைவரும் இன, மொழி, மத, அரசியல் பேதமன்றி இணையும் பாலமாய் இந்த திறந்த இல்ல உபசரிப்பு விளங்குகிறது. பல்லின மக்களின் உணவுவகை கலாச்சாரங்களை இதன் வழி அறிந்துக் கொள்ளவும் முடிகிறது. தேசிய அளவிலான திறந்த இல்ல உபசரிப்பை தேசிய ஒற்றுமை மற்றும் கலை பண்பாட்டு அமைச்சு ஏற்று நடத்தவுள்ளது. (இவ்வருட உபசரிப்பு எங்கு நடைபெறவுள்ளது என்பது இன்னமும் அறிவிக்கப்படவில்லை.)

சீனப்பெருநாளின் முதன் நாளில் அனைத்து குடும்ப உறுப்பினர்களும் உறவினர்களும் ஒன்றாக இணைந்து உணவருந்துவது சீனப்பெருநாளின் முக்கிய அங்கமாகும். இதுவரையில் தத்தம் சொந்த வேலையில் மூழ்கியிருந்தவர்களும், கருத்து வேறுப்பாட்டால் பிரிந்தவர்களும் இந்நாளில் ஒன்றுக்கூடி வேற்றுமையை மறந்து தங்கள் உறவை மேலும் வலுப்படுத்திக் கொள்கின்றனர். இச்சமயத்தில் சிவப்பு உறையிலிட்ட பணத்தை (Ang Pow) திருமணமானவர்கள் திருமணமாக இளையோருக்கு வழங்கி மகிழ்கின்றனர். அவ்வாறு வழங்குவது அதிர்ஷ்டத்தை குறிக்கின்றது. அத்தோடு சிவப்பு சீனர்களின் அதிர்ஷ்ட நிறமாகும். இந்த ‘அங் பவ்’ சீனர்களின் கலாச்சாரமாயினும் இன்று மலேசியர்களின் திருவிழா கலாச்சாரமாகிவிட்டது.

அனைத்து மலேசிய வங்கிகளும் இந்த கலாச்சாரத்தை ஊக்குவிக்கும் வகையில் பண உறையை இலவசமாகவே வழங்குகிறது. அநேகமாய் நோன்பு பெருநாளுக்கு பச்சை நிறத்திலும்..தீபாவளிக்கு மஞ்சள், ஊதா நிறத்திலும் அழகிய பண உறைகளை காணப் பெறலாம். நான் கூட வங்கிகளின் அழகிய பண உறைகளை சேமிப்பதை வழக்கமாக கொண்டுள்ளேன்.

சீனப்புத்தாண்டின் சிறப்பு உணவு வகைகளில் கோழி, வாத்து மற்றும் மீன் முக்கிய உணவாகும். அதிலும் சீனப்பெருநாளின் சமயத்தில் அனைத்து மலேசியர்களும் மாண்டரின் ஆரஞ்சு பழத்தை விரும்பி உண்கின்றனர். இதைத் தொடர்ந்து ‘லூவாஹான் ஜாய்’, வேர்க்கடலை, மற்றும் யீ சாங் (மீன்) உணவு வகைகள் இந்நாளின் சிறப்பு உணவாகும். ‘நியான்காவ்’ இனிப்பு பலகாரம் இத்திருநாளில் முக்கிய பலகாரமாகும். முறுக்கு இல்லாத தீபாவளியைப் போல் ‘நியான்காவ்’ இல்லா சீனப்பெருநாளுமில்லை.

கிழக்கில் மரகதம் - திரெங்கானு

2008-12-17T12:15:00.014+08:00

திரெங்கானு மாநில கொடி

இதற்குப் முன்பு திரெங்கானு (Terengganu darul Iman)- (இறை)நம்பிக்கையின் உறைவிடம் மாநிலத்தைப் பற்றி விவரிக்கும் போது அதன் வரலாற்றைத் தொடாமலே நேரடியாக அம்மாநில சிறப்பைச் சொல்லியிருப்பேன். இனி அதன் வரலாற்று சுவடுகளையும் கொஞ்சம் திரும்பிப் பார்ப்போம்.

தீபகற்ப மலேசியாவின் கிழக்குக்கரை மாநிலமாக விளங்கும் திரெங்கானு மாநிலம் “terang ganu - வானவில் வெளிச்சம்” என்ற மலாய் சொல்லில் இருந்து உருவாகியிருப்பதாக அறியும் வேளையில் மேலும் பல வரலாற்றுப்பூர்வமான குறிப்புகள் இந்த திரெங்கானு சொல்லுக்கு வழங்கப்பட்டுள்ளது. பண்டையக் கால தமிழர்கள் ‘திரங்கானி’ என்று அழைத்ததாகப் பல வரலாற்று ஆவணங்கள் கிடைக்கப் பெற்று திரெங்கானு மாநில அருங்காட்சியகத்தில் வைக்கப்பெற்றுள்ளது.

‘திரங்கானி’ என்பது வடச்சொல் என்பது கடாரத் தமிழ்ப்பேரறிஞர் டாக்டர் எஸ். ஜெயபாரதியின் கூற்று. இம்மாநிலத் தோற்றம் குறித்த சரியானத் குறிப்புகள் இன்று வரையிலும் கிடைக்கப் பெறவில்லையென்றாலும் சீன நாட்டின் வணிகர் சாவ் சூ குவா (Chao Ju Kua) இம்மாநிலம் அப்போதைய பாலேம்பாங் நாட்டின் ஆட்சியின் கீழ் இருந்ததாக குறிப்பிட்டுள்ளார்(1225). அதே வேளையில் ‘நகரகர்த்தகாமா’ என்ற நூலில் அதன் ஆசிரியர் பிரபஞ்சா திரெங்கானு மாநிலத்தின் ‘டுங்குன்’ மற்றும் ‘பாக்கா’ மாஜாபாகித் அரசின் கீழ் இருந்ததாக குறிப்பிட்டுள்ளார்(1365). இருப்பினும் திரெங்கானு மாநில அரசாட்சியை தொடக்கி வைத்தவர் சுல்தான் ஜைனால் அபிடீன் 1 என்று சரித்திரக் குறிப்புகள் பகர்கின்றன.

தற்போது இம்மாநிலம் 1998ஆம் ஆண்டு தொடங்கி சுல்தான் மீஜான் ஜைனால் அபிடீன் இப்னி அல்மஹ்ருன் சுல்தான் மஹ்மூட் அல்-முக்காஃபி பில்லா ஷா (ஸ்ஸ்ஸ்ஸ் இப்பவே கண்ணைக் கட்டுதே) அவர்களின் ஆட்சியின் கீழுள்ளது. மற்றொரு உபத்தகவல் மலேசியாவின் தற்போதைய மாட்சிமை தங்கிய மாமன்னரும் இவர்தான் என்பது குறிப்பிடத்தக்கது.

சுல்தான் மீஜான் ஜைனால் அபிடீன் (தற்போதைய மாமன்னர்)

தொல்பொருளியலாளர்கள் ‘பேவா’ மலையில் கற்களிலான கோடாரியையும் மண்பாண்டத்தையும் கண்டுப்பிடித்திருப்பதன் வழி 4000 ஆண்டுகளுக்கு முன்பே மனிதர்கள் இங்கு வாழ்ந்திருக்கின்றனர் என்பதை அறியவும் முடிகிறது.

திரெங்கானு மாநிலத்தின் தலைவராக சுல்தான் விளங்குகிறார். அதே வேளையில் இம்மாநில மாவட்டங்கள் மாவட்ட ஆட்சியாளர்களின் கீழுள்ளது. இம்மாநில அரசு இயந்திரத்தை மந்திரி புசார் இயக்குகிறார். இம்மாநிலம் மொத்தமாய் ஏழு மாவட்டங்களை கொண்டுள்ளது. அவை ஒருங்கே கோலத்திரெங்கானு(மாநிலத்தலைநகர்), கெமாமான், டுங்குன், மாராங், உலுத்திரெங்கானு, செத்தியு மற்றும் பெசுட் ஆகும். 90 விழுக்காடு மலாய்க்காரர்களை மக்களாக கொண்டுள்ளது இம்மாநிலம். மீதி 10 விழுக்காட்டை சீனர்களும் இந்தியர்களும் நிறைவு செய்கின்றனர். ஆனாலும் அந்த பத்து விழுகாட்டில் இந்தியர்களின் எண்ணிக்கை மிகக் குறைவு என்பது என் கணிப்பு.

இம்மாநிலம் மீன் பிடித்தொழிலை முதன்மை தொழிலாக கொண்டிருந்தாலும் பெட்ரோல் வழி கிடைக்கும் வருவாய் திரெங்கானு மாநில பொருளாதாரத்திற்கு மேலும் வலுக்கூட்டுகிறது. இதற்கு முக்கியக் காரணம் தென் சீனக் கடலாகும். தீபகற்ப மலேசியாவின் மிக நீளமான கடற்கரையைக் கொண்ட ஒரே மாநிலமும் திரெங்கானாகும்.

புலாவ் காப்பாஸ்
அத்தோடு அதிகமான குட்டி குட்டித் தீவுகளைக் கொண்ட மாநிலமும் இதுவேயாகும். அதனால் என்னவோ இம்மாநிலத்தை கிழக்கில் மரகதம் என்று வர்ணிக்கின்றனர். மொத்தமாய் ஏழு குட்டி தீவுகளை இம்மாநிலம் கொண்டுள்ளது. அதிலும் மிகவும் புகழ்ப்பெற்ற குறிப்பிடத்தக்கவை புலாவ் ரெடாங், புலாவ் காப்பாஸ், புலாவ் பெர்ஹெந்தியான் ரூ, புலாவ் ரூ ஹெந்தியான் மற்றும் புலாவ் தெங்கோல். இங்கு மலாய் மொழியில் புலாவ் என்றால் தீவு என்று பொருள்படும். அதிக தீவுகளைக் கொண்டுள்ள திரெங்கானு மிக அழகிய கடற்கரைகளையும் கொண்டுள்ளது. மலேசியாவிலேயே மிக நீளமான பதினேழு கடற்கரைகள் இம்மாநிலத்தின் காணக் கிடைத்த அரிய பொக்கிஷமாகும்.

தஞ்சோங் பிடாரா கடற்கரை

ரங்தாவ் அபாங் கடற்கரை

அதிலும் முக்கியமாக ரந்தாவ் அபாங் கடற்கரையைப் பற்றி இங்குச் சொல்லியே ஆக வேண்டும். கோலத்திரெங்கானுவிலிருந்து 80 கிலோ மீட்டர் தூரத்தில் அமைந்துள்ள ரந்தாவ் அபாங் கடற்கரை உள்நாட்டு வெளிநாட்டு சுற்றுப்பயணிகளிடையே மிக பிரபலம் பெற்றச் சுற்றுலாத்தளமாகும். இதற்கு ஒரே முக்கியக் காரணம் இங்கு முட்டையிட வரும் கடலாமைகள். மிகப் பெரிய கடலாமைகள் மே மாதம் தொடங்கி ஆகஸ்டு மாதம் வரை இங்கு முட்டையிட வருகின்றன. இதைக் காணவே அதிகமான சுற்றுப்பயணிகள் இங்கு வருகைப் புரிகின்றனர். கடலையும் கடல் வாழ் உயிரினங்களையும் நேசிப்பவர்களுக்கு திரெங்கானு மிகச் சிறந்த இடமாகும்.

கடலாமை

நாட்டின் மிகத் தொன்மையான அருங்காட்சியகமான திரெங்கானு அருங்காட்சியகம் தென் கிழக்காசியாவிலேயே மிகப் பெரியதாக கருதப்படுகிறது. புக்கிட் லோசோங்கில் 27 ஹெக்டர் நிலப்பரப்பில் இது பழைய அரண்மனையின் தோற்றத்தில் கட்டமைக்கப்பட்டுள்ளது. இஸ்லாமிய கலை கலாச்சாரம், கைவினைகள், பாரம்பரிய ஆயுதங்கள் மற்றும் பல இங்கு காட்சிக்கு வைக்கப்பட்டுள்ளது. இதன் நுழைவு இலவம்.

திரெங்கானு அருங்காட்சியகம்

மெராங் தீவு ரெடாங் தீவு

திரெங்கானு மாநிலமும் தமிழர்களும்

2008-11-07T09:06:00.006+08:00

திரெங்கானு மாநில அரசின் தோற்றம் குறித்த ஆவணப்பட கலந்தாய்வில் ஈடுப்பட்டிருந்தப் பொழுது திரெங்கானு மாநிலத்தின் பெயர் 'திரங்கானி' என்ற இயற்பெயரில் இருந்தும் உருவாகியிருக்கலாமென்று சரித்திர ஆய்வாளராகிய பேராசிரியர் ஒருவர் தம்முடைய நேர்காணலில் குறிப்பிட்டிருந்தார்.

மலைகளால் சூழப்பட்ட நிலமென்பதால் 'திரங்கானி' என்ற பெயர் அங்கு வாழ்ந்து வந்த பண்டைக்கால தமிழர்களால் வழங்கப் பட்டதாக அறிய முடிகிறது. இந்த கூற்றில் எத்துணை சதவிதம் உண்மையிருக்கலாம் என்ற ஆதங்கத்தில் அந்த ஆவணப்படத் தயாரிப்பாளரிடம் 'திரங்கானி' என்பது தமிழ்ச்சொல்தானா என்று கேள்வியெழுப்பியப் பொழுது, அந்தத் தகவல் திரெங்கானு மாநில அருங்காட்சியகத்தில் ஆவணமாக்கப் பட்டுள்ளதாக தெரிவித்தார்.

மலை மலை சார்ந்த நிலத்தினை குறிஞ்சி நிலமென்று நம் இலக்கியங்கள் பகர்கின்ற வேளையில் இந்த 'திரங்கானி' சொல் தமிழ்ச்சொல்தானா என்ற கேள்வி இங்கு எழுந்துள்ளதால், இதுப் பற்றி தகவலறிந்த மொழி அறிஞர்களும் சரித்திர ஆய்வாளர்களும் பின்னுட்டத்தில் தங்களின் கருத்துகளைப் பகிர்ந்துக் கொள்ள வேண்டுகிறேன். இதன் வழி தவறான தகவல் நம் மாணவர்களை சென்றடைவதில் இருந்து தவிர்க்கலாம்.

லெமாங் - ஆஹா என்ன ருசி!

2008-09-30T13:08:00.005+08:00

மலாய்க்காரர்களின் விஷேஷங்களில் இடம்பெரும் பல உணவுவகைகளில் லெமாங் பிரசித்திப்பெற்றது. பெருநாள் காலங்களில் அனைத்து வீடுகளில் கண்டிப்பாக லெமாங் இருக்கும்.

லெமாங் மலாய்க்காரர்களின் பாரம்பரிய உணவுகளில் ஒன்று. அனைவாரும் விரும்பி சாப்பிடும் உணவும்கூட. மலேசியாவில் வருடம் முழுதும் லெமாங் விற்பதை நீங்க கண்டிருக்கலாம். ஆனால், விழாக்காலங்களில் அனைவரும் வீட்டிலேயே செய்வார்கள்.

பண்டைய காலத்தில் மக்கள் வீட்டில் கேஸ் எல்லாம் கிடையாது. வீட்டுக்கு வெளியே கரி அடுப்பு மூட்டி அடுப்பு ஊதி மண் பானை, அல்லது மூங்கிலில்தான் சமைப்பார்கள். இதுவும் ஒரு வகையில் அப்படியே அமைக்கப்படும் வகையை சார்ந்ததுதான்.பெருநாளுக்கு ஒரு நாள் முன்பு மலாயர் பச்சை மூங்கிலை தேடி வெட்டி எடுத்துவருவர். ஒவ்வொரு மூங்கிலும் ஒரு கையளவு நீளத்துக்கு வெட்டி அதனுள் வாழை இலையை வைப்பர். இன்னொருவர் காய்ந்த விறகுகள், கொட்டாங்குச்சி போன்றவைகளை எறிப்பொருளாக உபயோகிக்க தேடிக்கொண்டுவரவார். மூங்கிலை நிறக வைப்பதுக்கு ஏதுவாக இருக்க இரும்பு அடிப்பார்கள். பிறகு நெருப்பை மூட்டி, அங்கே மூங்கிலை வரிசையாக அடுக்கி, நெருப்பு கொஞ்சம் கொஞ்சமாக சூடு பிடிக்கும்வரை காத்திருப்பார்கள்.

மூங்கில் சூடானவுடன் பூலூட் அரிசி (glutinous rice) தேங்காய் பாலுடன் கலந்து இந்த மூங்கினுள் போடுவர். அதன் பிறகு அரிசி வேகும்வரை, பக்கத்தில் உட்கார்ந்த்து நெருப்பு நன்றாக எறிய காற்று வீசுவர். இது 3 முதல் 4 மணி வரை சமைக்கப்பட வேண்டிய உணவு. 15 நிமிடத்துக்கு ஒரு தடவை மூங்கிலை கொஞ்சம் புரட்டி புரட்டி வைக்க வேண்டும். அப்போதுதான் அது சமமாக வேகும். தெருவில் உள்ள அனைவரும் லெமாங் ஒரே நேரத்தில் சமைக்கும்போது எல்லார் வீட்டு முன்னாடியும் இந்த செட்-அப் இருக்கும். இதுவே ஒரு கண்கொள்ளா காட்சியாக இருக்கும்.

வெந்ததும் மூங்கிலை அப்படியே எடுத்து பத்திரப்படுத்தி வைப்பர். சாப்பிடும் போது அந்த மூங்கிலை இரண்டாக பிளந்து உள்ளே உள்ள லெமாங் (அழகாய் வாழை இலையில் மடிக்கப்பட்டிருக்கும்) சின்ன சின்னதாக வெட்டி பரிமாறுவர். மலேசியாவில் உணவு பகிர்ந்துக்கொள்ளுதல் ஒரு முக்கிய நிகழ்ச்சியாக (முக்கியமாக விழாக்காலங்களில்) கருதப்படும். அப்போது மலாய்க்காரர்கள் அந்த மூங்கிலை அப்படியே அல்லது மூங்கிலை பிளந்து லெமாஙை சிறிது சிறிதாக வட்டமாக வெட்டியோ கொடுப்பர்.

மேற்கு மாநிலங்களில் லெமாங் வாட்டிய மீனுடன் (Ikan Bakar) பறிமாறப்படும். கிழக்கில் ரெண்டாங் அல்லது செருண்டிங்குடன் பறிமாறப்படும். சைவர்கள் லெமாங்கை ருசி பார்க்க வேண்டுமென்றால் கச்சான் குழம்புடன் சாப்பிட்டாலும் சூப்பராக இருக்கும்.

இந்த பெருநாளில் நான் லெமாங் சாப்பிட போறேன். அப்ப நீங்க??

ரம்ஜான் பெருநாளை கொண்டாடும் அனைத்து முஸ்லிம் அன்பர்களுக்கும் “ஜில்லென்று ஒரு மலேசியா” குழுவின் சார்பாக பெருநாள் வாழ்த்துக்களை சொல்லிக்கொள்கிறோம்.

“Selamat Hari Raya Aidilfitri"

திரெங்கானு பயணம் - 2

2008-08-26T13:02:00.009+08:00

மேற்குக்கரை மாநிலங்களில் ஒன்றான திரெங்கானு மாநிலம் மலேசிய பாத்தேக் வகை துணிகளுக்கு உலகப் புகழ்ப் பெற்றவையாகும். இந்த பாத்தேக் துணி வகைகள் இரண்டு வகைகளில் தயாரிக்கப்படுகின்றன. 'ஜாந்திங்' என்று அழைக்கப்படும் பேனாவில் உருகிய மெழுகையூற்றி அழகிய பூக்களும் இலைகளும் வரையப்படுக்கின்றது. மற்றொரு வகை துணிகளில் பூவேலைப்பாடுகளை அச்சிடுதல். மிகவும் நுன்னிய வேலைப்பாடுகளுடன் கூடிய இந்த பாத்தேக் வகைத் துணிகள் ரி.ம 100இல் இருந்து 1000 வரையிலும் விற்கப்படுகின்றன.

அடுத்து வாவ் 'Wau' வகை பட்டங்கள் இங்கு பிரபலமாகும். மலேசிய விமானத்தில்கூட இந்த வாவ் சின்னத்தைக் காணலாம். இந்த வாவ் பட்டம் விடுதல் திரெங்கானு மாநிலத்தின் பாரம்பரிய விளையாட்டாக இன்று வரையிலும் அனுசரிக்கப்பட்டு வருகிறது. பறவை, மீன், பூனை போன்ற வகை பட்டங்களை இம்மாநில மக்கள் விரும்பி பறக்க விடுகின்றனர். அதிலும் நிலா பட்டம் இங்கு மிகவும் புகழ் பெற்றவையாகும். இம்மாநில மக்கள் அடுத்து 'காசிங்' என்று மலாய் மொழியில் அழைக்கப்படும் பம்பரத்தை இவர்களின் பாரம்பரிய விளையாட்டாக கருதுகின்றனர்.

திரெங்கானு மாநிலம் அதன் உணவு வகைகளிலும் மிகவும் சிறந்து விளங்குகின்றது. பெரும்பாலும் காலையிலேயே இவர்கள் 'நாசி டாகாங்' என்றழைக்கப்படும் சோறு வகை உணவை விரும்பி உண்கின்றனர். அடுத்து திரெங்கானு மாநிலம் செல்வோர் அவசியம் மறவாமல் வாங்கிச் செல்வது 'கெரோப்போக் லேக்கோர்' வகை பதார்த்தமாகும். இந்த கெரோப்போக் லேக்கோரை நீண்ட வரிசைகளில் நின்று வாங்கிச் செல்கின்றனர்.

திரெங்கானு பயணம் - 1

2008-08-25T16:39:00.006+08:00

இரவு முழுவதையும் மின்னலுக்கும் ஸ்ரீஇராமகிருஷ்ணரின் அமுத மொழிகளுக்கும் இரையாக்கிவிட்டமையால் காலை வரை தூங்காமலே கோலாலம்பூர் அனைத்துலக விமான நிலையத்திற்குச் (KLIA) கிளம்பி விட்டேன். KLIA செல்லும் வரை என் மூளைக்கு உறைக்கவே இல்லை ஒரு விசயம். KLIA ஒன்றும் எனக்குப் புதிதல்லதான். நெருக்கமான சில நண்பர்களை வழியனுப்ப வந்த நினைவுகள் இன்னமும் ஈரமாய் நெஞ்சில் உள்ளது. கூடவே அவர்களின் பிரிவு ஏற்படுத்திய வலியும், இனி எப்போது சந்திப்போம் என்று தெரியாமலே விடைப்பெற்ற தருணங்களும் இன்றும் நீக்கமற நிலைத்துள்ளது.

சில வருடங்களுக்கு முன்பு பல்கலைக்கழக மாணவர்களின் ஏற்பாட்டில் பகாங் மாநிலத்திலுள்ள Kuala Tahan சென்றிருந்தப் போது அங்குள்ள தேசியப் பூங்காவிற்குச் செல்ல நேர்ந்தது. அங்கு நண்பர்களுடன் Canopy Walk செல்ல முற்பட்ட போதுதான் ஒரு விசயம் உறைத்தது. உயரம்...ஆம் உயரம் 40 மீட்டர் உயரத்தில் 500 மீட்டர் தூரத்தைக் கொண்ட தொங்கும் பாலத்தில் அந்தப் பூங்காவையே சுற்றி வர வேண்டும். அட இது என்ன பெரிய கம்ப சூத்திரமா சின்ன வயதில் வீட்டு மாமரம் ஏறிய நினைவில் சரியென்று ஏறியும் ஆகிவிட்டது. அதற்குப் பின்புதான் தெரிந்தது திரும்பிப் போக முடியாத ஒரு வழி தடம் அது என்று. உயிர் பற்றிய பயம் அப்போதுதான் முதன் முதலாகத் தோன்றி மறைந்தது. கண்ணை மூடிக் கொண்டே எப்படியோ கடந்து வந்ததெல்லாம் இன்னமும் மறக்காத நிலையில் மறுபடியும் அந்தரத்தில் மிதக்க வேண்டுமா? ஐயோ நான் இந்த விளையாட்டுக்கு வரல என்று உள்ளம் ஆர்ப்பரித்தாலும் வேறு வழியில்லை. இதற்கு முன் விமான பயண அனுபவம் இல்லாத நிலையில் வேறு வழியில்லாமல் அமைதி காக்க வேண்டியிருந்தது. காலையில் விமான நிலையத்திற்குக் கிளம்பும் சமயத்தில் வானொலியில் Spanair Flight JK5022 விபத்துக்குள்ளான செய்தி திகிலைப் பரப்பினாலும் வெளியே காட்டிக் கொள்ள முடியவில்லை.

என்னத்தான் பயமென்றாலும் ஜன்னலோர இருக்கையை விட்டுக் கொடுக்க முடியவில்லை.? ஆனால் விமானம் கிளம்பி உயரத்தில் பறக்க ஆரம்பித்ததும் அட! உயரமாவது பயமாவது! கிட்டதட்ட 50 நிமிட பயணங்களுக்குப் பிறகு கோலாத்திரெங்கானு விமான நிலையத்தை அடைந்தப் பொழுது அதன் அழகு உண்மையிலேயே எங்கள் அனைவரையும் பிரமிக்க வைத்து விட்டது. மலாய் பாரம்பரிய அரண்மனை போன்ற தோற்றத்தில் அவ்விமான நிலையம் அமைக்கப்பட்டிருப்பது அதன் அழகிய தோற்றத்திற்கு மேலும் மெறுகூட்டுகிறது என்றால் மிகையில்லை. திரெங்கானு மாநிலத்தின் மற்றுமொரு சிறப்பு அண்மையில் வடிவமைக்கப்பட்ட பளிங்கு(படிகம்) மசூதி. இரவு நேர சூழலில் அதன் அழகு நம்மை பிரமிக்க வைக்கிறது. ஆற்றோரமாய் அமையப் பெற்றிருக்கும் இந்த மசூதி தாஜ்மகாலை நினைவுப்படுத்திச் செல்கிறது. அடுத்து திரெங்கானு மாநிலத்தில் அவசியம் காண வேண்டிய இடம் இஸ்லாமிய நாகரிக பூங்கா. தற்பொழுது இங்கு நடைப்பெற்றும் வரும் உலக திருக்குரான் ஓதும் போட்டி இன்றோடு ஒரு நிறவை எய்துகிறது.

திரெங்கானு மாநிலத்தின் மிகப் பெரிய சிறப்பு "Batik" துணி வகையாகும். மிகவும் நேர்த்தியாகவும் அழகாகவும் கிடைக்கப் பெறும் இந்த வகைத் துணிகளைப் பிரபலப்படுத்தும் வகையில் அரசாங்கம் பல திட்டங்களையும் நடவடிக்கைகளையும் மேற்கொண்டு வருகிறது. அதிலும் குறிப்பாக அனைத்து அரசு ஊழியர்களும் ஒவ்வொரு வியாழக்கிழமை பாத்தேக் துணி அணிய வேண்டும் என்பதை கட்டாயமாக்கியுள்ளது.

பிறந்தநாள் வாழ்த்தும் ஐம்பதாவது பதிவும்

2008-07-21T19:48:00.010+08:00

இன்று பிறந்தநாள் கொண்டாடும் தோழி மை ஃபிரண்டிற்கு என் இனிய பிறந்தநாள் வாழ்த்துக்கள். இது ஜில்லென்று ஒரு மலேசியா தளத்தின் ஐம்பதாவது பதிவும் ஆகும். வாழ்த்துப் பதிவாக அமைந்துவிட்டதில் மிக மகிழ்ச்சி.

அவர் இன்று போல் என்றென்றும் சந்தோஷமாய் இருந்திட இப்பாடலை சமர்பிக்கிறோம்.

மாயாவி திரையில் இடம் பெற்ற 'கடவுள் தந்த அழகிய வாழ்வு' பாடலை போடலாம் என நினைத்தேன். அதில் ஜோதிகா கண்ணீர்விடும் காட்சி இருந்ததால் தவிர்த்துவிட்டேன்.

இன்று வாழ்த்துத் தெரிவிப்பவர்கள் அணைவருக்கும் மை ஃபிரண்ட் KFC வாங்கிக் கொடுப்பார்.

வாழ்த்து தெரிவித்தவர்கள்,

வலையுலக நண்பர்கள்.

பாரோ மன்னரின் மர்மக் கல்லறை - வாழ்த்துக்கள் விக்னேஷ்வரன்

2008-07-21T18:38:00.004+08:00

நண்பர் விக்னேஷ்வரன் பாரோ மன்னரின் மர்மக் கல்லறை பற்றி எழுதிய கட்டுரை கடந்த ஜூன் 29-ஆம் தேதி மலேசிய நண்பன் இதழில் பிரசுரிக்கப்பட்டது. வாழ்த்துக்கள். ஏற்கனவே இவர் எழுதிய சிறுகதை கூட நாளிதழில் பிரசுரிக்கப்பட்டது குறிப்பிடத்தக்கது. இதுப்போல் நிறைய அர்த்தமுள்ள கட்டுரைகள், கதைகள், கவிதைகள் எழுத நெஞ்சார வாழ்த்துகிறேன்.

இதோ அந்த கட்டுரையின் நகல்:

***பெரிதாய் பார்க்க****

செலாமாட் ஹாரி ஜாடி துர்கா

2008-05-14T23:54:00.003+08:00

தங்கச்சி, இன்று போல் என்றும் எல்லா வளமும் நலமும் பெற்று வாழ பிறார்த்திக்கிறேன். கல்வி கேள்விகளிலும் சிறந்து விளங்க வாழ்த்துக்கள்! உனக்காக சிறப்பாக மலாயில் பிறந்த நாள் வாழ்த்துக்கள் பாடலை பாடுகிறேன். :-)

Selamat Hari Jadi
Selamat Hari Jadi
Selamat Hari Jadi Thurgah
Selamat Hari Jadi

பிறந்த நாள் வாழ்த்துக்கள்
பிறந்த நாள் வாழ்த்துக்கள்
பிறந்த நாள் வாழ்த்துக்கள் துர்கா
பிறந்த நாள் வாழ்த்துக்கள்

ஆசியாவின் இரகசியம்

2008-05-13T15:29:00.044+08:00

'ஆசியாவின் இரகசியம்' என்று கருதப்படும் சரவா அல்லது சரவாக் (Sarawak) மாநிலம் இன்று தன் இரகசிய விளிம்புகளிலிருந்து விடுப்பட்டு உலக பார்வையை தன் வசம் கவர்ந்து வருகின்றது. கலை, கலாச்சாரம், இசை, மர்மம், சரித்திரம் என்று இம்மாநிலத்தின் சிறப்பு நீண்டுக் கொண்டே போவது நமக்கொன்றும் ஆச்சரியமில்லைதான்.அதிலும் மலேசியாவின் மிகப் பெரிய மாநிலமாகத் திகழும் சரவா தீபகற்ப மலேசியாவைப் பிரிந்து போர்னியோ தீவில் அமைந்துள்ளது. கிட்டதட்ட 131, 587 சதுர கிலோமீட்டர் பரப்பளவை கொண்டுள்ள சரவா பரப்பளவில் தீபகற்ப மலேசியாவை ஒத்திருந்தாலும் அதன் நிலத்தின் பெரும்பான்மை அடர்ந்த காடுகளால் சூழப்பட்டுள்ளது. சரவா மாநிலத்தின் தட்பவெப்ப நிலை வருட முழுவதும் 23 பாகை செல்சியஸிலிருந்து 32 பாகை செல்ஸியாகவே உள்ளது. இருப்பினும் மார்ச் மாதம் தொடங்கி செப்டம்பர் மாதம் வரை இங்கு கடுமையான வெயிலாக இருந்தாலும் சுற்றிலும் அடர்ந்துள்ள காடுகள் கோடை வெப்பத்தின் தன்மையை ஓரளவு கட்டுப்படுத்தியே வருகிறது. அத்தோடு 3300மி.மீட்டரில் இருந்து 4600 மி.மீட்டர் வரை இங்கு வருடம் முழுவதும் மழை பெய்வது விவசாயத்திற்கு மட்டுமல்லாது சூடான சீதோஷண நிலைக்கு பெரிதும் பங்காற்றுகிறது.

மனிதகுலத்தின் பொக்கிஷமான மழைக்காடுகளை(Rainforest) சூழ்நிலை மண்டலமாக கொண்டுள்ள இம்மாநில மக்களின் நீண்ட வீடுகள் உலகப் புகழ்பெற்றதாகும். மிகவும் தொன்மை வாய்ந்த இம்மழைக்காடுகள் கிட்டதட்ட 27 வகை பூர்வக்குடியனரின் வாழுமிடமாக உள்ளது அதன் மற்றுமொரு சிறப்பாகும். அவர்களில் ஈபான், காயான், மூருட், கெஞ்சா, கெனாவிட், கெடாயான், மெலானாவ், கெலாபிட், டாயாக், பெனான் மற்றும் பலர் அடங்குவர்.

வரலாறு
தொல்பொருளியலாளர்களின் ஆய்வின்படி புதிய கற்காலப் பண்பாடு இம்மாநிலத்தில் கி.மு 600க்கும் முன்பே தொடங்கி மனிதர்கள் நியாஹ் குகைகளில் (Niah Cave) வாழ்ந்ததாக நம்பப்படுகின்றது. இதற்குச் சான்றாக அவர்கள் பயன்படுத்தி விட்டுச் சென்ற கோடாரி, கத்தி, சுத்தியல் போன்ற கற்கருவிகளைக் தொல்பொருளியலாளர்கள் கண்டெடுத்துள்ளனர். மேலும், சரவா மாநிலம் புருணை நாட்டின் ஆட்சியின் கீழ் இருந்ததாக வரலாறுகள் பகர்கின்றன. 1832 ம் ஆண்டுக்கு முன்பாகவே புருணை சுல்தான் அரேபிய வம்சாவளியைச் சேர்ந்த ஷாரிப் சாஹாப் என்பவரை சரவா மாநிலத்திலுள்ள சுங்கை செக்ராங்கிற்கு மாவட்ட ஆட்சியாளராகவும் பின்பு சாடுங் மாவட்ட ஆட்சியாளராகவும் நியமித்தாக சான்றுகள் கூறுகின்றன. இதையடுத்து 1836-ல் பங்கேரான் மாகோத்தா என்பவரை புருணை சுல்தான் மாநில ஆட்சியாளராக அனுப்பி வைத்திருந்தார். அப்போது அம்மாநில மக்கள் டத்து பாத்திங்கி அலி என்பவரை தலைவராக கொண்டிருந்தனர். புதிதாக பதவியேற்ற பங்கேரான் மாகோத்தாவும் அவரது ஆட்களும் அம்மாநில மக்களிடம் புரிந்த அட்டூழியங்களை கண்டு சகிக்காத டத்து பாத்திங்கி அலி அம்மாநில மக்களின் ஒத்துழைப்போடு பங்கேரான் மாகோத்தாவை எதிர்த்துப் போரிட்டார். இந்நிலையை அறிந்த அப்போதைய புருணை சுல்தான் உமர் அலி சைபுடின் இப்பிரச்சினையை கையாள பங்கேரான் மூடா ஹாஷிம் என்பவரை அனுப்பி வைத்தார். பிரச்சினையின் தீவிரத்தை உணர்ந்த பங்கேரான் மூடா ஹாஷிம் ஆங்கிலேய பிரபுவான ஜேம்ஸ் புரூக்கின் (James Brooke) உதவியை நாடினார். அதற்கு ஈடாக சரவா மாநிலத்தின் தற்போதைய தலைநகராக திகழும் கூச்சிங்கையும், செர்னியாவானையும் தருவதாக ஒப்பந்தமானது.

டிசம்பர் மாதம் 1840-ல் டத்து பாத்திங்கி அலி புரூக்கிடம் சமாதானம் கோரி சரணடைந்ததை தொடர்ந்து 24 செப்டம்பர் 1841இல் ஜேம்ஸ் புரூக் சரவாக்கின் இராஜாவாக நியமிக்கப்பட்டார். 11 மார்ச் 1868இல் ஜேம்ஸ் புரூக் தம்முடைய 65ஆம் வயதில் இங்கிலாந்தில் காலமானார். அவரையடுத்து அவரது குடும்பத்தைச் சேர்ந்த சார்லஸ் புரூக் சரவாக்கின் இரண்டாவது இராஜாவாக பதவியேற்றார். இவருடைய ஆட்சியின்போதுதான் கூச்சிங் நகரம் ஆகஸ்டு மாதம் 1872இல் சரவாக்கின் தலைநகராக பிரகடனப்படுத்தப்பட்டு இன்று வரையிலும் இருந்து வருகிறது. சார்லஸ் புரூக்கை தொடர்ந்து அவருடைய மகன் சார்லஸ் வைனர் புரூக் 22 ஜூலை 1918இல் சரவாக்கின் மூன்றாவது இராஜாவாக நியமிக்கப்பட்டார். இதைத் தொடர்ந்து 24 செப்டம்பர் 1941இல் புதிய அரசியலமைப்பு சட்டத்தை சரவா மாநில அரசு அங்கிக்கரித்தது.

முதலாம் உலகப் போரைத் தொடர்ந்து, 105 வருட புரூக் குடும்ப ஆட்சிக்குப் பிறகு, 1 ஜூலை 1946இல் சரவா மாநிலம் அதிகாரப்பூர்வமாக பிரிட்டிஷ் அரசிடம் ஒப்படைப்படைக்கப்பட்டது. அன்று முதல் சரவா மாநிலம் பிரிட்டிஷின் மகுடத்துவ காலணியாக 15 செப்டம்பர் 1963 வரை இருந்து வந்தது. 16 செப்டம்பர் 1963இல் சரவா, சபா, சிங்கப்பூர், மலாயா கூட்டமைப்புடன் இணைந்து மலேசியாவாக உருவெடுத்தது.

அரசியல்
சரவா ஆளுநரை மாநிலத் தலைமையாகவும் முதல்வரை மாநில அரசின் தலைமையாகவும் கொண்டுள்ளது. சரவாக்கின் முக்கிய பகுதிகளாக கூச்சிங், சிபு, ஸ்ரீ அமான், மீரி, லிம்பாங், சரிக்கி, சமரகான் மற்றும் பிந்துலு அமைந்துள்ளது குறிப்பிடத்தக்கது. அதில் 25 மாவட்டங்களும் 29 சிறுமாவட்டங்களும் அடங்கும். மாநில அரசாங்க ஆட்சி மையம் பெட்ரா ஜெயாவில் அமைந்துள்ளது.

பொருளாதாரம்
வெட்டுமரத் தொழில் இம்மாநிலத்தின் முதன்மை தொழிலாகும். விவசாயம் இம்மாநில பொருளாதார வளர்ச்சிக்கு முக்கிய காரணமாக உள்ளது. இம்மாநில மக்கட்தொகையில் மூன்றில் இரண்டு பங்கு விவசாயத்தையே சார்ந்துள்ளது என்பது குறிப்பிடத்தக்கதாகும். அவை நெல்பயிர், பால்மரம், செம்பனை, கருப்பு மிளகு, தென்னை, கொக்கோ மற்றும் ஜவ்வரிசியாகும். அதிலும் குறிப்பாக சமராகான் மற்றும் கலாக்கா சரிபாஸ்ஸில் அமைந்துள்ள மாபெரும் விவசாய திட்டத்தின் கீழ் 86000 ஏக்கரிலிருந்து 161000 ஏக்கர் வரை செம்பனை, கொக்கோ மற்றும் ஜவ்வரிசி பயிரிடப்பட்டுள்ளது.

கலை மற்றும் கலாச்சாரம்
பல்வேறு இனங்களை சரவா கொண்டிருப்பதால் கலை கலாச்சாரமும் பலவகையில் அமைந்துள்ளது. ஙஜாட் அலு, ஙஜாட் அரோ மற்றும் டத்தூன் ஜூலுட் வகை நடனங்கள் இம்மாநிலத்தில் மிகவும் புகழ்பெற்றதாகும். விவசாயம் இம்மாநில மக்களின் முக்கியத் தொழில் என்பதால் சரவாக்கியர்கள் காவாய்(Gawai) பெருநாளை அறுவடை திருநாளாக கொண்டாடி மகிழ்கின்றனர். அன்று மாநில விடுமுறையாகவும் அனுசரிக்கப்பட்டு வருகிறது.
இதையடுத்து பெரும்பான்மையான சரவாக்கினர் கைவினைத் தொழில்களில் அதிகம் ஈடுபட்டு வருகின்றனர். இது இம்மாநில சுற்றுலாத் துறை வளர்ச்சிக்கு பெரும்பங்காற்றி வருகிறது. ஒரு வகை களிமண்ணால் அழகிய வேலைப்பாடுகளுடன் செய்யப்படும் சரவா ஜாடிகள்(Sarawak Vase) இங்கு வரும் உள்நாட்டு மற்றும் வெளிநாட்டு சுற்றுப் பயணிகளிடையே மிகவும் புகழ்பெற்றதாகும்.

புவா (Pua) கைத்தறித் துணிகள் சரவா மக்களின் மற்றுமொரு சிறப்பாகும். இந்த புவா வகைத் துணிகளுக்கு பயன்படுத்தப்படும் பல்வகை வண்ணங்கள் வேர், இலைகள், மரத்தோல் போன்ற இயற்கை பொருட்களை மூலதனமாக கொண்டுள்ளது. இவ்வகை துணிகளை முக்கியமான திருவிழாக்கள் மற்றும் திருமணத்தின்போது மட்டும்தான் இவர்கள் பயன்படுத்துகின்றனர்.

சுற்றுலாத்தலங்கள்
சரவா கலாச்சார கிராமம்(வாழும் அருங்காட்சியகம்)
17 ஏக்கர் நிலத்தைக் கொண்டு அமைந்துள்ள இக்கிராமம் ஒட்டுமொத்த சரவா மாநிலத்தையும் கையகப்படுத்தியுள்ளது என்றால் மிகையில்லை. மெலனாவ் இனத்தினரின் உயரமான வீடுகள், ஈபான், ஓராங் உலு மற்றும் பிடாயு இனத்தினரின் நீண்ட வீடுகள், பெனான் இனத்தினரின் குடில்கள் மற்றும் பல்வகை வீடுகளை இங்கு காண முடிகிறது. அத்தோடு பல்வகை கலாச்சார நடனங்கள், திருமண வைபவங்கள், ஆடல்கள் பாடல்கள், சிற்பக் கலைகளையும் இங்கு கண்டு மகிழலாம். பல்லின இசை அரங்கேற்றம் இங்கு நாள்தோறும் காலையிலும் மாலையிலும் நடைபெறுகின்றன. அதிலும் உள்ளூரின் சிறப்பு உணவுவகைகளை இங்குள்ள கடைகளில் அவசியம் வாங்கி சாப்பிட்டு மகிழ வேண்டும். பொதுவாகவே சரவா மாநிலத்திற்குச் சென்றவர்கள் இங்கு செல்லாமல் திரும்புவதில்லை.

தேசியப்பூங்காக்கள்

மழைக்காடுகளை சூழ்நிலைமண்டலமாக கொண்ட மலேசியாவில் அதிகமான தேசியப்பூங்காக்களைக் கொண்ட மாநிலமாக இந்த சரவா மாநிலம் திகழ்கின்றது. அதில் மூலு மலைத் தேசியப்பூங்கா, பாக்கோ தேசியப்பூங்கா, நியாஹ் தேசியப்பூங்கா, காடிங் மலைத் தேசியப்பூங்கா அதிக புகழ்பெற்றவையாகும். வருடந்தோறும் அதிகமான உள்நாட்டு மற்றும் வெளிநாட்டு சுற்றுப்பயணிகள் இங்கு வருகைப் புரிகின்றனர். இந்த பூங்காக்கள் 500க்கும் அதிகமான உயிரினங்களை வாழிடமாக கொண்டுள்ளதாக அறியப்பட்டுள்ளது. அதில் கிப்போன், ஓராங் ஊத்தான், மான் போன்ற விலங்குகளும் இம்மாநில சின்னமான ஹொர்ன்பில் பறவைகளை இங்கு அதிகம் காணலாம். ராஜா புரூக் வகை வண்ணத்துப்பூச்சிகளும் உலகிலேயே மிகப் பெரிய மலரான ரஃப்லேசியாவும்(Rafflesia)இங்குதான் உள்ளது.

சரவா அருங்காட்சியகங்கள்

சரவா மாநிலத்தில் மட்டுமே பதினொன்று அருங்காட்சியகங்கள் அமைந்திருப்பது இம்மாநிலத்தின் மற்றுமொரு சிறப்பாகும். அவை ஒருங்கே பழைய சரவா அருங்காட்சியகம், துங்கு அப்துல் ரகுமான் அருங்காட்சியகம், இஸ்லாமிய அருங்காட்சியகம், சீன அருங்காட்சியகம், நியாஹ் தொல்பொருள் அருங்காட்சியகம், லிம்பாங் அருங்காட்சியகம், பாராம் அருங்காட்சியகம், நெசவுத்துறை அருங்காட்சியகம், 'மியாவ்' பூனை அருங்காட்சியகம், வெட்டுமர அருங்காட்சியகம் மற்றும் பாறைநெய்(Petroleum)அருங்காட்சியகமாகும். பொது மக்களின் பார்வைக்காக வாரத்தின் ஏழு நாட்களும் இவை திறந்தே உள்ளன. அனைத்து அருங்காட்சியங்களுக்கும் நுழைவு இலவசமாகும்.

அஸ்தானா அரண்மனையும் மார்கரித்தா கோட்டையும்

சரவாக்கின் இரண்டாவது இராஜாவாக விளங்கிய சார்லஸ் புரூக்கால் 1879இல் இந்த மார்கரித்தா கோட்டை கட்டப்பட்டது. தன் மனைவி மார்கரித்தா இராணியாரின் பெயரையே இந்த கோட்டைக்கு சார்லஸ் சூட்டியிருந்தார். சரவா நதியையொட்டிள்ள இந்த கோட்டை பார்ப்பவர் மனதையும் கொள்ளைக் கொள்கிறது என்றால் மிகையில்லை. இந்தக் கோட்டைக்கு அருகே அஸ்தானா அரண்மனை அமைந்துள்ளது.

தற்போது மாநில ஆளுநரின்(யாங் டி பெர்துவான்) அதிகாரத்துவ இருப்பிடமாக விளங்கும் இந்த அஸ்தானா அரண்மனையும் சார்லஸ் புரூக்கால் கட்டப்பட்டதுதான். தங்களின் திருமண பரிசாக இந்த அரண்மனையை தன் மனைவிக்கு சார்லஸ் பரிசளித்திருந்தார். பிறகு ஒரு சில மாற்றங்கள் செய்யப்பட்டு மாநில ஆளுநரின் வசிப்பிடமாக இன்றுவரை இருந்து வருகிறது.

கோவில்கள்

துவா பெக் கோங் சீனக் கோவில்

துங்கு அப்துல் ரகுமான் சாலையில் அமைந்திருக்கும் இக்கோவில் கூச்சிங்கிலேயே மிகவும் பழமை வாய்ந்ததாகும். இக்கோவில் 1843இல் கட்டப்பட்டிருந்தாலும் அதிகாரப்பூர்வமான குறிப்பேடுகளில் 1876 இல்தான் இக்கோவில் உருவாகியிருப்பதற்கான குறிப்புகளைக் காண முடிகிறது. இறந்தவர்களின் ஆவிகளைக் நினைவுக்கூறும் வாங் காங் திருவிழா இங்கு வெகுவிமரிசையாகக் ஆண்டுதோறும் கொண்டாடப்படுகிறது.

இம்மாநிலத்தில் அதிகமான இந்தியர்கள் குறிப்பாக இந்துக்கள் வாழவில்லையென்றாலும் கூச்சிங்கிலுள்ள பிள்ளையார் கோவிலும் மாரியம்மன் கோவிலும் இந்து சமய வளர்ச்சிக்குப் பெரிதும் பங்காற்றுகின்றன. இந்துக்களை அடுத்து சீனர்களும் இக்கோவில்களுக்கு வந்து வழிபட்டு செல்கின்றனர்.

உலக மழைக்காடு இன்னிசை விழா (Rainforest World Music Festival)

ஒவ்வொரு வருடமும் நடந்தேறி வரும் இந்த இன்னிசை விழா பதினொறாவது முறையாக இவ்வாண்டும் ஜூலை 11ஆம் நாள் தொடங்கி 13ஆம் நாள் வரை சரவா கலாச்சார கிராமத்தில் நடைப்பெறவுள்ளது. போர்த்துகல், கொங்கோ, இந்தியா, அங்கோலா, கொலும்பியா, பிலிப்பைன்ஸ், ஜப்பான், பாலஸ்தீன், கிரிஸ், பிரேசில், போலந்து, அமெரிக்கா மற்றும் யு.கே என்று உலகின் பலதரப்பட்ட மூலையிலிருந்து வரும் இன்னிசைக் குழுக்கள் இந்த இன்னிசை விழாவில் பங்கேற்கின்றன. இந்நிகழ்வுக்கான நுழைவுச்சீட்டுகள் மலேசிய ரிங்கிட் 45இல் இருந்து 250 வரை விற்கப்பட்டும் வருகின்றது. ஆர்வமுள்ளவர்கள் இதற்காக இப்போதிலிருந்தே பதிந்தும் கொள்ளலாம்.

அவசியம் பார்க்க வேண்டிய வேறு சில இடங்கள்:

கூச்சிங்

சந்துபோங் மீன்பிடி கிராமம்

சாத்தோக் சந்தை

சிபு

சிபு சிவிக் செண்டர் அருங்காட்சியகம்

லெம்பாங்கான் சந்தை

ஏழு மாடி பகோடா

தங்க முக்கோணம்

ஈபான் நீண்ட வீடுகள்

பிந்துலு

பிந்துலு மசூதி

ஜேபாக் கிராமம்

குவான் யின் தோங் சீனக்கோவில்

சரவா விவசாய (அ) வேளாண்மை பூங்கா

தும்பினா பூங்கா

தஞ்சோங் பத்து கடற்கரை

கிடுரோங் கோபுரம்

மீரி

முதலை பண்ணை

பாறைநெய் அருங்காட்சியகம்

லுவாக் விரிகுடா

பெராயா கடற்கரை

ஹாவாய் கடற்கரை

மலர்தோட்டம்

மசூரி சமாதி (Makam Mahsuri)

2008-05-10T14:52:00.002+08:00

எத்தனை வருடங்கள் ஆனாலும், காலங்கள் கடந்தாலும் சில நிகழ்வுகள் காலத்தால் அழிக்க இயலாது. அது போலத்தான் மசூரிக்கு நடந்த கொடுமையும்.

அடடே. மசூரி யாரு? எதுக்கு இப்போது அவரை பற்றி பேசுறேன்னு பார்க்குறீங்களா? தொடர்ந்து படியுங்கள். இவர் எப்படி லங்காவியின் தாழ்ச்சிக்கும் வளர்ச்சிக்கும் காரணம் என்று தெரிய வரும்.

பரம்பரையோ அல்ல பணக்கார வர்கத்தையோ சார்ந்தவர் அல்ல. ஒரு ஏழைபல நூறு வருடத்துக்கு முன்னே மசூரி என்பவர் லங்காவி சுற்றுவட்டாரத்திலேயே பெரிதும் பேசப்பட்டவரில் ஒருவர். அவர் ராஜ குடும்பத்தில் பிறந்த ஒரே மகள். ஒரு தடவை பார்த்ததும் திரும்ப திரும்ப பார்க்கத்தூண்டும் அழகு. அதுமட்டுமா? அவருடைய குணங்களும் மிகவும் போற்றக் கூடியவை. அவர் பெற்றோர்கள் வளர்ப்பில் நல்ல குணங்களை கற்றரிந்தார். பெரியவர்கள் மீது மரியாதை, தானே முன் வந்து மற்றவர்களுக்கு உதவும் மனப்பான்மை, விட்டுக் கொடுத்தல், என்று அவருடைய குணங்கள் ஒவ்வொன்றுக்கும் ஒவ்வொரு விருது கொடுக்கலாம்.

இவரும் திருமண வயதை அடையும்போது திருமண தாக்கல்கள் இவர் வீடை தேடி நிறைய வந்தன. யாருக்குதான் இப்படிப்பட்ட மனைவி கிடைக்க நிறைய ஆண்மகன்கள் தவமிருந்தனர். ஆனால், அதிர்ஷ்டம் அடித்தது அரசாங்கத்தில் பெரிய பதவி வகிக்கும் ஒரு இளைஞனுக்கு. (எனக்கு அவர் பெயர் என்ன என்று தெரியவில்லை).

இவர்கள் திருமணம் மசூரியின் பெற்றோர்களின் சக்திக்கும் மீறி விமரிசையாக நடத்தினர். இருவரும் சந்தோஷமாத்தான் வாழ்ந்தனர். இவர்களுக்கு ஒரு மகனும் பிறந்தான். அவன் பெயர் வான் ஹக்கிம் (Wan Hakim). வருடங்கள் கடந்தாலும் மசூரியின் குணங்களில் ஒரு சின்ன வேறுபாடும் தெரியவில்லை. எப்போதும் போல எல்லாருகும் தன்னால் ஆன உதவிகளை செய்தே வந்தாள். அதனால் அந்த ஊரிலேயே அவருக்கு நல்ல பெயரும் புகழும் மேலும் மேலும் கூடியது.

அதே ஊரில் உள்ள, ராஜ பரம்பரையை சேர்ந்த ஒரு பெண்ணுக்கு (Wan Manohara) மசூரியின் மேலும் அவருக்கு சேர்ரும் புகழும் மேலும் பெரும் பொறாமை கொண்டாள். அவளை எப்படியாவது பழி வாங்கியே தீரவேண்டும் என கங்கணம் கட்டிக் கொண்டிருந்தாள். மசூரியின் கணவன் அடிக்கடி வேலை தொடர்பாக வெளியூருக்கு செல்ல வேண்டிய சூழ்நிலை. மசூரியின் கணவன் வெளியூருக்கு சென்ற காலத்தில் மசூரியின் மேல் இவள் அபாண்டமான பழி ஒன்றை போட்டாள்..

கணவன் இல்லாத போது மசூரி மற்ற ஆண்களுடன் உறவு கொள்கிறாள் என்று அவதூறு கிளப்பினாள். காட்டுத் தீப்போல் பரவிய இந்த பொய் அரசர் காதுக்கும் எட்டியது. எல்லா விஷயத்திலும் தீர விசாரித்து நடவடிக்கை எடுக்கும் மன்னர் இந்த விஷயத்தில் அவ்வளவு கவனம் செலுத்தாதற்கு என்ன காரணமோ தெர்ரியவில்லை..

தீர விசாரிக்காமல் மசூரிக்கு மரண தண்டனை விதித்தார். மரணத் தண்டனை என்பது தூக்கிலுவதில்லை. மக்களின் முன் ஒரு மரக்கம்பத்தில் கட்டி வைத்து அவர்கள் முன்னே ஆயுதத்தால் குத்தி/வெட்டி கொள்வது. மக்களில் ஒரு பகுதியினர் தங்களது தங்கங்களும் தானியங்களும் மன்னரிடம் ஒப்ப்படைத்து மசூரியை மீட்க முயற்சி செய்தனர். எதுவும் பலனழிக்கவில்லை.

தணடனை நாளும் வந்தது. ஆனால் என்ன ஆச்சர்யம்/ அதிசயம்!!!!

எந்த ஆயுதமும் அவள் உடம்பில் பதியவில்லை.. ரத்தங்களும் வெளியாகவில்லை. ஆனாலும், அந்த துன்புருத்தலில் மிகவும் வேதனைப்பட்டார் மசூரி. பலவாறு அரசாங்க வீரர்கள் முயற்சி செய்தும் அவரை கொல்லமுடியவில்லை. பிறகு மரக்கம்பத்தில் கட்டப்பட்ட மசூரியை அப்படியே விட்டுவிட்டு சென்று மறுநாள் தொடர்ந்தனர். எதுவும் பலனிக்கவில்லை..

ஒரு கட்டத்தில் மசூரியினால் அந்த வேதனையை தாங்க முடியாமல் அவரே தன்னை கொல்ல ஒரே ஒரு வழி இருக்கிறது என்றார். அவரின் தந்தையின் கெரிஸ் (Keris)-இல் அவரை குத்தினால் கண்டிப்பாக அவர் இறக்கும் சாத்தியம் இருக்கு என்பதை அவர் கூறியதும் வீரர்கள் மசூரியின் தந்தையிடம் அந்த கெரிஸை பெற்று மசூரியை குத்தினார்கள்.

உடம்பிலிருந்து செங்குருதி வெளியாகுவதற்கு பதிலாக ரத்தம் வெள்ளை வர்ணமாக வழிந்தது. அவரும் மாண்டார். அவர் உயிர் உடம்பை விட்டு பிரியும் முன்னே அவர் விட்ட பத்தினி சாபம்: உண்மையை அலசி ஆராயாமல் அபாண்டமான பழியை சுமத்திய மன்னரும் அவரது நாடும் ஏழு தலைமுறைக்கு முன்னேறவே முடியாமல், இருக்கிற பெயர், புகழ் எல்லாம் அழிந்து கஷ்டப்படட்டும். இதுவே இந்த மண்ணுக்கு கிடைக்கும் பாடமாக அமையட்டும்ன்னு சொல்லி இறந்துட்டாங்க. அந்த நிகழ்வு வரலாற்றில் ஒரு கருப்பு புள்ளியாக மாறியது.

அந்த நாள் வரை செல்வாக்கு மிக்க நாடாக இருந்த லங்காவியில் பேரிடிகள் ஏற்ப்பட்டது. பக்கத்து நாடுகளின் படையெடுப்பு, நீர் பஞ்சம், உணவு பஞ்சம், உள்நாட்டு சலசலப்பு, ஆட்சி சண்டை என பல இன்னல்களால் லங்காவி இருண்டது. சரியாக ஏழு வருடம். அப்படி ஒரு நாடு இருப்பதையே மக்கள் மறக்கும் நிலைக்கு மாறியது

மசூரி இறந்து சில நாட்களில் நாடு திரும்பிய அவனது கணவனுக்கு கிடைத்தது தன் மனைவியின் இறப்பு செய்தி மட்டுமே. அவர் அந்த நாட்டின் மேல் வெறுப்பும் விரக்தியும் கொண்டு நாட்டை விட்டு வெளியேறி தன் மகனுடன் தாய்லாந்தில் தஞ்சம் புகுந்தார். மசூரியின் ஏழாவது தலைமுறை என நம்பப்படும் வான் ஆயிஷா (Wan Aishah) பிறந்த போதுதான் லங்காவி திரும்ப கொஞ்சம் கொஞ்சமாக பழைய நிலைக்கு திரும்ப ஆரம்பித்தது.

அப்போது கெடா லங்காவியை ஆட்சி செய்ததால், லங்காவி ஒரு தனி நாடாக அல்லாமல் கெடா மாநிலத்தின் ஆட்சியின் கீழ் அடங்கியது. இப்போது லங்காவி ஒரு மாபெரும் சுற்றுலா தளமாக மாறியதுக்கும் முக்கிய காரணம் மசூரிதான். வெளிநாட்டவர்கள் லங்காவி வந்தால் அவர்கள் முதலில் பார்க்க வேண்டும் என நினைப்பது மசூரியின் சமாதிதான்.

பூங்கா இமாஸ்

2008-03-19T13:49:00.004+08:00

(பூங்கா இமாஸ்)

உலகில் சில நாடுகள் பலம் வாய்ந்தவையாக இருக்கும்.பல நாடுகள் பலம் குன்றிய நாடாக இருக்கும். பலங்குன்றிய நாடுகளின் மீது பலம் வாய்ந்த நாடு தன் அதிகாரத்தை செலுத்த படை எடுக்கும். அதனை எதிர்த்து போராட முடியாத நாடுகள் அதன் அதிகாரத்திற்கு கட்டுபடும். பின்னர் அந்நாடுகளை கப்பங்கட்டுமாறு பலமிக்க நாடு கட்டளையிடும். சிறிய நாடுகள் பெரிய நாடுகளுக்கஞ்சி கப்பங்கட்டி கொண்டுவரும்.
அங்கனம் கப்பமாகக் கட்டக்கூடிய பொருள் தங்கமாகவோ வேறு விலையுயர்ந்த பொருட்களாகவோ இருக்கும். கெடா, திரங்கானு மாகாணங்கள் சயாமிற்கு இதுபோல கப்பங்கட்டி வந்தன.இதுவே பூங்க இமாஸ் என அழக்கப்படுகுறது. பூங்கா என்றால் மலர், இமாஸ் என்றால் தங்கம். எனவே பூங்கா இமாஸ் என்றால் தங்க மலர் என பொருள்படும்.
கெடா சுல்தான் சயாம் நாட்டிற்கு அஞ்சி, பிரிட்டிஷ் காரர்களின் உதவியை நாடினார். பிரிடிஷ்காரர்கள் உதவி செய்வதாக கூறி பினாங்கை குத்தகைக்கு எடுத்துக் கொண்டனர். பிரிடிஷாரின் உதவியை பெற்ற கெடாவானது சயாமிற்கு பூங்கா இமஸ் கொடுக்க மறுத்தது.
கெடாவிற்காக பிரிடிஷார், சயாமியர்களோடு பேச்சுவார்த்தை நடத்தினர். ஆனால் அப்பேச்சுவார்த்தை பயனில்லாமல் போயிற்று. கொஞ்சகாலம் கழித்துச் சயாமிய அரசன் தன் படைகளை நாட்டிற்குத் திரும்பும்படி கட்டளையிட்டான். அப்பொழுது ஒரே மகாணமாக இருந்த கெடா இரண்டு மாகாணங்களாகன் பிரிக்கப்பட்டது. ஒன்று கெடா, இன்னொன்று இன்றுள்ள பெர்லிஸ் என்பதாகும்.

மலாயாவின் கிழக்குக்கரை மாகாணங்களான கிளந்தான், திரங்கானு ஆகியனவை சயாம் ஆட்சியின் கீழ் இருந்து வந்தன, அப்பொழுது அம்மாகாணங்கள் தொடர்ந்து சயாமிற்கு கப்பங்கட்டி வந்தன. 1869-ம் அண்டில் கிளந்தான் சுல்தான் பெரியதொரு பூங்கா இமாஸ் செய்து சயாமிற்கு கொடுத்தான். அது எட்டுக் கிளைகள், முப்பத்தெட்டு பூக்கள் எண்ணூற்றெண்பது இலைகள், நான்கு பாம்புகள், எட்டு பறவைகள் கொண்டதாக அமைந்திருந்தது. இவ்விரு மாகாணங்களும் 1909-ம் அண்டுவரை சயாம் ஆட்சியின் கீழிருந்தன. எனவே. அவை தொடர்ந்து ஆண்டுதோற்ம் பூங்கா இமாஸ் கட்டி வந்தன.

பத்துமலை தைப்பூசத் திருவிழா

2008-01-24T10:08:00.001+08:00

Thanks: Kervin Chong

லங்காவி போகலாம்.. வர்றீங்களா? -2

2008-01-18T13:10:00.000+08:00

என்னுடன் சேர்ந்து லங்காவி சுற்றுலால கலந்துக்கிட்ட நண்பர்களுக்கு நன்றி. எல்லாரும் டீ காப்பி குடிச்சிட்டு வந்திருப்பீங்கன்னு நம்புறேன். இப்போது தெம்பா ஊர் சுற்ற போகலாம். வர்றீங்களா?

ஃபெர்ரில வந்து இறங்கி வெளியாகும்போது நிறைய பேர் "சார், ஹோட்டல் வேணுமா, கார் வேணுமா. டாக்ஸி வேணுமா, எங்கே போகணும்?"ன்னு பல கேள்விகள் கேட்டு துளைச்சி எடுத்துடுவாங்க.. இவங்க தொழிலே வரும் சுற்றுப்பயணிகளுக்கு போதிய வசதிகளை செய்து கொடுக்கிறதுதான்.

சரி, நமக்கு இப்போ இது அவசியமில்லை. ஜெத்தி விட்டு வெளியே வந்ததும் உங்க இடது பக்கம் திரும்பி பார்த்தீங்கன்னா ஒரு பெரிய பருந்து ஒன்னு உங்களை பார்த்து நிற்கும். "வருக வருக.. லங்காவிக்கு வருக"ன்னு எல்லாம் அது சொல்லாது. ஏன்னா, அது ஒரு சிலை. ஆனாலும், நல்லா பெருசா கட்டியிருப்பாங்க. 12 மீட்டர் உயரம். நான் முன்னால் சொன்னதுபோல லங்காவி என்ற பெயருக்கு அடித்தளமே இந்த பருந்துங்கிறதுனால, ஜெத்தி அருகாமலையே இந்த பெரிய சிலை கட்டியிருப்பாங்க. வந்ததுமே நீங்க பார்க்கிற முதல் சுற்றுலா தளம். இந்த இடத்தின் பெயர் டத்தாரான் லாங் (Dataran Lang). கண்டிப்பா இந்த இடத்துல நீங்க போட்டோ எடுக்கணும்ன்னு நினைப்பீங்க.. நான் கொஞ்சம் வெயிட் பண்றேன். போட்டோ எடுக்கணும்ன்னு நினைக்கிறவங்க போய் போட்டோ எடுத்துட்டு வரலாம்.

ஆங்.. சொல்ல மறந்துட்டேனே.. இப்போ நீங்க இருகிற இடத்தின் பெயர் குவா (Kuah). இதுதான் லங்காவி தீவின் பட்டணம். ஃபெர்ரி மூலமாக வந்தால் நீங்கள் வந்திறங்குவது இங்கேதான். குவா என்றால் gravy. கிச்சாப் எனப்படும் வகையிலிருந்து தயாரிக்கப்படும் gravy. இந்த பெயருக்கு பின்னாலும் ஒரு புராண கதை இருக்குங்க.

முன்னொரு காலத்துல ரெண்டு ராட்சச மனிதர்கள் இங்கே வாழ்தாங்கலாம். ஒருத்தர் பெயர் மாட் சின்ச்சாங் (Mat Cincang). இன்னொருத்தர் பெயர் மாட் ராயா (Mat Raya). ரெண்டு பேரும் நெருங்கிய நண்பர்கள். யார் கண் பட்டுச்சோ தெரியல. ஒரு நாள் இவங்க பிள்ளைகள் கல்யாணத்தப்போ இவங்க ரெண்டு பேருக்கும் வாய் தகறாஉ ஆரம்பித்து கைக்கலப்பு ஏற்ப்பட்டது. அடித்துக்கொள்ளும்போது பக்கத்துல இருக்கிற பொருட்களை உபயோகப்படுத்துறது சகஜம் தானே? இவங்களும் இவங்க பக்கத்துல உள்ள சட்டி, பானை எல்லாம் எடுத்து சண்டை போட்டுக்கிட்டாங்க. அப்படி சண்டை போடும்போதுதான் பானையில் உள்ள கறி குவா பட்டணத்துல ஊற்றப்பட்டது.

இனி அடுத்தடுத்து பதிவுகளில் வரப்போகும் இடங்களான அயேர் ஹாங்காட் (Ayer Hangat) [Hot Water] மற்றும் பெலாங்கா பேச்சா (Belanga Pecah) [Broken Crockery] இடங்களின் பெயர்களும் இந்த கதையினால் வந்ததுதான். பானை உடைஞ்சு, சுடுத் தண்ணீர் ஊற்றி எல்லாம் நடந்த பிறகுதான் இவர்கள் இருவரும் தாங்கள் செய்த தவறை உணர்ந்தார்கள். தான் செய்த தவறுக்கு பிராயச்சித்தமாக மலையாக மாறிவிட்டார்கள். நீங்கள் இந்த மலைக்கு போனால் (கண்டிப்பாக இந்த இடத்துக்கு சீக்கிரமே கூட்டிட்டு போறேன் இந்த தொடர்ல) இந்த இரண்டு மலைகளுக்கும் நடுவில் ஒரு குன்று இருக்கும். இந்த குன்றாக இருப்பவரின் பெயர் மாட் சாவார் (Mat Sawar). ரெண்டு ராட்சச மனிதர்களும் அடித்துக்கொள்ளும்போது இவர்தான் இவர்கள் இரண்டு பேருக்கும் நடுவில் சமாதானப்பறவையாக இருந்தார். இவர்கள் இரண்டு பேரும் மலையாக மாறியபோதும், இவரும் கூடவே மலையாக மாறி இவர்கள் இருவருக்கும் இனி எப்போதும் சண்டையே வராமலிருக்க பாதுகாக்கிறார் என நம்பபடுகிறது.

இதேபோல லங்காவியில் நிறைய புராண மற்றும் விசித்திர கதைகள் இருக்கு. அந்தந்த இடத்துக்கு போகும்போது நானே சொல்கிறேன்.

இப்போது ஒரு முக்கிய கேள்வி. லங்காவில இருக்கும்போது ஓரிடத்திலிருந்து இன்னொரு இடத்துக்கு போறதுக்கு நமக்கு வாகனம் வேணுமே! அதுக்கு என்ன பண்றது? கவலையே இல்லை. முதல்ல நின்ன இடத்துக்கே கொஞ்சம் திரும்ப வாங்க.. "சார், ஹோட்டல் வேணுமா? கார் வேணுமா? டூர் பேக்கஜ் இருக்கு. சூப்பர் பேக்கஜ்"ன்னு கூவுறது உங்க காதுகளில் விழுதா? அப்படியே அவர்க்கிட்ட போய் கொஞ்சம் பேச்சு கொடுப்போம்.

இங்கே உங்களுக்கு ஒரு காரும் லங்காவி மேப் இருந்தாலே போதும். ஊர் முழுக்க சொந்தமாகவே சுற்றிடலாம். கார் வாடகை ஒரு நாளைக்கு RM50-RM80 வரை கிடைக்கும். மோட்டார் சைக்கிள் குறிப்பா ஸ்கூட்டர் வகை மோட்டார்கள் மிகவும் மலிவு விலை வாடகைக்கு கிடைக்கும். கார், மோட்டார் ஓட்டத்தெரியலைன்னா கூட பரவாயில்லை.. சைக்கிள் கூட வாடகைக்கு கிடைக்கும். :-)

இல்ல. எனக்கு டூர் பேக்கஜோ, பஸ் வாடாகையோ இல்லை ட்ராவெல் வேன் வேணும்ன்னு சொல்றவங்களும் உங்களுக்கு நீங்கள் கேட்கும் சர்வீஸ் கண்டிப்பாக கிடைக்கும். இப்போ ஏதாவது ஒரு வாடகை வண்டியை எடுத்துட்டு ஒரு ஹோட்டல் செல்வோம் வாங்க. ஹோட்டல் பற்றி இங்கே நான் சொல்ல வேண்டிய தேவை இல்லைன்னு நினைக்கிறேன். ஹோட்டல் இங்கு மிக சுலபமாக கிடைக்கும் ஒரு வசதி. ஹோட்டல்ல உங்க மூட்டை முடிச்சுகளை கழற்றி வச்சதும் அடுத்த இடத்துக்கு சுற்ற கிளம்புவோமா?

ஓகே.. இப்போ குவா பட்டணத்தில் உள்ள மற்ற சுற்றுலா தளங்களையும் சுற்றி பார்ப்போம். நாம் இப்போ போக போற இடம் லேஜேண்டா பூங்கா (Taman Legenda). அமைதியான சுற்று சூழலை விரும்புவோர் இந்த இடத்தை கண்டிப்பாக விட மாட்டாங்க. இந்த பூங்கா 50 ஏக்கர் நில பரப்பை கொண்டது.இதில் திறந்த வெளி தொல்பொருட்காட்சி நிலையம் (Open Air Museum)-உம் உள்ளது. இந்த பூங்கா முழுதும் பூத்து குழுங்கும் பூக்கள், மரங்கள், இயற்கை காட்சிகள் எனரு நாம் நடக்கும் நடைப்பாதை முழுதும் அலங்கரித்திருக்கும். அது மட்டுமில்லாமல் லங்காவி லெஜெண்ட்ஸ் என்று சொல்லப்படும் பல அரிய மரங்கள் மற்றும் செடிகள், பூக்கள் என பார்க்கலாம்.

குவாவில் உள்ள இன்னிரு சுற்றுலா தளம் என்றால் அது CHOGM Park. 1989-இல் நடந்த காமன்வெல்த் மீட்டிங் போது ஸ்பெஷலாக கட்டப்பட்ட பூங்கா இது. இன்று வரை 1989-இல் கலந்துக்கொண்ட எல்லா நாட்டு கொடியும் அங்கே ஏற்றப்பட்டுள்ளது. நீங்கள் ஓய்வெடுக்க வேண்டும் என விரும்பினால் இது ஒரு நல்ல பூங்கா.

அடுத்து நாம் வேற இடத்துக்கு பயணிப்போம். கூட பயணம் செய்ய நீங்கள் தயாரா?

லங்காவி போகலாம்.. வர்றீங்களா? -1

2008-01-12T11:20:00.000+08:00

புலாவ் லங்காவி என்றழைக்கப்படும் இது ஒரு தீவு. மலேசியாவிலேயே என்னை மிகவும் கவர்ந்த இடம் என்ன என்றூ கேட்டால் யோசிக்காமலேயே நான் சொல்லும் பதில் லங்காவி தீவுதான். எத்தனை இடம் சென்றாலும் லங்காவி என்னை கவர்ந்த அளவு வேறெந்த இடமும் கவரவில்லை என்றுதான் சொல்வேன். எனக்கு 4 நாள் கொடுத்தால் கூட எல்லா இடத்தையும் சுற்றி பார்த்து முடித்து வர முடியாது. ஏனென்றால், ஒவ்வொரு இடமும் மிகவும் பிரமாதமாக இருக்கும். விட்டு விட்டு வரவே மனமே வராது.

லங்காவி என்றதும் இது எந்த இடம்ன்னு உங்களுக்கு கேள்வி இருக்கும். 1999-இல் வெளியாகி சக்கை போடு போட்ட Anna and The King படம் ஞாபகம் இருக்கா? இது தாய்லந்து நாட்டின் ராஜ பரம்பரை கதை. இந்த படம் முழுதும் லங்கவியில்தான் எடுக்கப்பட்டது. பீட்டர் படம் பார்க்காதவங்களா நீங்க.. சரி, அப்போ பில்லா 2007 பார்த்தீங்களா? இந்த ப்டத்திலேயும் சில காட்சிகள் லங்காவியில் எடுக்கப்பட்டதுதான். மலேசியாவில் மிகவும் சுத்தமான, அழகான இடம் என்றால் அது லங்காவிதான்..

தீபகற்ப மலேசியாவின் வடக்கிழக்கில் உள்ள 104 தீவுகளை உள்ளடக்கியதுதான் லங்காவி தீவு. அந்தமான் கடலும் மலாக்க நீரிணையும் இடத்தில்தான் லங்காவி தீவு இருக்கிறது என்பது ஒரு ஸ்பெஷலிட்டி. இந்த தீவுகளிலேயே பெரிய தீவைத்தான் லங்காவி என்றைக்கிறோம். லங்காவி தீவு பினாங்கு தீவை விட மிகப் பெரியது.

லங்காவி அருகில் பல குட்டி குட்டி தீவுகள் இருக்கின்றன. லங்காவி வருபவர்கள் Island Hopping எனும் சுற்றூலா பேக்கேஜ் எடுத்து மற்ற சில தீவுகளுக்கும் போவது வழக்கம். (இதைப்பற்றி பிறகு விளக்குகிறேன்).

தீபகற்ப மலேசிய வடக்கிழக்கு கடற்கரையிலிருந்து ஒரு 30 கிலேமீட்டர் கடலில் பயணம் செய்தால்தான் இந்த தீவுக்கு வந்து சேர முடியும். இந்த தீவு கெடா மாநிலத்தின் ஓரு பகுதியாக கருதப்படுகிறது. ஆனாலும் இது தாய்லாந்து எல்லைக்கு அருகில் இருக்கிறது. நீங்க இந்த தீவுக்கு வரும்போது உங்க செல்பேசியில் மலேசியா மற்றும் தாய்லாந்து தொலைதொடர்பு சிக்னல் மாறி மாறி காட்டும்.

வாங்க ஊர் சுத்தலாம்ன்னு கூப்பிட்டுட்டு கதை பேசிட்டு இருக்கேன்னு நீங்க நினைக்கலாம். ஆனாலும், இந்த மாதிரி தகவல் உங்களுக்கு பின்னால் இந்த இடத்தை சுற்றிப்பார்க்க வரும்போது உதவுமில்லையா? நீங்க சுற்றுலா சென்றாலும் ஒருத்தர் மைக்கை பிடிச்சுக்கிட்டு இதைத்தானே சொல்ல போறார்.. அதான் நான் முந்திக்கிட்டேன். சரி, வாங்க தொடரலாம். :-)

லங்காவி (Langkawi) என்பது மலாய் வார்த்தையிலிருந்து உருவாகப்பட்டது. லாங் (Lang) என்பது பருந்தை குறிக்கும். காவி (Kawi) என்பது காவி வண்ணத்தை குறிக்கும். ஒரு சிவப்பு கலந்த சாக்லேட் வர்ண (காவி வர்ண) பருந்து ஒன்று ஒரு கல்லை கொத்துவதை ஒரு மீனவன் பார்த்த கதை ஒன்று இருக்கிறது இங்கே. அதன் அடிப்படையாக கொண்டுதான் லங்காவி என்ற பெயர் வந்தது என்றும் சொல்கின்றனர்.

இதே தீவில் பல மர்ம கதைகளும், லெஜெண்ட் கதைகளும் உள்ளன. அதனால், இந்த தீவு லெஜண்ட் தீவு (Legendary Island) என்றும் அழைக்கப்படுகிறது. மிகவும் பிரபலமான புராண கதை (Legendary story) என்று சொன்னால் மசூரி என்ற பெண்ணை பற்றிய கதை. அது என்ன கதைன்னு பின்னால் பார்க்கலாம்.

ஆங்.. ஒன்னு சொல்ல மறந்துட்டேனே! லங்காவி டூட்டி ஃப்ரீ ஜோன் (Duty Free Zone) என்றும் அழைக்கப்படுகிறது. பொருட்கள் மிக மிக மலிவாகவூம் வரிவிலக்கும் கொடுக்கப்படும். அதனால், சுற்றுப்பயணிகள் பலர் இதை சொர்க்க பூமி என்றும் அழக்கிறார்கள். நீங்கள் மினிமம் 48 மணி நேரம் லங்காவியில் இருந்தாலே வரிவிலக்கு நீங்கள் வாங்கும் பொருட்களுக்கு அழிக்கப்படும்.

லங்காவியில் என்ன ஸ்பெஷல்ன்னு பார்க்கிறதுக்கு முன்னே எப்படி லங்காவிக்கு போகலாம்ன்னு பார்ப்போமா? என்னுடன் பயணத்தில் இணைய நீங்க தயாரா?

லங்காவி அனைத்துலக விமான நிலையம் பாடாங் மத்சீராத் (Padang Matsirat)-ல இருக்கிறது. நீங்கள் குவாலா லும்புர் அனைத்துல விமான நிலயத்திலிருந்து (KLIA) MAS அல்லது Air Asia விமானம் மூலமாக சென்றால் 55 நிமிடத்தில் நீங்கள் லங்காவி வந்தடைவீர்கள். சிங்கப்பூரிலிருந்து Silk Air விமானமும், சீனாவிலிருந்து China Airlines விமானமும், தாய்வானிலிருந்து Eva Air விமானமும் நேராக லங்காவி போகிற வசதியும் உண்டு. லண்டன் மற்றும் நியூ யோர்க்கிலிருந்தும் லங்காவி செல்கிற விமானங்கள் இருக்கின்றன.

ஆனால், எனக்கு பிடித்தது ஃபெர்ரி (Ferry) சவாரிதான். குவாலா லும்புரிலிருந்து நீங்கள் லங்காவி போவதென்றால் பேருந்து மூலமாக குவாலா கெடா (Kuala Kedah) அல்லது குவால பெர்லிஸ் (Kuala Perlis)-கு செல்ல வேண்டும். கெடா அல்லது பெர்லிஸ்க்கு நீங்க் ரயில் மூலமாக கூட போகலாம்.

பேருந்து மூலமாக பயண தூரம்:
குவாலா லும்புர் - குவாலா கெடா - 6 மணி நேரம்
குவாலா லும்புர் - குவாலா பெர்லிஸ் - 7 மணி நேரம்

என்ன விலை என்று கேட்குறீர்களா? மலிவுதாங்க.

பெரியவர்: RM 15
குட்டீஸ்: RM 10

குவாலா கெடாவிலிருந்து நீங்க ஃபெர்ரி ஏறினால் 1 மணி 30 நிமிடத்தில் குவா ஜெத்தியில் (Jeti Kuah) வந்து சேருவீர்கள்.

ஓக்கே.. இப்போ நாம் லங்காவி தீவு வந்தடைந்தாச்சு.. டீ, காப்பி சாப்பிடவங்கல்லாம் கொஞ்சம் பிரேக் எடுத்து சாப்பிட்டு வாங்க.. நம் பயணத்தை தொடரலாம்.

அடுத்து நாம் லங்காவியில் உள்ள ஒவ்வொரு சுற்றுலா தளங்களுக்கும் போகலாம். நீங்கள் தயாரா?

மலாக்கா பேரரசு 3

2007-11-18T12:31:00.001+08:00

(St. Paul's Church)

( Kampung Keling Mosque )

வழு பெற்றிருந்த போர்த்துகீசிய இராணுவம் கடல் வழியாக மலாக்கா பட்டிணத்தை கடுமையாக தாக்கியது. நவினா போர் ஆயுதங்கள் இல்லாத மலாக்க படு தோல்வியுற்றது. இந்தத் தீவிர போருக்குப் பிறகு மலாக்கா பட்டிணம் போர்துகீசியர் வசமானது. இதில் தோல்வியுற்ற சுல்தான் மாமுட் ஜோகூர் என்ற மாநிலத்திற்கு தப்பி ஓடினார். அதுவே மலாக்கா மாநில மன்னர் ஆட்சியின் முற்றுபுள்ளியாக அமைந்த்து. மலேசியாவில் மன்னர் ஆட்சி தோன்றுவதற்கு மலாக்க பேரரசு மைல்கல்லாக அமைந்திருப்பினும், கி.பி 1511 பிறகு இன்று முதல் மலாக்கவில் மன்னராட்சி அமையாமல் போனது.

தற்சமயம் தீபகற்ப மலேசியாவில் 2 மாநிலங்களில் மட்டுமே மன்னராட்சி இல்லாமல் இருக்கிறது. அவை பினாங்கு மற்றும் மலாக்க என்பது குறிப்பிட தக்கது.

சரி கதைக்கு திரும்புவோம். மலாக்காவை ஆட்சியில் தப்பவிட்ட மாமுட் மன்னரானவர் ஜோகூரில் இருந்தபடி ஜோகூர்-ரியாவ் என்ற பேரரசை உறுவாக்கினார். இதன் வழி மன்னராட்சியின் மறுமலர்ச்சி துளிர்க்க ஆரம்பித்த்து.

மாலக்கவை கைபற்றிய போர்த்துகீசியர்களால் சுமார் 130 வருடங்கள் மட்டுமெ அம்மாநிலத்தை தங்கள் வசம் தற்காத்துக் கொள்ள முடிந்த்து. இவர்கள் ஆட்சியில் சமய பற்றுதல் மற்றும் மத பரப்பும் மேலோங்கி இருந்தமையால் இஸ்லாமிய மதத்தினரின் எதிர்புக்குள்ளானார்கள். வாணிகத்தை காட்டிலும் மத பரப்பில் இவர் கொண்ட ஈடுபாடு இவர்களின் ஆட்சிக்கு கெடுதலை உறுவாக்கியது. அக்கால கட்டத்தில் அதிகபடியான உள்ளூர் பெண்களை திருமணம் செய்து கொண்டர்கள். (மத பரபிற்கு இதுவும் ஒரு யுக்தியாய் கருதியதால்). இதனால் சரித்திர புகழ் வாய்ந்த மலாக்காவில் இன்றளவும் பிற மாநிலங்களில் இல்லாத வித்யாசமான கலாச்சார தாக்குதலை கான முடிகிறது.

( Cheng Hoon Teng temple )

(பாபா ஞோஞ்சா வீடு)

சிற்சில குறைபாடுகளால் 1641-ல் போர்த்துகீசியர்கள் மலாக்காவை டச்சுகார்ர்களிடம் தப்ப விட்டனர். போர்துகீசியர்களின் குறைகளை கண்டரிந்த டச்சு அரசு தனது முழு ஆதிக்கத்தையும் வணிக துரையில் காட்டியது. இச்சமயம் மலாக்க பெரிய அளவிலான வளார்ச்சியை அடைந்த்தாக அறிய படுகிறது. டச்சு கட்டிடங்களை இன்று சரித்திர சுற்றுலா தளங்களாக மலேசிய அரசாங்கம் பாதுகாத்து வருகிரது.

நெப்போலியன் யுத்த சமயத்தில், மலாக்க இங்கிலாந்து ஆட்சியின் வசப்பட்டது. தொடர்ந்து அனைத்து ஆட்சியாளர்களும் மலாக்காவை கைப்பற்ற நினைத்ததற்கு முக்கிய காரணம் அச்சமயம் பிரபலமாக விளங்கிய மாலாக்க துரைமுகமே ஆகும். மலாக்காவை கைப்பற்றுபவர்களால், மலாயா மண்ணின் பொருளாதரத்தையும் பெருமளவில் தன் வசம் வைத்துக் கொள்ள முடிந்த்து.

பிறகு 1814-ல் நடந்த லண்டன் ஒப்பந்தத்தில் இங்கிலாந்து மீண்டும் மலாக்காவை டச்சுகாரர்களிடம் விட்டுகொடுத்தது. பத்து ஆண்டுகள் களித்து நடந்த அங்கில-டச்சு ஒப்பந்தபடி தீபகற்ப மாலாய முழுவதுமாய் ஆங்கிலேயரின் கட்டுபாட்டிற்கு வந்தது. இதன் பிறகு பினாங்கும், அதையடுத்து சிங்கபூரும் சிறந்த வணிப மையங்களாக உறுவாக்கப்பட்டன.

(மலாக்கா மநில கொடி) ( மலாக்காவின் சின்னம்)

(1604-ல் மலாக்கா மாநிலம்)

அன்புடன்,

விக்னேஸ்

மலாக்கா பேரரசு 2

2007-10-28T15:28:00.000+08:00

(மலாக்காவில் அமைந்திருக்கும் டச்சு கோட்டை)

சிறந்த ராஜியத்தை நடத்தி வந்த பரமேஸ்வரா வெளியாட்களின் உதவியின்றி சியாமியரின் தாக்குதலை வெற்றி கொண்டார். இந்நிலையில், சியாமியரின் ஆட்சியின் கீழ் இருந்த பகாங் மாநிலத்தையும் தமது ஆட்சிக்குட்படுத்தினார். மலாக்கா மாநிலம் செல்வச் செருக்குடன் அதீத வளர்ச்சியடைய ஆரம்பித்தது.

மலாக்கா துறைமுகம் மிகவும் பிரசித்தி பெற ஆரம்பித்தது. வியாபார மைய பகுதியென மலாக்கா துறைமுகம் உறுவாகியது. முதல் முறையாக மலாக்கா கடற்கரை சட்டத்தை அமல்படுத்தினார்கள். இதனை தொடர்ந்து சீன தேசத்து இளவரசியான ‘ஹங் லீ போ’ மற்றும் மலாக்கா பேரரசின் திருமணத்தையடுத்து மலாயா மற்றும் சீனாவுடனான உறவு மேலும் வழு பெற்றது. மலாக்கா மாநிலத்தில் அதிக அளவிளான மக்கள் குடியேற அராம்பித்தார்கள். இதுவே மலாயா சரித்திரம் உறுவாக ஒரு மைல்கல்லாக அமைந்தது. மலாக்கா பேரரசின் ஆதிக்கம் தீபகற்ப பகுதிகளேங்கும் பறவ ஆரம்பித்தது. இவை மாநிங்களாக பிறிக்கபட்டு சிற்றரசர்களால் அட்சி செய்யபட்டு வந்தது.

15-ஆம் நூற்றாண்டின் இறுதியில் இஸ்லாமிய மத ஆதிக்கம் பெருக ஆரம்பித்த்து. மலாய் மக்கள் இஸ்லாம் மதத்தை தழுவ தொடங்கினார்கள். மலாக்காவிற்கு சுமாத்ராவிலிருந்து இஸ்லாமிய மதம் பரவியதாக சொல்லப்படுகிறது. இதன் பின் மலாக்கா மலாயாவில் இஸ்லாமிய சமய மையமாக விளங்கியது. இம்மத விரிவாக்கத்திற்கு முக்கிய காரணம் அரசரை விட மத குருவிற்கு இருந்த அதிக சழுகைகளே என கூறப்படுகிறது. புதிய மத அடிப்படையில் அரசருக்கே அதிகமான உறிமைகள் இருந்த்து. தமது நாட்டை ஆட்சி செய்யவும் முடிவெடுக்கவும் தடைகள் இல்லாமல் இருந்த்து. அரசரின் மத தழுவல் மக்களையும் பதிதத்து. அரசருக்கு ஒத்த மதத்தை மக்கள் தழுவும் பொழுது அவர்களுக்கு சிறப்பு சழுகைகள் வழங்கப்பட்டன.

15-ஆம் நூற்றாண்டு தொடங்கி 17-ஆம் நூற்றாண்டு வரை நடந்த இஸ்லாமிய மயமாக்கம் முடிவடையாத பட்சத்தில். சுமத்ராவை சேர்ந்த சுல்தான் இஸ்கண்டார் மூடா மக்களிடம் கட்டாயமாக இஸ்லாமிய மத்த்தை ஏற்றுக் கொள்ளும் பணியை செய்தார். இச்செயல் போர்த்துகீஸியர்களின் எதிர்ப்புக்குள்ளானது. இதன் பின்பு இந்து மத பண்பாடுகள் நீடிக்காமல் போனது. அரசர்களுக்குறிய மகாராஜ பட்டம் சுல்தான் என நிலை மறியது. சமஸ்கிருதம் மறைந்து அரபு மொழி நிலை கொண்டது.

இராமயணமும் மகாபாரதமும் பிந்தல்லப்பட்டது. இருப்பினும் தற்சமயம் கிளந்தான் மாநில பகுதிகளில் ‘ஹிகாயட் ஸ்ரீ ராமா’ என பல மாற்றங்கள் செய்யப்பட்டு, இஸ்லாமிய அடிப்படையில் இராமயண இதிகாசம் அமலில் உள்ளது.

கி.பி 1511-ஆம் ஆண்டு அல்போன்ஷோவின் தலைமையில் போர்துகீஸியர்கள் மலாக்காவை கடற்படையை வைத்து தாக்கினார்கள்......

தொடரும்.....

கெத்துப்பாட் (Ketupat)

2007-10-14T10:15:00.000+08:00

மலேசியாவில் விழாக்காலங்களின் போது அந்தந்த இனத்தவரின் பிரபலமான உணவுகள் செய்து பரிமாறுவது காலம் காலமாக கடைப்பிடித்து வரும் பழக்கம். இப்போது முஸ்லிம்களின் நோன்பு பெருநாள். இவர்களின் பிரபலமான மூன்று உணவுகள் என்று சொன்னால் கெத்தூப்பாட் (Ketupat), லெமாங் (Lemang) மற்றும் டோடோல் (Dodol). இன்று இங்கே உங்களுக்கு கெத்துப்பாட் என்பது என்ன என்று அறிமுகப்படுத்தப்போகிறேன்.

கெத்துப்பாட் 5 வகை இருக்கின்றது. அவை: கெத்துப்பாட் நாசி, கெத்துப்பாட் பாலாஸ், கெத்துப்பாட் சாத்தே, கெத்துப்பாட் பசார் மற்றும் கெத்துப்பாட் பாவாங். மலேசியாவில் பிரபலமானது கெத்துப்பாட் நாசி மற்றும் கெத்துப்பாட் பாலாஸ். இதில் கெத்துப்பாட் பாலாள் வடக்கு மாநிலங்களான பினாங்கு, கெடா மற்றும் பெர்லிஸ்-இல்தான் பிரபலம்.

கெத்துப்பாட் நாசி:

இது சதுர வடிவத்தில் இருக்கும். தென்னைமர இலையில் சதுர வடிவத்தில் நெய்து அதில் அரிசியை போட்டு வேக வைப்பார்கள். இதன் வடிவத்தை நெய்வதுக்கு தனி பயிற்சி தேவை. சரியாக நெய்ய தவறினால், உள்ளே போட்ட அரிசி அதன் ஓட்டையில் வெளியாகிவிடும். இதன் முழு process 10 மணி நேரம் எடுக்கும். மலேசியாவில் ஊர் பகுதியில் உள்ளவர்கள் அண்டை அயலாருடன் சேர்ந்து செய்வார்கள். இப்படி செய்வதால் நேரத்தையும் சேமிக்க முடியும். அதே நேரத்தில் அண்டை அயலாருடன் நல்ல நட்புறவையும் அதிகரிக்க முடியும்.

ஆனால், இப்போதுள்ள காலக்கட்டத்தில் பட்டணத்தில் 10 மணி நேரம் என்பது அதிக நேரம் என்பதால், இவர்கள் நாசி இம்பிட் (Nasi impit) செய்வார்கள். கெத்துப்பாட் அரிசி ஏற்கனவே பைகளில் அடைக்கப்பட்டு விற்கப்படுகிறது. அதை நாம் வாங்கி அப்படியே கூக்கரில் வேக வைத்து எடுத்து பரிமாறலாம்.

கெத்துப்பாட் பாலாஸ்:

பாலாஸ் என்பது பனை மரம். இந்த கெத்துப்பாட்டின் வெளிப்புரம் பனைமரத்து இலைகளினால் நெய்யப்பட்டதினால் கெத்துப்பாட் பாலாஸ் என்றழைக்கபடுகிறது. இது முக்கோண வடிவத்தில் இருக்கும். கெத்துப்பாட் நாடிக்கும் இதுக்கும் உள்ள இன்னொரு வேறுபாடு இதில் பூலூட் அரிசி (Glutinous rice) உபயோகிப்பார்கள்.

இவை இரண்டுக்கும் தொட்டுக்க என்ன உபயோகிக்கிறது என்று கேட்பீர்கள். சரியா? மேலே சொல்லப்பட்ட இரண்டும் சைவம்தான். கெத்துப்பாட் என்றாலே கச்சான் கறி (Kuah kacang) செய்வார்கள். இதுவும் சைவ ஐட்டம்தான். அசைவம் உண்போருக்கு கெத்துப்பாட்டை நீங்க கோழி ரெண்டாங் (Rendang Ayam) உடன் சப்பிடுவது சாப்பிடலாம். என்னைப்பொருத்தவரை கெத்துப்பாட் – கோழி ரெண்டாங் ஒரு சூப்பர் காம்பினேஷன்.

Soyuz விண்கலம் ISS-ஐ அடைந்தது

2007-10-13T13:06:00.001+08:00

Soyuz TMA-11 விண்கலம் நேற்று இரவு 10.52க்கு அனைத்துலக விண்வெளி ஆராய்ச்சி மையத்தில் (International Space Station, ISS) இணைந்தது. 48 மணி நேரமாக 700 தடவை பூமியை சுற்றி வந்தப்பின் சரியான தருணத்தில் இணைய Soyuzக்கு சுமார் 90 நிமிடங்கள் எடுத்தது.

அங்கிருந்து விண்வெளி வீரர்கள் மோஸ்கோ விண்வெளி மையத்துக்கு 10 நிமிடம் தொடர்பு கொண்டு பேசினார்கள்.

மலேசிய முஸ்லிம்களுக்கு தன்னுடைய நோன்பு பெருநாள் வாழ்த்துக்களை சொல்லிய டாக்டர் ஷேய்க் முஜாப்பார் தன்னுடைய 10 நாட்கள் பயணம் வெற்றி பெற மலேசியர்கள் வாழ்த்தவேண்டும் என்று தாழ்மையுடன் கேட்டுக்கொண்டார்.
Soyuz (வட்ட்டதிற்குள்) ISS-இல் சேரும் காட்சி

நோன்பு பெருநாளை விண்வெளியில் கொண்டாடும் உலகின் முதன் விண்வெளி வீரர் என்ற சரித்திரத்தையும் இன்று படைக்கிறார் டார்டர் ஷேய்க் அவர்கள்.

பி.கு: மலேசியர்கள் அஸ்ட்ரோ அலைவரிசை 588, Angkasa 1-இல் உடனுக்குடன் செய்திகளை காணலாம்.

செலாமாட் ஹரி ராயா

2007-10-13T09:18:00.000+08:00

செலாமாட் ஹரி ராயா!
Selamat Hari Raya!

ரம்ஜான் மாதத்தில் 30 நாட்களுக்கு நோன்பு எடுத்து ஷாவால் முதல் நாளில் பண்டிகை கொண்டாட விருக்கின்றனர் நம் முஸ்லிம் நண்பர்கள். மலாய் மற்றும் முஸ்லிம் நண்பர்களுக்கு ஜில்லென்று ஒரு மலேசியா நோன்பு பெருநாள் வாழ்த்துக்களை தெரிவித்துக்கொள்கிறது. Selamat Hari Raya.
மலேசியாவில் பிரபலமான பெருநாள் பாடல்களில் ஒன்று இங்கு உங்களுக்கு காட்டுகிறோம். கரோக்கே ஸ்டைலில் கீழே பாடல் வரியும் வரும். அந்த பாடகியை சைட் அடிக்காமல் பாடிப்பார்க்கவும் வாழ்த்துக்கள்.

பி.கு: பாடல் பிடித்திருந்தால், பாடல் வரியின் விளக்கங்கள் வேண்டும் என்று நீங்கள் கருதினால், பின்னூட்டத்தில் தெரிவிக்கவும். அதை நான் தமிழில் மொழிப்பெயர்க்க முயற்சி செய்கிறேன்.

மலாய் படிக்கலாம் வாங்க - பாடம் 5

2007-09-07T22:47:00.001+08:00

சத்யா டீச்சர் மேஜைக்கு வருகிறார்.

"செக்கு, இன்றைக்கு வார நாட்கள் எப்படி மலாயில் உச்சரிப்பது என்று சொல்லி தருகிறீர்களா?"

"கண்டிப்பாக சத்யா. மாணவர்களே, இன்று எப்படி வார நாட்களை மலாயில் உச்சரிப்பது என்று பார்ப்போமா?"

"'இன்று என்ன கிழமை?' என்பதை எப்படி மலாயில் உச்சரிப்பது என்று யாருக்காவது தெரியுமா?"

வகுப்பிலுள்ள அனைவரும் மௌனம் காக்கின்றனர்.

"சரி, நானே சொல்கிறேன்."

இன்று - என்ன - கிழமை
Hari ini - apa - hari

"Hari ini hari apa? [ ஹாரி இனி ஹாரி ஆப்பா?]"

"ஒவ்வொரு நாளையும் மலாயில் எப்படி சொல்வது என்று பார்ப்போம் வாங்க"

ஞாயிறு - Ahad - ஆஹாட்
திங்கள் - Isnin - இஸ்னின்
செவ்வாய் - Selasa - செலாசா
புதன் - Rabu - ராபு
வியாழன் - Khamis - காமிஸ்
வெள்ளி - Jumaat - ஜுமா-ஆட்
சனி - Sabtu - சப்து

"இன்று வெள்ளிக்கிழமை என்பது மலாயில் எப்படி சொல்வது? இளா, நீ சொல்லு பார்ப்போம்?"

"ம்ம்ம்.. Hari ini hari jumaat [ஹாரி இனி ஹாரி ஜுமா-ஆட்]"

"சரியான பதில் இளா. வெல்டன்."

"ஞாயிற்று கிழமையை hari minggu [ஹாரி மிங்கு] என்றும் அழைக்கலாம்."

"ஏன் ஞாயிறுக்கு மட்டும் இந்த ஸ்பெஷலான பெயர் செக்கு?"

"ஞாயிறு வாரத்தின் முதன் நாள். அது மட்டுமில்லாமல் ஞாயிறு என்பது விடுமுறைநாள். அதற்க்குதான் இந்த ஸ்பெஷல் பெயர்."

"பிறந்த நாள் என்பதை hari jadi [ஹாரி ஜாடி] என்றைக்கப்படும். பிறந்த நாள் வாழ்த்துக்கள் என்று நீங்கள் யாருக்காவது சொல்ல வேண்டும் என்றால் Selamat Hari Jadi [செலாமாட் ஹாரி ஜாடி] என்று சொல்லலாம்"

"சுதந்திர தினம் என்பதை எப்படி சொல்வது செக்கு?"

"சுதந்திரம் என்பது மலாயில் மெர்டேக்கா என்று சொல்வார்கள். சுதந்திர தினம் என்றால் Hari Kemerdekaan [ஹாரி கெமெர்டேக்கா-ஆன்] என்று சொல்வோம். Hari Kebangsaan [ஹாரி கெபாங்சா-ஆன்] என்றும் சொல்லலாம்."

"வேறு எதாவது கேள்வி இருக்கிறதா மாணவர்களே?"

"செக்கு, பள்ளி விடுமுறை நாள் என்பதை எப்படி சொல்வது"

"ம்ம்.. நல்ல கேள்விதான் விடுமுறை என்பது cuti [ச்சூத்தி]. விடுமுறை நாள் என்றால் hari cuti [ஹாரி ச்சூத்தி]. பள்ளி விடுமுறை நாள் என்றால் hari cuti sekolah [ஹாரி ச்சூத்தி செக்கோலா]. செக்கோலா என்றால் பள்ளிகூடம் என்று பொருள்."

"செக்கு, எப்போ எங்களுக்கு ச்சூத்தி செக்கோலா?" சிவா கைத்தூக்கி கேட்கிறார்.

"க்ளாஸ் ஆரம்பிச்சு இன்னும் ஒரு வாரம் கூட ஆகவில்லை. அதுக்குள்ள உனக்கு பள்ளி விடுமுறை வேணுமா? பேசாமல் உட்கார்ந்து பாடத்தை கவனி சிவா"

"தினமும் என்பதை tiap-tiap hari (தியாப்-தியாப் ஹாரி) என்று சொல்ல வேண்டும். நாளை என்பது Esok (ஏசோக்). நேற்று என்பது semalam (செமாலாம்) என்றும் சொல்ல வேண்டும்"

"சரி, இன்று நிறைய படிச்சாச்சு.இன்று என்ன புதிதாக கற்றுக்கொண்டோம் என்று பார்ப்போமா?"

ஞாயிறு - Ahad - ஆஹாட்
திங்கள் - Isnin - இஸ்னின்
செவ்வாய் - Selasa - செலாசா
புதன் - Rabu - ராபு
வியாழன் - Khamis - காமிஸ்
வெள்ளி - Jumaat - ஜுமா-ஆட்
சனி - Sabtu - சப்து
இன்று என்ன நாள்? - Hari ini hari apa? - ஹாரி இனி ஹாரி ஆப்பா?
இன்று வெள்ளிகிழமை - Hari ini hari jumaat - ஹாரி இனி ஹாரி ஜுமா-ஆட்
பிறந்த நாள் - hari jadi - ஹாரி ஜாடி
சுதந்திர தினம் - Hari Kemerdekaan - ஹாரி கெமெர்டேக்கா-ஆன்
பள்ளி விடுமுறை நாள் - hari cuti sekolah - ஹாரி ச்சூத்தி செக்கோலா
தினமும் - tiap-tiap hari - தியாப்-தியாப் ஹாரி
நாளை - Esok - ஏசோக்
நேற்று - semalam - செமாலாம்

"செக்கு, நாங்கள் கிளம்பலாமா?"

"என்கே கிளம்புறீங்க? இன்னைக்கு உங்களுக்கு நான் வீட்டுப்பாடம் தர போகிறேன். உங்கள் விடையை பின்னூட்டமாக போடுங்கள். கேள்விகள் இதுதான்:"

இந்த வாக்கியங்களை மலாய் மொழிக்கு மாற்றுக:

1- உன் பிறந்த நாள் எப்பொழுது?
2- நேற்று நான் கடைக்கு சென்றேன்
3- போன சனிக்கிழமையன்று நான் மூன்று பழங்கள் சாப்பிட்டேன்.

"நீங்கள் மலாய் மொழி எந்த அளவுக்கு கற்று இருக்கீர்கள் என்று இந்த பதில்களை வைத்துதான் என்னால் உங்களை மதிப்பிட முடியும். அதனால், மறவாமல் உங்கள் பதில்களை பின்னூட்டத்தில் அனுப்பவும். அது மட்டுமில்லை. அடுத்த வகுப்பில் நீங்கள் என்ன கற்றுக் கொள்ள வேண்டும் என்று நினைக்கின்றீர்களோ, அதையும் பின்னூட்டம் வழியாக தெரிவித்தால், அடுத்த பகுதியில் அதையும் கற்றுக் கொடுப்பேன். ஜும்ப்பா லாகி மாணவர்களே."

'தெரிமா காசே செக்கு."

மலேசியா 50

2007-09-03T17:45:00.001+08:00

மலேசியா என்று சொன்னதுமே நாம் பார்த்ததில் பிடித்ததில் ரசித்ததில் சில எப்போதுமே நம் மனதில் ரீங்காரமிடும். மலேசியாவை பற்றிய 50 விஷயங்களை இங்கே தொகுத்து வழங்கியுள்ளேன். மலேசியாவை பற்றி உங்களுக்கு எவ்வளவு தெரியும் என்று சோதிக்கலாமா? உங்களுக்கு இதில் எத்தனை வகை தெரியும்? பார்த்திருக்கிறீர்கள்? ருசித்திருக்கிறீர்கள்?

நீங்கள் மலேசியா வந்தால் கண்டிப்பாக கீழே கொடுக்கப்பட்டுள்ள அனைத்தையும் பார்த்து, ருசித்து, அனுபவிக்க தவறாதீர்கள்!

உணவு

1- நாசி லெமாக் (Nasi Lemak)
2- நாசி கண்டார் (Nasi Kandar)
3- ரொட்டி சானாய் - (Roti Canai)
4- தே தாரேக் (Teh Tarik)
5- காஜாங் சாத்தே (Kajang Satay)
6- ரம்லி பர்கர் (Ramly Burger)
7- சார் கொய் தியாவ் (Char Koay Teow)
8- ஏ.பி.சி - (ABC - Air Batu Campur)
9- ரோஜாக் - (Rojak)
10- யீ சாங் (Yee Sang)

உச்சரிப்பு (தினமும் அதிகம் பயன்படுத்துவது)

11- லா (Lah)
12- மச்சான் (Machan)
13- அலாமாக் (Alamak)
14- தா பாவ் (Ta Pau)
15- சின் சாய் (Cin Cai)
16- அய்யோ (Aiyo)
17- மலேசியா போல்லே (Malaysia Boleh)
18- யாம் சேங் (Yam Seng)

பிரமுகர்கள்

19- துங்கு அப்துல் ரஹ்மான் (Tunku Abdul Rahman)
20- துன் டாக்டர் மகாதீர் முகமது (Tun Dr Mahathir Muhamad)
21- தான் ஸ்ரீ பி.ரம்லீ (Tan Sri P.Ramlee)
22- சூடீர்மான் (Sudirman)
23- மாட் ரெம்பிட் (Mat Rempit)
24- ஆ லோங் (Ah Long)
25- லாட் (Lat)

கட்டிடங்கள் & இடங்கள்

26- கெந்திங் ஹைக்லண்ட்ஸ் (Genting Highlands)
27- 24 மணி நேர மாமாக் ஸ்டால்ஸ் (24 Hour Mamak Stalls)
28- பத்துமலை (Batu Caves)
29- பெத்ரோனாஸ் இரட்டை கோபுரம் (Petronas Twin Tower)
30- பினாங்கு பாலம் (Penang Bridge)
31- புத்ராஜயா (Putrajaya)
32- கினாபாலு மலை (Mount Kinabalu)
33- சவ் கிட் ரோடு (Chow Kit Road)
34- குவாலா லும்பூர் அனைத்துலக விமான நிலையம் ( KL International Airport)
35- மலாக்கா (Malacca)
36- டத்தாரான் மெர்டேக்கா (Dataran Merdeka)
37- இரவு சந்தை (Pasar Malam)

கலாச்சாரம் & மற்றவை

38- ப்ரோட்டோன் (Proton)
39- பாலீக் கம்போங் (Balik Kampung)
40- திறந்த வீடு உபசரிப்பு (Open House)
41- பாஜூ கூரூங் (Baju Kurung)
42- நீண்ட வீடு (Long House)
43- பாபா & ஞோஞ்ஞா (Baba & Nyonya)
44- மலேசியரின் விருந்தோம்பல் (Malaysian Hospitality)
45- "மலேசியன் நேரம்" - "Malaysian Time"
46- மை காட் - MyKad
47- 2020 தொலைநோக்கு திட்டம் (Vision 2020)
48- பொது போக்குவரத்து சாதனங்கள் (Public Transports)
49- வாயாங் கூலிட் (Wayang Kulit)
50- பல வர்ணங்களில் அங் பாவ் ( Ang Pow in many colours) - சீனர்கள் (சிவப்பு), மலாய்க்காரர்கள் (பச்சை), இந்தியர்கள் (மஞ்சள்)

சுதந்திர தின கொண்டாட்டங்கள்

2007-08-30T23:25:00.000+08:00

ாளை நடைபெறவிருக்கும் மலேசியாவின் 50வது சுதந்திர தின கொண்டாட்டத்தை பார்க்க விரும்பும் பொது மக்கள் அரசாங்கத்தால் ஏற்பாடு செய்யப்பட்டுள்ள இலவச பேருந்துகளை பயன்படுத்துமாறு கேட்டு கொள்ளப்பட்டுள்ளனர்.நிகழ்ச்சி நடக்கும் இடமும்,இலவச பேருந்து சேவை கிடைக்கும் நேரங்களும் கீழே கொடுக்கப்பட்டுள்ளன.

நிகழ்ச்சி:சுதந்திர தினத்தின் முதல் நாள்(Merdeka eve celebration)
இடம்:டாத்தாரான் மெர்டேக்கா(dataran Merdeka)
நேரம்:6.30PM- 2Am
தேதி:30 ஆகஸ்ட்-31ஆகஸ்ட்
------------------------------

---------------
சுதந்திர தின அணிவகுப்பு
டாத்தாரான் மெர்டேக்கா(dataran Merdeka)
6.30AM-2PM
தேதி:31 ஆகஸ்ட்
---------------------------------------------
சுதந்திர தின கொண்டாட்டம்(Merdeka Mammoth Celebration)
மேர்டேக்கா அரங்கம்(stadium merdeka)
நேரம்:6.30PM-2AM
தேதி:31ஆகஸ்ட்-1செப்டம்பர்
---------------------------------------------
இந்த இலவச பேருந்து சேவைகள் 5 இடங்களிலிருந்து் கிடைக்கும்.இந்த இடங்களில் மொத்தம் 3500 வாகனம் நிறுத்தும் இட வசதியும் உண்டு.வாகன ஒட்டுனர்கள் இங்கே வாகனங்களை நிறுத்தி வைத்துவிட்டு,இலவச பேருந்து வசதியைப் பயன்படுத்தி கொள்ளலாம்.
இலவசப் பேருந்து வசதி கிடைக்கும் இடங்கள்:

Zone A covers National Museum & KL Sentral

Zone B - Inland Revenue Board Building, Federal Territory Mosque Complex, National Archieves

Zone C - Taman Tasik Perdana, national Mosque, Kompleks Pusat Islam, National Planetarium, Tun Abdul Razak Memorial

Zone D - National Arts Heritage Avademy, Bukit Perdana Government Complex, Public Works Ministry Complex

Zone E - Dewan Bahasa & Pustaka building, Institute of Diplomacy and Foreign Relations

பொதுமக்கள் வானவேடிக்கைகளைக் கண்டுகளிக்க நாளை கோலாலம்பூர் கோபுரத்தின்(KL tower) பார்வையார்கள் மேடை(viewing platform) மற்றும் அங்குள்ள உணவகங்களும் இரவு 1 மணி வரையிலும் மக்களுக்காக திறந்து வைக்கப்பட்டிருக்கும்.

Rapid KL-யின் பேருந்து மற்றும் இரயில் சேவை நேரங்களையும் சுதந்திர தின கொண்டாட்டத்ததை முன்னிட்டு நீட்டித்துள்ளனர்.நீட்டிக்கப்பட சேவைகளின் விபரங்கள் பின்வருமாறு:

இரயில் சேவைகள் :
5 Kelana Jaya வழியில் உள்ள நிலையங்கள் - Kelana Jaya, KL Sentral, Pasar Seni, Masjid Jamek மற்றும் KLCCயின் காலை மணி 2.30 வரையில் அவர்களின் சேவையை நீட்டித்துள்ளனர்.

Bangsar, Dang Wangi, Kampung Baru மற்றும் Ampang ஆகிய நிலையங்கள் இரவு 2 மணி வரை இயங்கும்.

Ampang நிலைய வழியில் உள்ள Hang Tuah, Masjid Jamek மற்றும் Bandaraya நிலையங்களும் மணி 2.30 வரை இயங்கும்.

Ampang மற்றும் kelana jaya வழியில் உள்ள மற்ற இரயில் நிலையங்கள் காலை 12.45க்கு மூடப்ப்படும்.

பேருந்து சேவைகள்:
நகர மையத்திற்கு செல்லும் அனைத்து பேருந்துகளும் காலை மணி 3 வரையில் தங்கள் சேவைகளை நீடித்து உள்ளன.இந்த பேருந்துகள் நேராக நகரத்திற்கும்(Bukit Bintang, Titiwangsa Hub மற்றும் Pasaramakota) அல்லது இரயில் நிலையங்களுக்கும்(KLCC, Taman Melati, Wangsa Maju, Setiawangsa, Kelana jaya மற்றும் KL Sentral செல்லும்.நகர மையங்களுக்குச் செல்லும் சாலைகள் மாலை 6 மணிக்கு பிறகு அடைக்கப்படுவதால் இந்த இடங்களுக்கு மட்டுமே பேருந்து செல்ல முடியும்.

இதற்கிடையில், யு86 சாலையில், பந்தார் உத்தாமாவிலிருந்து மெட்ரோ ப்ரிமா செல்லும் பாதை , இரவு நேர கொள்வனவு செய்ய ஒன் உதாமா, தி கர்வு மற்றும், இகானோ பவர் செண்டர், செல்பவர்களுக்காக நள்ளிரவு 12.30 வரை அனுமதி நீட்டிக்கப்பட்டுள்ளது..

மேல் விபரங்களுக்கு
www.rapidkl.com.my

சுதந்திர தின வாழ்த்துக்கள்!

மலேசியக் கொடி - அறிந்ததும் அறியாததும்

2007-08-24T09:00:00.001+08:00

"எதுக்கு சிவப்பும் வெள்ளையும் வரி வரியாக இருக்கிறது? ஏன் இடது பக்கம் நீல வர்ணம்? ஏன் அதில் ஒரு நிலாவும் நட்சத்திரமும் இருக்கின்றன? நட்ச்த்திரத்துக்கு சாதாரணமாக 5 கால்கள்தானே இருக்கும்? ஆனால், ஏன் இந்த நட்சத்திரத்துக்கு மட்டும் 10க்கு மேற்ப்பட்ட கால்கள்?"

-இது ஒரு நண்பர் ஜி-டால்க்கில் என்னிடம் கேட்ட கேள்வி.

மலேசிய கொடியில் இருக்கும் வர்ணங்களைப் பற்றியும் அதில் இருக்கும் அந்த நிலா, நட்சத்திரம், கோடுகள் பற்றியும் வினவினார். அவர் கேள்விகளுக்கு முழு விளக்கம் கொடுக்க வேண்டியது ஒரு மலேசியனான என் கடமை.

1949-இல் முதன் முறையாக தேசிய கொடி வடிவமைக்கும் போட்டி நடைப்பெற்றது. அதில் மூன்று மட்டுமே கடைசி சுற்றுக்கு தேர்வாகின. முதல் கொடியில் இரண்டு கெரிஸ்கல் (keris) [இது மலாய்காரர்களின் பாரம்பரிய ஆயுதம்] கொடியின் நடுவில் வைக்கப்பட்டு அதை சுற்றி 5 கால் கொண்ட நட்சத்திரங்கள் வரையப்பட்டிருந்தது. இரண்டாவது கொடி ஏறக்குறைய முதல் கொடியை போலவே இருந்தது. ஆனால், அதில் இரண்டு வட்டங்கள் கொண்ட 11 கால் நட்சத்திரம் பதிக்கப்பட்டிருந்தது. மூன்றாவது கொடியில் 11 நீலம் மற்றும் வெள்ளை சமமான கோடுகள் வரையப்படிருந்தன. நடுவில் தேய்பிறை நிலா ஒன்று பெரிதாக வரையப்படிருந்தது.

நவம்பர் 29 1949-இல் மூன்றாவது வடிவமைப்பு கொடி நாட்டின் தேசிய கொடியாக தேர்ந்தெடுக்கப்பட்டது. ஆனால், ஒரு வருடத்தில் அந்த வடிவமைப்பு மேலும் சில மாறுதல்களை கண்டது.

நீலம்-வெள்ளை கோடுகள் சிவப்பு-வெள்ளை கோடுகளாக வர்ண மாற்றம் கண்டன. கொடியின் இடது புறம், நீல வர்ணத்தால் நிறைக்கப்பட்டது. அந்த நீல பெட்டகத்தில் மஞ்சள் நிறத்தில் தேய்பிறை நிலாவும் 11 கால் கொண்ட நட்சத்திரமும் வரையப்பட்டது. 11 கால் நட்சத்திரம் 11 மலாய் அரசபையை குறிக்கின்றது.

புதிய மேம்படுத்தப்பட்ட தேசிய கொடி முதன் முறையாக 1950, மே 26-இல் பிரிட்டீஷ் ஹை கமிஷனில் கொடி ஏற்றும் திருவிழாவில் ஏற்றப்பட்டது. ஆனாலும், அது இப்பொழுது இருக்கும் ஜாலூர் கெமிலாங் இல்லை.

1963-இல் சபா, சரவாக் மற்றும் சிங்கப்பூர் மலாயுவுடன் சேர்ந்தது. அப்பொழுதுதான் மலாயா மலேசியா என்று பெயர் மாற்றம் கண்டது. அதே நேரத்தில் தேசிய கொடியில் சில மாறுதல்கள் அவசியமாக பட்டது.

11 கால் கொண்ட நட்சத்திரம் 14 கால்களாக மாறியது. 11 சிவப்பு-வெள்ளை கோடும் 14 ஆக உருமாறியது. 11 மலாய் அரசபை மற்றும் மூன்று புதிய அரசபையின் எண்ணிக்கையை குறிக்கின்றது.

இந்த புதிய தேசிய கொடி 1963-ஆம் வருடம் செப்டம்பர் 16-இல் முதன் முறையாக ஏற்றப்பட்டது. சிங்கப்பூர் 1965-ஆம் வருடம் மலேசியாவை விட்டு வெளியேறி தனி நாடாக ஆட்சி நடத்த ஆரம்பித்த போதிலும் அந்த 14, 13-ஆக மாற வில்லை. பிற்காலத்தில் அந்த எக்ஸ்ட்ரா ஒன்று மத்திய அரசாங்கமய் குறிப்பிட பட்டது.

இன்று எங்கள் தேசிய கொடியில் 14 கால் கொண்ட நட்சத்திரம் இருக்கின்றது. இடப்புறத்தில் உள்ள கருநீல வர்ண பெட்டகம் முதல் ஐந்து கோடுகள் வரை இருக்கின்றது. இது நாட்டின் பல இனத்தவரும் ஒற்றுமையாகவும் அமைதியாகவும் வாழ்வதை குறிக்கின்றது. வெள்ளை வர்ணம் மலேசியர்களின் தூய்மையான எண்ணங்களையும் மனங்களையும் குறீக்கின்றது. சவால்களை சந்திக்கும் தைரியத்தை குறிப்பது சிவப்பு வர்ணம். மஞ்சள் வர்ணம் அரசர்களையும், அவர்கள் மேல் மக்கள் வைத்திருக்கும் மரியாதையையும் குறிக்கின்றது. மலேசியாவின் ஆட்சி இஸ்லாமிய முறைபடி நடக்கின்றதெனும், இள்லாமியம் மலேசியாவின் official religion என்றும் குறிக்கின்றது தேய்பிறை.

மலேசியாவின் முன்னாள் பிரதமர் டத்தோஸ்ரீ டாக்டர் மகாதீர் முகமது 2001-ஆம் ஆண்டில் தேசிய கொடியை ஜாலூர் கெமிலாங் (Jalur Gemilang) என்று பெயர் சூட்டினார். ஜாலூர் கெமிலாங் என்றால் Stripes of Glory என்று பொருள்.

ஜாலூர் கெமிலாங் மலேசிய திருநாட்டின் வெள்ளியையும் மேன்மையையும் குறீக்கும் ஒரு அடையாளம். ஆகவே, மலேசியர்களே! நமது வீட்டிலும் ஜாலூர் கெமிலாங்கை பறக்க விடுவோம், வாருங்கள்....

மலாக்கா பேரரசு

2007-08-21T15:44:00.000+08:00

(பேரரசர் பரமேஸ்வராவின் வரைபடம்)

மலேசிய வரலாற்றில் மலாக்கா மாநிலத்தின் சரித்திரம் தவிர்க்க முடியாத ஒன்று. மலேசிய வரலாற்றின் முக்கிய வித்தாக அமைந்தது மலாக்கா மாநில சரித்திரம் எனக் கூறினால் அது மிகையாகாது.

சிங்கபூரின் முந்தய பெயர் தெமாசிக் ஆகும். இது சிரிவிஜயா பேரரசிடமிருந்து பிறிந்த ஒரு குட்டித் தீவு. கடார சரித்திர காலம் தொடங்கி ஏறக் குறைய 400 வருடங்கள் சரித்திர சான்றற்று கிடந்த தீவாகும். ஆரம்ப காலத்தில் சியாமியர்களின் ஆட்சியின் கீழும், அதன் பிறகு மாஜபாட் அரசின் கீழ் இருந்ததாகவும் ஆய்வுகள் கூறுகின்றன. அது சரி எதற்காக தெமாசிக் (சிங்கபூரின்) கதையை கூறிக் கொண்டிருக்கிறேன் என யோசிக்கின்றீர்களா?

ஆம் இங்கிருந்து வந்தவர்தான் மலாக்கா மாநில பேரரசான பரமேஸ்வரா. இவர் தெமாசிக்கில் ஆட்சி செய்த காலம் நடைபெற்ற சகோதர யுத்தத்தின் சமயம், வலுக்கட்டாயமாக நாட்டை விட்டு வெளியேற்றப்பட்டார். பரமேஸ்வராவின் வருகைக்கு முன் சரித்திரத்தில் காணப்படாமல் இருந்ததுதான் மலாக்கா மாநிலம்.

யுத்தத்தில் தோல்வியுற்ற பரமேஸ்வரா தப்பி ஓடி வந்த இடம்தான் இந்த மலாக்கா மாநிலம். அச்சமயம் இது ஒரு சிறு மீன்பிடி கிராமமாகும். ஆம், இந்த மீன்பிடி கிராமம் தான் பின்னாற்களில் மலாக்கா பேரரசுவென பெயர் எடுத்தது.

மலாக்காவிற்கு வந்த பரமேஸ்வரா தன் ராஜ்ஜியத்தை நிறுவினார். தொல்லைகள் விட்டபாடில்லை. மலாக்கா வியாபாரத்திற்கு சிறந்த இடமாகக் கருதப்பட்டது. பலரும் மலாக்கா மாநிலத்தை தங்கள் ஆட்சிக்கு உற்படுத்த நினைத்தார்கள். பரமேஸ்வரா அரசருக்கு முன்பு இருந்ததை விட எதிரிகள் அதிகரித்தனர். சியாமிய (தாய்லாந்து) அரசு, மலாக்காவை அபகரிப்பதில் முக்கிய எதிரியாக விளங்கியது.

பரமேஸ்வரா அரசாங்கத்தினரிடமிருந்து விசுவாசத்தை கோரியது.

அபாயகரமான நிலையிருந்த மலாக்கா மாநிலத்தை காப்பாற்ற சீனப் பேரரசிடமிருந்து பாதுகாப்பு கோரினார் பரமேஸ்வரா. சியாமிய தாக்குதல் ஏற்படாமல் மலாக்காவை காத்தது மட்டுமல்லாது, சியாமிய அரசை கடுமையாக எச்சரித்தது சீனப் பேரரசு.

கேட்பார்களா சியாமியர்கள். அரசியலில் வழுத்த தந்திரசாலிகள் சியாமியர்கள். இதனால்தான் என்னவோ, உலக வரலாற்றில் அன்னியரின் ஆட்சிக்கு ஆளாகதவர்கள் என பெயர் பெற்றார்கள் போழும்.

மலாக்கா வரலாறு தொடரும்…

அன்புடன்,
விக்னேஷ்.

மலாய் படிக்கலாம் வாங்க - பாடம் 4

2007-08-21T08:51:00.000+08:00

'செக்குவை காணவில்லை.. மலாய் செக்குவை காணவில்லை

பள்ளி முழுக்க ஒரே போஸ்டர். டீச்சரை காணோம் டீச்சரை காணோம்ன்னு பாசக்கார மாணவர்கள் என்னவா ஏங்கி போயிருக்காங்க!

அதான் திரும்ப வந்துட்டேன்ல. க்லாஸ் மஜாவா ஆரம்பிச்சிடலாம். :-)

"செலாமாட் பாகி மூரிட்-மூரிட்"

"ஹய்யா.. டீச்சர் வந்துட்டாங்க.."

"என்ன க்ளாஸ்ல மொத்தமே அஞ்சு பேர்தான் இருக்கீங்க போல??"

"செக்கு, நல்லா பாருங்க.. நாங்க மொத்தம் செப்புலோ பேர் இருக்கோம்", கார்த்திக் எழுந்திரிச்சு சொல்கிறார்.

"ஆஹா.. பல நாள் வகுப்புக்கு நான் வரலைன்னாலும், நீங்க சரியா பாடத்தை படிச்சிட்டு இருக்கீங்க போல? கூட் கூட்"

"மாணவர்களே, இன்றைய பாடத்துக்கு போகலாமா?"

சிவா மேஜையில் சாய்ந்துக்கொண்டே, "வேண்டாம்ன்னு சொன்னா கேட்கவா போறீங்க! நடத்துங்க நடத்துங்க.."

"இன்றைக்கு நாம் வர்ணங்களை பற்றி தெரிந்துக்கொள்ளலாம்"

வெள்ளை - Putih - பூதே
மஞ்சள் - Kuning - கூனிங்
சிவப்பு - Merah - மேரா
ஊதா - Ungu - உங்கு
நீலம் - Biru - பீரு
பச்சை - Hijau - ஹீஜாவ்
மயிலை (Grey) - Kelabu - கெலாபு
கருப்பு - Hitam - ஹீத்தாம்

கதிர் எழுந்து, "செக்கு, 'அந்த பூனையின் நிறம் கருப்பு' என்பதை எப்படி சொல்றது?

அந்த - பூனையின் - நிறம் - கருப்பு
Itu - kucing - warna - hitam

"Kucing itu berwarna hitam [கூச்சிங் இத்து பெர்வர்ண ஹீத்தாம்]. மலாயில் மொழி மாற்றம் செய்யும்பொழுது வார்த்தைகளின் இடம் மாறுப்படும். சில இடங்களில் imbuhan [இம்பூஹான்] என்றழைக்கப்ப்டும் இலக்கியத்தை சேர்க்க வேண்டியிருக்கும். இந்த வாக்கியத்தில் 'ber' [பெர்] என்ற இம்பூஹான் சேர்க்கப்பட்டிருக்கிறது."

"செக்கு, பழுப்பு வர்ணத்தை எப்படி மலாய் மொழியில் சொல்வது?"

"பழுப்பு என்பது சாக்லேட்டின் வர்ணம் அல்லவா? அதனால் அந்த் சாக்லேட்டின் பெயரையே உபயோகிக்கப்படுகிறது. பழுப்பை மலாயில் Coklet [சொக்லேட்] என்று அழைப்பார்கள். ஆரஞ்சு என்ற வர்ணமும் ஆரஞ்சு பழத்தின் பெயரையே கொண்டழைக்கப்படுகிறது. ஆரஞ்சை மலாயில் Oren [ஓரேன்] என்று அழைப்பார்கள்"

"செக்கு, கருநீலம், கருஞ்சிவப்பு, கரும்பச்சைன்னு தமிழில் இருக்கே! மலாயிலும் அப்படி இருக்கிறதா?" சுமதி கேட்டார்.

"கண்டிப்பாக இருக்கு. இந்த கரும் வர்ணங்களுக்கு Tua [துவா] என்று வர்ணத்தின் பின்னால் சேர்க்க வேண்டும். துவா என்றால் முதியது என்று பொருள். நீங்க கருநீலம் என்று சொல்ல வேண்டும் என்றால் merah tua [மேரா துவா] என்று சொல்ல வேண்டும்"

"கரும்பச்சை என்றால் hijau tua [ஹீஜாவ் துவா], கருமஞ்சள் என்றால் kuning tua [ கூனிங் துவா] என்பது சரிதானே செக்கு?" என்று பொன்ஸ் கைத்தூக்கி சொல்கிறார்.

"பொன்ஸ், சரியாக சொன்னாய். கூட்."

"செக்கு, பிங்க் என்பது மலாயில் பிங்க் என்றுதான் சொல்வார்களா?" கேள்விக்குறியுடன் கேட்கிறார் காயத்ரி.

"இல்லை காயத்ரி. பிங்க் என்பதை merah muda [மேரா மூடா] அல்லது merah jambu [மேரா ஜம்பு] என்று சொல்லலாம். மூடா என்றால் இளமை என்று பொருள். மேரா ஜம்பு என்பதே அதிகம் உபஓகிக்கும் வார்த்தை. ஜம்பு என்பது மலேசியாவில் கிடைக்கும் ஒரு பழத்தின் பெயர். அதனின் வெளித்தோற்றம் பிங்க் வர்ணத்தில்தான் இருக்கும். சில பழங்களின் உள்வர்ணமும் பிங்க் வர்ணத்தில் இருக்கும். அதனால்தான் மலாயில் பிங்க் என்பது மேரா ஜம்பு என்றழைக்கப்படுகிறது."

"பிங்க் வர்ணத்துக்கு இப்படி ஒரு சரித்திரமா? ஹீஹீஹீ" G3 சிரிக்கிறார்.

"சொல்ல மறந்துவிட்டேனே மாணவர்களே. பழுப்பு வர்ணத்துக்கு இன்னொரு பெயரும் இருக்கிறது. Perang [பேராங்] என்றும் சொல்லலாம். ஆனால், இந்த வர்த்தையை நீங்கள் சொல்லும்பொழுது உங்கள் உச்சரிப்பில் மிக கவனமாக இருக்க வேண்டும். பெராங் என்றால் போர் என்று பொருள். பேராங் என்றால்தான் பழுப்பு வர்ணம் என்று பொருள். உங்களுக்கு இலகுவாக இருக்க வேண்டுமென்றால் சொக்லேட் என்றே சொல்லுங்கள். சரியா?"

"சரி செக்கு"

"சரி, இன்றைய பாடம் இத்தோடு முடிவடைகிறது. இன்றைய வகுப்பு வர்ணமயமாக இருந்திருக்கும் என நம்புகிறேன். மீண்டும் அடுத்த வகுப்பில் சந்திப்போம்"

"தெரிமா காசே செக்கு. ஜும்ப்பா லாகி"

-----------------------------------------
இன்றைய பாடம்:

வெள்ளை - Putih - பூதே
மஞ்சள் - Kuning - கூனிங்
சிவப்பு - Merah - மேரா
ஊதா - Ungu - உங்கு
நீலம் - Biru - பீரு
பச்சை - Hijau - ஹீஜாவ்
மயிலை (Grey) - Kelabu - கெலாபு
கருப்பு - Hitam - ஹீத்தாம்
பழுப்பு - Coklet / Perang - சொக்லேட் / பேராங்
ஆரஞ்சு - Oren -ஓரேன்
பிங்க் - Merah Jambu - மேரா ஜம்பு

மலேசிய சாதனை புத்தகத்தில் ஈப்போ ஏ.சி.எஸ் மாணவர்கள்

2007-08-19T10:38:00.000+08:00

ஈப்போ ஏ.சி.எஸ் இடைநிலைப்பள்ளியின் மாணவர்கள் மற்றும் ஆசிரியர்கள் இணைந்து 50-ஆம் ஆண்டு சுதந்திரப் பொன்விழாவையொட்டி 73.3 மீட்டர் நீளமும் 41.4 மீட்டர் அகலமும் கொண்ட தேசியக் கொடி வடிவமைப்புக் கோலத்தை அமைத்து மலேசிய சாதனைப் புத்தகத்தில் இடம் பெற்றனர்.

இந்த தேசிய தினக் கோலத்தை வடிவமைப்பதில் 2000க்கும் மேற்ப்பட்ட மாணவர்களும் ஆசிரியர்களும் பங்கேற்றனர்.

இந்தக் கோலம் மலேசியாவின் மிகப்பெரிய கோலமாகக் கருதப்படுகிறது. ஏ.சி.எஸ் பள்ளி மைதானத்தில் நேற்று காலை 9.00 மணி அளவில் பொது மக்கள் முன்னிலையில் இச்சாதனை நிகழ்த்தப்பட்டது. பேரா மந்திரி புசாரின் பிரதிநிதியாக உயர்கல்வி இலாகாவைச் சேர்ந்த டத்தோ டாக்டர் சம்ரி அப்துல் காடிர் அத நிகழ்ச்சியில் கலந்துக்கொண்டு சிறப்பித்தார். பள்ளி மாணவர்கள் மத்தியில் நாட்டுப் பற்றையும் அவர்களின் திறனையும் வெளிக்கொணரும் வகையில் ஏற்ப்பாடு செய்யப்படும் இதுப்போன்ற சாதனைகள் மூலம் நாட்டின் மீது மாணவர்களிடையே சிறந்த சிந்தனையை விதைக்கலாம்.

இதனை தொடர்ந்து ஜெராண்டூட் ஆரம்ப தமிழ் பள்ளியின் 140 மாணவர்கள் 50-ஆவது சுதந்திரத்தை முன்னிட்டு மூன்றே மணி நேரத்தில் கோலம் போட்டிருக்கின்றனர்.

சுமார் 2000 கிலோ தேங்காய் சக்கையை கொண்டு 13 மீட்டர் ஞ் 12 மீட்டர் கோலத்தை உருவாக்கியுள்ளனர் இந்த பன்னிரெண்டு வயதுக்கும் குறைவான மாணவர்கள்.

50 மணி நேரம் இடைவிடாது தேசிய மொழி போதனை

2007-08-17T09:09:00.000+08:00

மலேசிய நாட்டின் 50-ஆவது பொன்விழா சுதந்திர தினத்தையொட்டி இன்றைய பிரதமர் டத்தோஸ்ரீ அப்துல்லா அகமது படாவி, முன்னாள் பிரதமர்கள் துன் டாக்டர் மகாதீர் முகமது, துன் ஹூசேன் ஓன், துன் அப்துல் ரசாக், சுதந்திரத் தந்தை துங்கு அப்துல் ரஹ்மான் ஆகியோர் நாட்டிற்கு அர்ப்பண உணர்வுடன் வழங்கிய வழங்கிக் கொண்டிருக்கும் அர்ப்பணமிக்க பங்கேற்பிற்கு சமர்ப்பணம் செய்யும் வகையில் ஒவ்வொருவருக்கும் தலா 10 மணி நேரம் என 50 மணி நேரம் இடைவிடாது தேசிய மொழி போதனை நடத்த மீண்டும் களத்தில் இறங்கவுள்ளார் குளுவாங் கல்வி மைய முதல்வர் டாக்டர் அ.இளந்தேவன்.

இந்த துணிகர முயற்சி வெள்ளிக்கிழமை 17-8-2007 மாலை 3.00 மணிக்குத் தொடங்கி ஞாயிற்றுக்கிழமை 19-8-2007 மாலை 5.00 மணிக்கு நிறைவேறும். எண் 32, ஜாலான் இள்மாயில், விஸ்மா சோமசன்மா, குளுவாங் எனும் முகவரியில் உள்ள அவரின் குளுவாங் கல்வி மையத்தில் தொடங்கும். இந்நிகழ்ச்சியை ம.இ.கா ஜொகூர் மாநில தொடர்புக்குழுச் செயலாளர் செனட்டர் எம்.எம்.சாமி தொடக்கி வைப்பார். இச்சாதனையில் 1,300 மாணவர்கள் பங்கு பெற உள்ளனர்.

ஏற்கனவே 2005-ஆம் ஆண்டில் ஆகஸ்ட் மாதத்தில் தொடர்ந்தாற்போல் 24 மணி நேரம் தேசிய மொழி போதனை நடத்தி மலேசிய சாதனை புத்தக வரலாற்றில் தமது பெயரை பதிவு செய்த அவர் 2005 டிசம்பரில் இடைவிடாது 88 மணி நேரம் தேசிய மொழி போதனை நடத்தி கின்னஸ் உலக சாதனை முத்திரையையும் பதித்த டாக்டர் அ.இளந்தேவன் தாம் பிறந்தமண்ணின் சுதந்திர தின விழாவிற்கு பெருமை சேர்க்கும் வண்ணம் இம்முயற்சியில் ஈடுபட்டுள்ளதாக குறிப்பிட்டார்.

கொண்டாடலாம் வாங்க..

2007-08-15T16:40:00.000+08:00

அட.. என்ன கொண்டாடலாம்ன்னு நான் சொல்லவே இல்லையா? மலேசியாவின் சுதந்திர நாள் வருதுல்ல.. எப்போதுன்னு கேட்குறீங்களா? 31 ஆகஸ்ட்டுதான் மலேசியாவின் சுதந்திர தினம்.

இந்த வருடம் ஸ்பெஷலான வருடம். மலேசியா சுதந்திரம் வாங்கி 50 வருடம் பூர்த்தியாகிறது. சாதாரணமாகவே சுதந்திர தினத்துக்கு 15 நாட்கள் முன்னிலிருந்தே கொண்ட்டாட்டங்கள் ஆரம்பமாகிவிடும். வீடு, அலுவலகம், ஷாப்பிங் காம்ப்ளேக்ஸ், கார், லாரி, மோட்டர், சைக்கிள் என எல்லா இடத்திலும் மலேசிய கொடி கம்பீரமாக பறக்க விடப்பட்டிருக்கும்.

இந்த வருடம் ஆகஸ்ட் ஒன்றிலிருந்தே ஆங்காங்கே மலேசிய கொடி கம்பீரமாக காற்றில் பறப்பதை பார்க்க மிக பெருமையாக இருக்கின்றது. இந்த வருட சுதந்திர தினத்துக்காக பல நிகழ்ச்சிகள் நடக்க விருக்கின்றன. மலேசியாவில் உள்ளவர்கள் இந்த விழாக்களுக்கு தாராளமாக போகலாம். வெளி நாடுகளில் உள்ளவர்களுக்கும் கவலை இல்லை. இந்த வருடம் Tahun Melawat Malaysia 2007(மலேசியாவைச் சுற்றி பார்க்கும் ஆண்டு) என்று அரசாங்கம் அறிவித்திருக்கிறது. நீங்கள் மலேசியாவை சுற்றிப் பார்க்க தாராளமாக வரலாம். சுற்றுப் பயணிகளுக்கு பல வசதிகள் செய்யப்பட்டிருகின்றது. விமான டிக்கெட், தங்கும் வசதி, மற்றும் சுற்றுலா தளங்களின் நுழைவு சீட்டுகளின் விலைகள் கணிசமாக குறைக்கப்பட்டுள்ளன. இந்த வாய்ப்பை நழுவ விடாமல் மலேசியாவை சுற்றிப்பார்க்க வாருங்கள். சுதந்திர தின சிறப்பு நிகழ்ச்சிகள் என்னன்னு கேட்குறீர்களா? இதோ:

1- ஜூலை 2007 - 1940 - 1957 மெர்டேக்கா (சுதந்திர) புத்தக வெளியீட்டு விழா

சுதந்திரத்துக்காக போராட்டம் நடந்த போது எடுக்கப்பட்ட புகைப்படங்கள் ஒன்று சேர்க்கப்பட்டு வெளியிடப்படுகிறது. பல அரிய படங்களும் இந்த சேமிப்பில் சேர்க்கப்பட்டுள்ளது.

2- ஜூலை 2007 - டாத்தாரான் மெர்டேக்கா சுற்றுப்புறம் வரலாற்று சிறப்புமிக்க தளமாக அறிவிக்கப்படும் விழா.

டாத்தாரான் மெர்டேக்கா என்பது வரலாற்று சிறப்பு மிக்க இடமாக திகழ்கிறது. இப்போது அதன் சுற்றுப்புறத்தில் இருக்கும் இடங்களும் சேர்க்கப்பட்டு பேணிக்காக்கப்படுகிறது.

3- 19 ஜூலை 2007 - 50 வருட சுதந்திர தின நாணயம் வெளியீட்டு விழா

50-ஆவது வருடத்திற்க்காக சிறப்பாக ஒரு நாணயங்கள் வெளியிடப்படுகின்றன. இது லிமிடட் எடிஷன் மட்டும்தான். நாணயம் சேமித்து வைப்பவர்கள் கண்டிப்பாக இந்த நிகழ்ச்சியில் கலந்துக்கொண்டு நாணயத்தை பெறுங்கள்.

4- சுதந்திர தின கொண்டாட்ட துவக்க விழா

ஆகஸ்ட் 17-ஆம் திகதி மலேசிய பிரதமரால் புத்ராஜெயாவில் துவக்கி விடப்படும். அன்றைய தினத்தில் மலேசியா பாரம்பரிய நடனங்கள் சில அரங்கேற்றப்படும். அதன் பிறகு ஜாலுர் கெமிலாங் (Jalur Gemilang) என்றழைக்கப்படும் மலேசிய கொடியை அங்கே உள்ள ஒவ்வொரு காரிலும் கட்டுவார்.

மலேசியாவில் உள்ள பல பெரிய நிறுவனங்கள் இதுக்கு ஆதரவு தந்து, அவங்களால் முடிந்த சில நன்கொடைகள் செய்துள்ளனர். அவர்களும் தங்கள் பணியாளர்களுக்கு இலவசமாக ஜாலுர் கெமிலாங் தருவார்கள். இங்கே என்ன ஒரு சந்தோஷமான விஷயமென்றால், பலர் அந்த கொடியை எதிர்ப்பார்க்காமல், அவர்களே சொந்த செலவில் ஜாலுர் கெமிலாங் வாங்கி கட்டியிருப்பதுதான். சுதந்திர தினம் என்பது அவர்களுள் ஊறியிருப்பது மிகவும் சந்தோஷமான ஒரு விஷயம்.

5- 50 வருட சுதந்திர மலேசியா கண்காட்சி

1957 முதல் 2007 வரை, ஒவ்வொரு காலக்கட்டத்திலும் மலேசியாவின் மாறுதல்களை மிக துல்லியமாக விளக்கப்படும் ஒரு கண்காட்சி. சுற்றுப்பயணிகளுக்கு மலேசியாவை அறிய இது ஒரு நல்ல சந்தர்ப்பம்.

மலேசிய அருங்காட்சியகத்திலும் சுற்றுப்பயணிகளுகாக சில வழிகாட்டுபவர்கள் நியமிக்கப்பட்டுள்ளனர். உங்கள் அனைத்து கேள்விகளுக்கும் அவர்கள் பொறுமையாக பதில் சொல்வார்கள்.

6- கலை மற்றும் கலாச்சார விழா 2007

மலேசியா முழுதும் ஒரே நேரத்தில் நடத்தப்படும் விழா. மலேசிய வாழ் மக்களின் கலை மற்றும் கலாச்சாரங்கள் ஒரே இடத்தில் நீங்கள் கண்டுக் களிக்கலாம். மலேசியாவின் பெரும்பான்மை இனத்தவர்கள் மலாய், சீன இந்தியர்கள் என்று மட்டுமே சிலருக்கு தெரியும். ஆனால், இபான், கடஜான், பாபா டான் ஞோஞ்ஞா மற்றும் பல சிறும்பான்மை இனத்தவர் இருப்பது பலருக்கு தெரியாமலேயே இருக்கலாம். அவைகளை அறிய இந்த வாய்ப்பை பயன் படுத்திக்கொள்ளுங்கள்.

7- மலேசிய உணவு திருவிழா 2007 (Malaysia Food Festival 2007)

குவாலா லும்புரில் உள்ள மிக முக்கியமான மூன்று ஷாப்பிங் காம்ப்ளேக்ஸான கே.எல்.சி.சி (KLCC), 1 உத்தாமா (1 Utama) மற்றும் சன்வே பிரமிட் (Sunway Pyramid)-இல் நடைப்பெறுகிறது. மலேசியாவில் உள்ள அனைத்து விதமான உணவு வகைகளும் இங்கே நீங்கள் சுவைத்து பார்க்கலாம். பல உணவு வகைகள் அங்கே உங்கள் முன்னே சமைத்தும் காட்டப்படும். இந்திய, மலாய், சீனர், பாபா டான் ஞோஞ்ஞா, இபான், கடஜான் மற்றும் பல இனத்தவரின் உணவுகளும் ஒரே இடத்தில் சுவைக்க வேண்டுமா? நீங்கள் போக வேண்டியது:

10-12 ஆகஸ்ட் - KLCC
17-19 ஆகஸ்ட் - 1 Utama
24-26 ஆகஸ்ட் - Sunway Pyramid

8- மெர்டேக்கா மாணவர்கள் சந்திப்பு கூட்டம்

இந்த் 25 ஆகஸ்ட் 2007-ஆம் ஆண்டு சந்திப்பில் மலேசிய அரசாங்க மற்றும் தனியார் உயர்க்கல்வி மாணவர்கள் கலந்துக்கொள்வார்கள். இனம் மற்றும் நாட்டுப்பற்று இவர்களிடம் வளர்க்கவே நாடு தழுவிய அளவில் ஒரு பெரிய சந்திப்பு நடத்தப் படுகிறது.

9- தேசப்பற்று பாடல் இயக்கி / பாடும் போட்டி

நீங்கள் ஒரு இசையமைப்பாளரா? நன்றாக கவிதை எழுதுவீர்களா? நல்ல குரல் வளம் இருக்கின்றதா? சேருங்கள் இந்த போட்டியில்.. ஆனால், பாடல் மலாயில்தான் இருக்க வேண்டும். :-)

10- உலக சிங்க நடன விழா 2007
இங்கே எத்தனை பேர் சிங்க நடனத்தைப் பார்த்திருக்கீங்க?கெந்திங்கில் 3-5 ஆகஸ்ட் நடந்த சிங்க நடனத்தில் உலகில் பல நாடுகளிலிருந்து பலர் வந்து கலந்துக்கொண்டு விழாவை சிறப்பித்தனர். இதுவரை மலேசிய சிங்க நடனங்களை மட்டுமே நான் பார்த்திருக்கிறேன். ஆனால், மற்ற நாடுகளில் உள்ள வித்தியாசக்ங்களும் இதன் மூலம் அறிந்துக்கொள்ளலாம்.

11- அனைத்துலக வானவேடிக்கை போட்டி 2007

வானவேடிக்கை என்றால் யாருக்குதான் பிடிக்காது? எல்லாரும் ரசித்து பார்க்க கூடிய ஒன்று. அதுவே இங்கே திருவிழாப்போல் நடக்கிறது. புத்ராஜெயா, தித்திவங்ஸா, குவாலா லும்புர் மற்றும் போர்ட் டிக்ஸனில் 4,11,18,25 மற்றும் 30 இரவு வானமே வண்ணங்களால் அலங்கரிக்கப்பட்டிக்கும் அந்த கண்கொள்ளா காட்சியை பார்க்க தவறாதீர்கள்.

12- அம்பாங் மெர்டேக்கா

இது சுதந்திர தின கவுண் டவுன் என்றும் சொல்லலாம். டாத்தாரான் மெர்டேக்காவில்தான் சுதந்திரம் அறிவிக்கப்பட்டது. அதன் பின், ஒவ்வொரு வருடமும் 30 ஆகஸ்ட் இரவு இங்கே கவுண் டவுன் எண்ணப்படும். மலேசியாவில் பல இடத்தில் கவுண் டவுன் செய்தாலும், டாத்தாரானில் உள்ள அந்த சூழலுக்கு ஈடாகுமா?

13- சுதந்திர தின அணிவகுப்பு

அரசாங்க, தனியார், தற்காப்பு படை மற்றும் பல அணிகளின் அணிவகுப்பு. இது 31 ஆகஸ்ட் காலை மலேசிய ராஜாவின் தலைமையில் நடக்கும். காலை 7.30க்கு ஆரம்பமாகும் இந்த அணிவகுப்பு நண்பகல் 12 மணிக்கு முடிவடையும். நமது நாட்டின் தற்காப்பு படைகளுக்கு மரியாதை செலுத்த இது ஒரு நல்ல சந்தர்ப்பம்.

14- மெர்டேக்கா திருவிழா

31 ஆகஸ்ட் இரவு ஸ்டேடியம் மெர்டேக்காவில் நடைப்பெற விருக்கிறது இந்த நாடகம். சுத்ந்திர போராட்டத்தை இந்த நாடகத்தில் அழகாக சித்தரிக்க விருக்கின்றனர். நுழைவு இலவசம்.

15- கான்ஸர்ட் அனாக் மலேசியா 2007 (Son of Malaysia Concert)

சுதந்திர தினத்தை முன்னிட்டு செப்டம்பர் மாதம் முழுதும் இஸ்தானா புடாயவில் (Istana Budaya) கலைநிகழ்ச்சிகள் நடைப்பெறும். ஆனால், இந்த கலநிகழ்ச்சிகள் மலேசியாவை பற்றியும், மலேசிய சுதந்திரத்தை பற்றியும், மலேசியாவில் வாழும் மக்களை பற்றியுமாக இருக்கும்.

திருவிழாதான்.. முப்பது நாளும் திருவிழாதான். எங்களுடன் கலந்து சுதந்திர தினத்தை கொண்டாட அழைக்கிறோம் நண்பர்களே! :-)

என்ன"லா" தமிழ் இது??

2007-07-21T23:01:00.000+08:00

என் அருமை தமிழ் நெஞ்சங்களே!!(எல்லாம் பாசம்,கண்டுக்கதீங்க)

எல்லாரும் மை ஃபிரண்ட் அக்காவிற்கு வாழ்த்துக்கள் சொல்லிட்டீங்களா?சரி இன்று நான் எழுத போவது எங்கள் ஊர் 'லா' தமிழைப் பற்றி...

சில வருடங்களுக்கு முன்பு நான் பேச ஆரம்பித்தலே எனது இந்திய நண்பர்கள் சிரிக்க ஆரம்பித்து விடுவார்கள்.

"எப்படி'லா' இருங்கீங்க"
"கையீ(guy) ஜோக்கா(joke) பேசு'லா'"

இப்படி எல்லாம் சற்று அதிகமாக பேசி இருக்கின்றேன்.நான் 'லா' என்று பேச ஆரம்பித்தலே எனக்குக் கிடைப்பது கிண்டலும் கேலியும்தான்.ஆகவே முடிந்த வரையில் "லா" என்பதைப் பயன்படுத்தமால் இருப்பேன்.இப்பொழுது எல்லாம் நான் பேசும் தமிழில் 'லா' என்ற வார்த்தையே அதிகம் வருவது இல்லை.இதை வைத்தே எனது சிங்கப்பூர் தமிழ் நண்பர்கள் நான் தமிழ் நாட்டிலிருந்து வந்து இருக்கின்றேன் என்று முடிவு கட்டி விட்டார்கள்.'லா'தமிழின் மகிமையை பாருங்கள்.இதை வைத்தே யார் எந்த நாட்டு தமிழர் என்று தீர்மானித்து விடுகின்றார்கள்.

என்னிடம் பலர் கேட்கும் கேள்வி அது என்ன கடைசியில் 'லா' என்று சேர்த்துக் கொள்கின்றீர்கள்?அது என்ன தமிழ் மொழியா?இது எப்படி வந்தது?இன்று அதைப் பற்றி உங்களுக்கு சொல்கின்றேன்.

மலாய் மொழியில் பேசும் பொழுது 'லா' என்பதை கடைசியாக இணைத்துக் கொள்வார்கள்.
இது அந்த வார்த்தைக்கு முக்கியத்துவம் கொடுக்க பயன்படுத்துவார்கள்.இப்பொழுது மலாய் மொழியில் உள்ளே வா என்பதற்க்கு மாசூக்( masuk).வரச் சொல்லியும் வரமால் இருந்தால் மாசூக்'லா' என்பார்கள்.நாங்கள் இந்த நாட்டில் ஒரு நூற்றாண்டு காலமாக இருக்கின்றோம்.எப்படியோ கொஞ்சம் மலாய் மொழியும் தமிழ் மொழியோடு கலந்து விட்டது.தமிழ் மொழி மட்டும் இல்லை,இது எங்கள் ஊர் ஆங்கிலத்தோடும் கலந்து விட்டது.எங்கள் ஊர் ஆங்கிலத்தை "Manglish" என்பார்கள்.

தமிழ் நாட்டிலில் இடத்துக்கு இடம் தமிழ் மொழி பேசுவது மாறுப்படும் பொழுது,நாட்டிக்கு நாடு மாறதா என்ன?இதுதான் 'லா' தமிழுக்குப் பின்னால் இருக்கும் மர்மம்.சில சமயம் வெறும் 'லா' மட்டும் தமிழில் வராது.கூடவே சில மலாய் வார்த்தைகளும் கலந்து வந்துவிடும்.நான் சில சமயம் இப்படி கலப்பட தமிழ் பேசினால் எல்லாரும் முழிக்க ஆரம்பித்து விடுவார்கள்.அப்புறம்தான் ஞாபகம் வரும் நான் பேசியது மலாய் வார்த்தை.சரி நான் கிளம்புகின்றேன்'லா'.அடுத்த பதிவில் சந்திப்போம்.

மலேசியாவில் ஒரு முக்கியமான நாள்

2007-07-21T06:40:00.000+08:00

நம்ப "கும்மி குவின்"

"காமெடி வெடி"

"ஆப்புகளின் அரசி"

"நம்ப எல்லாருக்கும் அக்கா"

"எல்லாருக்கும் தோழி"

"மலேசியா மாரியாத்தா part 1"

"நம்ப தமிழ் மணத்தின் பிரபலமான மலாய் ஆசிரியை"

"மலேசியாவில் மிகப் பிரபலமான விஐபி"

யாருல்'லா அது???

"மேலே சொன்ன அனைத்திற்கும் எனக்கும் சம்பந்தம் இல்லை.அது எல்லாம் நம்ப மை ஃபிரண்ட் அக்காதான்.கொஞ்சம் அதிகமாகவே புகழ்ந்துவிட்டேன் என்று நினைக்க வேண்டாம்.எல்லாம் பாசத்தின் வெளிப்பாடு :)

நம்ப மை ஃபிரண்ட் அக்காவின் இனிய பிறந்த நாள் நாளை வருகின்றது"

எல்லாரும் அக்காவுக்கு மலாய் மொழியில் வாழ்த்து சொல்லுறது எப்படி என்று பார்ப்போமா?

"செலமாட் ஹாரி ஜாடி"

(selamat hari jadi)

"பிறந்த நாள் வாழ்த்துக்கள் அக்கா"

side bar இல் ஒரு count down counter தெரிகின்றதா?எல்லாம் நம்ப மை ஃபிரண்ட் அக்காவின் பிறந்த நாளுக்கு மிஞ்சி இருக்கும் நேரங்கள்தான்.எல்லாரும் மறக்கமால் அக்காவுக்கு வாழ்த்துக்கள் சொல்லிவிடுங்கள்....

யாரு"லா" பழங்களின் அரசி???!

2007-07-16T08:16:00.000+08:00

வணக்கம் நண்பர்களே,
போன பதிவில் “மலேசியா பழங்களின் அரசன் டுரியான்” பற்றி பல சுவையான தகவல்களை அறிந்து கொண்டோம்.நாரதர் கலகம் மாதிரி அனைவரும் புது புது தகவல்கள் தந்து எங்களை எல்லாம் கதி கலங்க செய்து விட்டீர்கள்.ஆனால் நாரதர் கலகம் நன்மையில் முடியும் என்பது போல இந்த கலகத்திலிருந்து நம்மால் பல புது தகவல்களைப் பகிர்ந்து கொள்ள முடிந்தது.ஆனால் எல்லாரும் நான் கேட்ட கேள்வியை மறந்து நீங்கள் பல கேள்விகளை டுரியான் பழத்தைப் பற்றி கேட்க ஆரம்பித்து விட்டீர்கள்.

நான் கேட்ட கேள்வி
“பழங்களின் அரசன் டுரியான்.அப்பொழுது அரசி எந்த பழம்?”

கடைசி வரையில் யாருமே பதில் சொல்லவில்லை.அந்த துக்கத்தில் நான் 3 மாதமாக சாப்பிட்டவில்லை,தூங்கவில்லை, என்று பொய் சொல்ல மாட்டேன்.யாரும் பதில் சொல்லவில்லை என்றாலும் உங்களை நான் விட போவது இல்லை,போன தடவை நம் Hero டுரியானைப் பற்றி அறிந்து கொண்டோம்,இம்முறை Heroine மங்குஸ்தீன் பழத்தைப் பற்றி தெரிந்து கொள்வோம்.பழங்கள் அரசி மங்குஸ்தீன் எப்படி இருக்கும்?

படத்தைப் பார்த்தீர்கள் இல்லையா?இதுதான் அரசியார் மங்குஸ்தீன் அவர்கள்

இந்த பழத்தின் தனிதன்னமை வாய்ந்த சுவைக்காக இதற்கு பழங்களின் அரசி மற்றும் "தேவலோக பழம்" என்று கூட அழைக்கப்பட்டது.மங்குஸ்தீன் பழம் தென் கிழக்கு ஆசியாவில் வளரும் ஒரு வகை பழம்(tropical fruit).டுரியான் பழம் குளிர்ச்சி என்றால்,மங்குஸ்தீன் பழம் வெப்ப தன்மையை கொடுக்கும் என்று நம்படுகின்றது.

இதற்கும் விக்டோரியா மகாராணிக்கும் நெருங்கிய சம்பந்தம் உள்ளது.அது எப்படி என்றால் விக்டோரியா மகாராணி இந்த பழத்தைப் பற்றி கேள்விப்பட்டு இதை கொண்டு வருபவர்களுக்கு அந்நாட்டின் உரிய பட்டமான "வீரத்திருத்தகைப் பட்டம்"(knighthood) அளிப்பதாக வாக்குறுதி தந்தாராம்.ஆனால் யாராலும் இந்த பழத்தை கொண்டு வரமுடியவில்லை.இந்த பழத்தை வாரக்கணக்கில் கடுமையான தட்பவெட்ப சூழ்நிலை மாற்றங்களில் இருக்க முடியதினால்,இதை இங்கிலாந்திற்குக் கொண்டு செல்ல முடியவில்லை என்று ஒரு கதை இருக்கின்றது.இந்த பழங்கள் தென்கிழக்கு ஆசியாவின் தட்ப வெப்ப நிலைகளில் தான் இருக்க முடியும்.இங்கிலாந்து அரசியே விரும்பி கேட்ட பழம் என்பதால் அதற்கு பழங்களின் அரசி என்ற பெயர் வந்தது என்று சொல்கின்றார்கள்.இந்த கதையில் எந்த அளவிற்கு உண்மை என்று தெரியவில்லை.ஆனால் கதை நன்றாக இருக்கின்றது இல்லையா?

மங்குஸ்தீன் பழத்தின் வெளித்தோற்றம்

பழத்தின் உள் தோற்றம்.பழங்கள் டுரியானைப் போல சுளைகளாக இருக்கும்.ஆனால் வெண்மையான சுளைகள்.உள்ளே சிறிய கொட்டைகள் இருக்கும்.ஒரு மங்குஸ்தீன் பழம் ஆரஞ்சு பழத்தின் அளவிற்கு இருக்கும்.

இந்த பழத்தின் சுவை இனிப்பும்,கொஞ்சம் துவர்ப்பும் மற்றும் புளிப்பும் கலந்து இருக்கும்.இந்த பழங்களைச் சிறு வயதில் சாப்பிடும் பொழுது அம்மாவிடம் பல முறை அடிவாங்கி இருக்கின்றேன்.அது இந்த பழங்களை உரித்து சாப்பிடும் பொழுது அதன் தோல்களில் இருந்து வரும் ஒரு வகை சாறு சட்டைகளில் பட்டால் கறை படிந்து விடும்.இந்த கறைகள் எல்லாம் போக்கவே முடியாது.அம்மா மங்குஸ்தீன் பழம் வாங்கி வந்தால் பழைய சட்டை எல்லாம் தேடி கண்டுப்பிடித்து,அதை அணிந்துக் கொண்டு சாப்பிடும் அளவிற்கு எல்லாம் பொறுமைசாலி நான் இல்லை.எப்படிதான் கவனமாக சாப்பிட்டாலும் சட்டையில் கறைப்படியும்,அம்மாவிடம் அடியும் கிடைக்கும்(இது எல்லாம் அரசியலில் சாதாரணம்ப்பா)

மங்குஸ்தீன் மரங்கள் பழங்களைக் கொடுக்க 7லிருந்து 9 வருடங்கள் ஆகும்.ஆனால் அதன் பிறகு சில மரங்கள் 100 வருடம் வரை பழங்களைக் கொடுக்குமாம்!!!!!!

6 மாதத்தில் மங்குஸ்தீன் செடிகள்

2 வருடத்தில்...

6வருடங்களில்

பூவாகி.....காய் ஆகும் பழம்

பழம் இப்பொழுது நன்றாக தெரிகின்றது.அதன் கீழ்ப்பகுதியில் உள்ள பூப் போன்று இருக்கின்றதே...தெரிகின்றதா?அதை வைத்து பழத்தின் உள்ளே எத்தனை சுளைகள் இருக்கின்றது என்று தெரிந்துக் கொள்ளலாம்.இந்த பழத்தின் உள்ளே ஒரு 6 சுளைகள் இருக்கும். இதைப் பார்த்து அதிக சுளைகள் உள்ள பழத்தை நாம் தேர்ந்து எடுக்கலாம்.

பழமாகும் காய்

பழுத்த பழம் ஊதா நிறத்தில் இருக்கும்....

சரி இப்பொழுது முக்கியமான விஷயம்.மங்குஸ்தீன் பழத்தை எப்படி சாப்பிடுவது?(வாயால் தான் என்று என்னை மாதிரி அறிவு ஜீவிகள் கிண்டல் பண்ண வேண்டாம்.)

மங்குஸ்தீன் பழத்தைக் கைகளாலே உரித்து சாப்பிடலாம்.பழத்தை மேசை மேல் வைத்து,அதை உள்ளங்கையால் அமுக்கினால் பழம் பிளக்கும்.இந்த மாதிரி வீர சாகசம் செய்து உங்கள் வலிமையைக் காட்ட முடியவில்லை என்றால் சிறு கத்தியைக் கொண்டு பழத்தை பிளக்கலாம்.பழத்தின் மேற்புறத்தில் 1cm அளவிற்கு குறைவாக பழத்தைச் சுற்றி வெட்டவும்.மிகவும் ஆழமாக வெட்ட வேண்டாம்.இப்படி செய்தால் பழம் இரண்டு பிரிவாக பிரியும்.(கீழே உள்ள படத்தைப் பாருங்கள்).ஆனால் கவனம் தேவை.நான் முன் சொன்னது போல இந்த பழங்களில் சாறு பட்டால் அந்த கறை போகாது.நான் எல்லாம் என்றைக்குமே இந்த பழங்களை உரித்தது இல்லை.அதற்குதான் அம்மாவும் அண்ணாவும் இருக்கின்றார்களே.என் நல்ல சட்டையில் அழுக்கு படிய கூடாது.இது மாதிரி யாரவது கிடைத்தால் அவர்களிடமே இதை உரித்து தர சொல்லுங்கள்.ஹிஹி.சின்ன வயதில் வாங்கிய அடியால் இப்படி ஆகிவிட்டேன்.

உள்ளே இருக்கு கொட்டை கடினமாக இருக்காது.ஆனால் அதை சாப்பிடுவதைத் தவிர்த்து விடுங்கள்.மிகவும் கசப்பாக இருக்கும்.நன்கு பழுத்த பழங்கள் தான் இனிப்பாக இருக்கும்.காயாக இருப்பது சற்று துவர்ப்பும் புளிப்பும் கலந்து இருக்கும்.பழங்கள் ஊதா நிறத்தில் இருக்கும் பழங்களையே தேர்ந்து எடுக்கவும்.மங்குஸ்தீன் பழங்களைக் குளிர்சாதன பெட்டிகளில் வைக்க கூடாது.வாங்கிய சில நாட்களிலேயே சாப்பிட்டு முடித்து விட வேண்டும்.இல்லையென்றால் அதன் சுவை நன்றாக இருக்காது.

மேலும் விபரங்களுக்கு: http://www.hort.purdue.edu/newcrop/morton/mangosteen.html#Food%20Uses
நன்றி
http://ezinearticles.com/?Mangosteen---The-Queen-of-Fruits&id=94295

சென்று வருகின்றேன் நண்பர்களே!!!
இது எந்த கலகத்தில் முடிய போகின்றதோ..நாரயணா நாரயணா!

சிகரத்தைத் தொட்ட மண்ணின் மைந்தர்கள்

2007-06-09T23:47:00.001+08:00

வணக்கம் நண்பர்களே,
இமய மாலை சிகரம் உலகத்திலேயே உயரமான சிகரம்.எங்கள் மண்ணின் மைந்தர்கள் முதன் முதலாக இந்த சிகரத்தை 23 தேதி மே மாதம் 1997இல் அடைந்தனர்.அங்குச் சென்ற 20 பேர்கள் கொண்ட குழுவில் இரண்டும் மலேசிய தமிழர்கள்தான் இறுதியாக சிகரத்தை அடைந்தார்கள்.அவர்கள் தான் மோகன் தாஸ் மற்றும் மகேந்திரன்.சிகரத்தை அடைந்த முதல் மலேசியர்களும் முதல் தமிழர்களும் இவர்கள்தான்.இவர்கள் அங்கு இருந்த 55 நாட்களையும் மலேசியா தொலைகாட்சியில் ஒளிப்பரப்பட்டது.சிறு வயதில் இதை ஆர்வமாக பார்த்தது இன்னும் ஞாபகம் இருக்கின்றது.

உலகின் மிக உயர்ந்த சிகரத்தைத் தொட்ட முதல் மலேசியர்கள்

கடந்த மாதம் 22 திகதி மறுபடியும் 6 மலேசியர்கள் இந்த சிகரத்தைத் தொட்டார்கள்.அவர்களின் பெயர்கள் பின் வருமாறு:
Muhammad Fauzan Haji Hassan(40 வயது)
Mr. Idris Bin Said (51 வயது),
Mr. Ahmad Reduan Bin Rozali (24 வயது),
Mr. Ahmad Fakhri Bin Abu Samah (25 வயது),
Ms. Marina Binti Ahmad (26 வயது)
Mr. Mohammad Rafi Bin Kori (28 வயது),
இதில் மரினா அஹமாட் சிகரத்தைத் தொட்ட முதல் மலேசியா பெண்மணி ஆவர்.வாழ்த்துக்கள்.

சிகரத்தை தொட்ட முதல் மலேசிய பெண்மணி

மேலும் தகவல்கள் அறிய:

http://thestar.com.my/news/story.asp?file=/2007/5/22/nation/17794325&sec=nation

மலேசியா வரலாறு பாகம் 2:மலாக்கா மாநிலம்

2007-06-09T11:34:00.000+08:00

மலாக்கா மாநிலம் மலேசியாவில் வரலாற்றுக்குப் புகழ் பெற்ற மாநிலம்.இன்று இந்த மாநிலத்தில் இருந்துதான் மலேசியாவின் வரலாறு இரண்டவது பாகம் ஆரம்பம்.போன வரலாறு இடுகையில் நான் மலேசியாவின் பொற்காலம் என்று குறிப்பிட்ட காலம் 1400 முதல் 1511 வரை இந்த மாநிலத்தில் இஸ்லாமிய ஆட்சிதான்.மலாக்கா மாநிலத்தின் பெயர் எப்படி வந்தது?இந்த மாநிலத்தை தோற்றுவித்தவர் யார்?தானா மெலாயுவில் எப்படி இஸ்லாமிய மதம் வந்தது?ஏன் இந்த ஆட்சி 1511 முடிவுக்கு வந்தது என்ற பல கேள்விகளுக்கு இந்த இடுகையில் பதில் கிடைக்கும்.வாருங்கள் மலாக்கா மாநிலத்தின் வரலாறை ஒரு அலசு அலசலாம்.(யாரும் படித்து விட்டு தூங்க கூடாது சொல்லிட்டேன்)

மலாக்கா மாநிலத்தை தோற்றுவிற்றவர் பரமேஸ்வரா என்று அழைக்கப்பட்ட ஒரு இளவரசர்.பெயர் இந்து பெயர் மாதிரி இருக்கின்றது இல்லையா?இவர் இந்து நாட்டைச் சேர்ந்தவர்.பாலேம்பாங்(Palembang)எனப்படும் நாட்டை பற்றி கடந்த இடுகையில் சொல்லி இருந்தேன்.இந்த இந்து அரசாட்சியைச் சேர்ந்தவர்தான் பரமேஸ்வரா.இவர் பாலேம்பாங் நாட்டின் நடந்த அரசியல் கலவரத்தால் அந்த நாட்டை விட்டே ஓடினார்.அவர் முதலில் தஞ்சம் புகுந்த இடம் தெமாசிக்(temasik).தெமாசிக்தான் தற்பொழுதைய சிங்கப்பூர்.அங்கேயும் பிரச்சனை வந்து தெமாசிக்கை விட்டு வெளியேறினார்.பிறகு சில அரசாங்கத்தை உருவாக்க முயற்சித்தார்.ஆனால் எல்லாம் தோல்வியில் முடிந்தது.கடைசியாக அவர் வந்து சேர்ந்த இடம்தான் மலாக்கா.இந்த “மலாக்கா” பெயர் வந்ததிற்கு பல சுவராசியமான சம்பவங்களைச் சொல்கின்றார்கள்.அதில் ஒன்று பின் வரும் இந்த கதை;

மேலே உள்ள மிருகம்தான் இந்த கதையின் கதாநாயகன்/நாயகி(எனக்கு அது ஆணா இல்லை பெண்ணா என்று தெரியாது)இது ஒரு வகையான மான்.மலாயில் சாங் கஞ்சில்(sang kancil) என்று அழைப்பார்கள்.கதைக்கு போவோமா?

"பரமேஸ்வரா ஒரு நாள் காட்டில் இளைப்பாறி கொண்டிருந்தார்.அவரின் வேட்டை நாய்களில் ஒன்று இந்த மானை தாக்கியது.இந்த மான் மிகவும் சிறியது.ஆனால் தன் பின்காலால் அந்த நாயை உதைத்து தப்பித்துவிட்டது.பரமேஸ்வரா இந்த மானின் புத்திகூர்மையைக் கண்டு வியந்து போய் இதுதான் அவர் ஆட்சி செய்ய சரியான இடம் என்று முடிவெடுத்தார்.அவர் இந்த காட்சியை “மலாக்கா” எனப்படும் மரத்தின் கீழ் இருந்து பார்த்ததினால் இந்த பெயர் வந்தது என்று கூறுகின்றார்கள்."

பரமேஸ்வராவின் நல்ல நேரம் இந்த இடம் வணிகம் செய்ய மிகவும் ஏற்ற இடமாக இருந்தது.அந்த கால கட்டத்தில் மலாக்கா என்பது மிக முக்கியமான வணிக மையம்.உலகளவில் புகழ்பெற்ற வணிக மையமும் இதுதான்.வணிகத்தால் மலாக்கா மாநிலம் பல துறைகளில் மேன்மை அடைந்தது.ஐரோப்பா,இந்தியா,சீனா என்று பல நாடுகளில் இருந்து வணிகர்கள் வந்து குவிந்தனர்.இதே வணிக்கதால்தான் இந்து ஆதிக்கத்தில் இருந்த மலேசியா இஸ்லாம் மதத்திற்கு மாறியது.குஜராத் மற்றும் ஆரேபியா வணிகர்களால் இஸ்லாம் மதம் பரப்பட்டது என்று நம்படுகின்றது.பரமேஸ்வரா பாசை(Pasai) என்பப்டும் இஸ்லாம் நாட்டின் இளவரசியை மணந்து இஸ்லாம் மதத்தைத் தழுவினார் என்றும் சொல்கின்றார்கள்.சில காலத்துக்கு பிறகு மலாக்கவே இஸ்லாம் மத்தத்தைப் தென் கிழக்கு ஆசியாவில் பரப்பும் ஒரு மையமாக ஆனது.மலாக்கா சுல்தான்கள்(இஸ்லாம் மதத்திற்கு மாறிய பின்பு ராஜாவை சுல்தான் என்றுதான் அழைப்பார்கள்)இஸ்லாம் மதத்தைப் பரப்ப பல முயற்சிகள் எடுத்தார்கள் என்றும் கூறப்படுகின்றது.

ஆனால் இந்த மலாய் சுல்தான்கள் ஆட்சி,மலக்கா மாநிலத்தில் ஒரு நூற்றாண்டு வரையில்தான் நீடித்தது.பிறகு போர்த்துகீயர்கள் மலாக்காவின் மேல் படை எடுத்தனர்.மலக்காவின் ஒரு பிரபலமான வணிக மையம்.இதை கைப்பற்றினால் அவர்களுக்கு பெரும் லாபம் கிட்டும் என்பதற்காகதான் மலாக்காவைக் கைப்பற்ற நினைத்தனர்.கடைசியில் வெற்றி அவர்களுக்கே கிட்டியது.இதன் மூலம் முதல் அந்நிய அரசாட்சி இந்த மண்ணில் நுழைந்தது.

இந்த பதிவை நான் மிகவும் சுருக்கமாகதான் எழுதி உள்ளேன்.உங்களுக்கு இன்னும் கேள்விகள் இருந்தால் கேட்கலாம்.கிழே நான் சில சுட்டிகளைக் கொடுத்து உள்ளேன்.உங்களுக்கு மலாக்கா மாநிலத்தைப் பற்றி மேலும் தெரிய வேண்டும் என்றால் இந்த வலைப்பக்கங்களை உபயோக்கிக்கலாம்.
மேலும் தகவல்கள் அறிய:
http://www.questia.com/PM.qst?a=o&d=3947044 http://www.regit.com/malaysia/history/history.htm
http://ms.wikipedia.org/wiki/Melaka

http://planet.time.net.my/CentralMarket/melaka101/chrono.htm

மலாய் படிக்கலாம் வாங்க:பாடம் 3

2007-06-03T20:10:00.000+08:00

Kelas cabut paku(கிளாஸ் சாபுட் பக்கு) ......

ஆணி புடுங்கும் வகுப்பா?

இது என்ன புது மாதிரியான வகுப்பு என்று நான் வகுப்பில் நுழைகின்றேன்.
எல்லாமே ஆணி புடுங்கும் மாணவர்களாக இருந்தார்கள்.ஆஹா இதுதான வகுப்பின் பெயர்க்கு காரணம்!!!!அனைத்து மாணவர்களும் லாப் டாப்பும் கையுமாக வகுப்பில் அமர்ந்து இருந்தார்கள்

நானும் வகுப்பை ஆரம்பித்தேன்.

"Selamat pagi murid-muridஇன்று நான் தான் உங்களுக்கு எல்லாம் மலாய் ஆசிரியை.மை ஃபிரண்ட் டீச்சர் இப்பொழுது சற்று busy.ஆகவே இன்றைய வகுப்பு என்னுடந்தான் "

“ஐயோ மலேசியா மாரியாத்தா வந்துருச்சி.நாமே எல்லாம் செத்தோம்” இது இராயல் இராம்.

“ராம் வகுப்பு நடக்கும் நேரத்துல அது என்ன பக்கத்தில் உள்ள ரஞ்சனி கூட பேச்சு?இங்கே வாங்க”

ராம் தலையில் ஒரு கொட்டு விழுகின்றது.

"நான் மை ஃபிரண்ட் cikgu மாதிரி பொறுமைசாலி இல்லை.ரொம்ப கண்டிப்பு.யாரவது தப்பு செய்தீர்கள் .... கொட்டுதான் விழும் சொல்லிட்டேன்.சரி இன்று நாம் சில மலாய் வார்த்தைகளைக் கற்றுக்கொள்ளலாமா?"

“நாங்க முடியாதுன்னு சொன்னால் விடவா போறீங்க”என்று நாகை சிவா முணுமுணுக்கின்றார்.

“இந்த மலாய் வார்த்தைகள் எல்லாம் தமிழ் வார்த்தைகளோடு சம்பந்தம் உள்ளவைகள்.”

Cikgu மலாய் மலாய்தான் தமிழ் தமிழ் தான்.எப்படி இது இரண்டும் சம்பந்தம்பட்டவை?என்று அய்யனார் கேட்கின்றார்.

“நல்ல கேள்வி..”(பதில் தெரியமால் திரு திரு என்று முழிக்கின்றேன்)

“அது வந்து எனக்கு யாரும் என்னிடம் கேள்விகள் கேட்ககூடாது.நான் தான் கேள்விகள் கேட்கனும்.சரியா?"
....
..
.

“கார்த்திக் நீங்கதான் தான் மலாய் வகுப்பில் ஆர்வமாக இருப்பதாக கேள்விப்பட்டேன்.நீங்க பதில் சொல்லுங்கள் பார்க்கலாம்”

“தமிழ் மொழியின் சில வார்த்தைகள் மலாய் மொழியிலும் பயன்படுத்தப்படுகின்றன.”என்று கார்த்திக் google search பயன்படுத்தி சரியான விடையைச் சொல்கின்றார்.

“ஆஹா...வாழ்த்துக்கள் கார்த்திக்”

“அடுத்த கேள்வி தமிழ் மொழி பயன்பாடு எப்படி மலாய் மொழிக்கு வந்தது?அதற்கான காரணங்கள் தெரியுமா”?

“cikgu நான் பதில் சொல்லுறேன்” என்று ஆர்வத்தோடு ஜி துள்ளி குதிக்கின்றார்.

“பூனை ஜி பொறுமை.சரி சொல்லுங்க பார்ப்போம்”

“அந்த காலத்தில் பல இந்து அரசாட்சி மலேசியாவில் இருந்தது.ராஜ ராஜ சோழன் ஒரு தமிழர் இதுவும் ஒரு காரணமாக இருக்கலாம்.நாங்க எல்லாம் அவரு பரம்பரைன்னு வெளியே பேசிக்கிறாங்க cikgu"

"ஜி இது எல்லாம் வெட்டி பந்தா.அடுத்தது வேறு யாரவது சொல்லுங்கள்.சிபி நீங்கள் சொல்லுங்கள் பார்ப்போம்".

“மலாக்கா மாநிலத்திற்கு வணிகத்தின் மூலம் பல தமிழ் வணிகர்கள் வந்துள்ளனர்.இந்த வகையில் கூட தமிழ் மொழி மலாய் மொழியில் பயன்படுத்தப்பட்டு இருக்கலாம்”என்று சிபி சொன்னார்.

“ஆமாம் இதுவும் ஒரு காரணம்.மெலாயு என்ற சொல்லிலேயே தமிழ் இருப்பது தெரியுமா?உங்களுக்கு எல்லாம் தெரியாது என்று எனக்கும் தெரியும்.நானே சொல்கின்றேன் கேளுங்கள்”

“cigku எங்களுக்குத் தெரியாதது என்பதனால்தான் இங்கே வந்து கஷ்டப்படுறோம்.இப்படி அறுக்கமால் பாடத்தை நடத்துங்கள்.அடுத்தது நாங்க எல்லாரும் சிவாஜி படம் பார்க்க போகனும்.சீக்கிரம் வகுப்பை முடிங்க”என்று தேவ் கத்த ஆரம்பித்தார்.

“தேவ் உங்களுக்கு கச்சேரி வகுப்பு முடிந்து நடக்ககும்.சரி இதுதான் காரணம்”

மலை+ஊர்=மலையூர்
இமயமாலை தொடர்தான் நம் தீபகற்ப மலேசியாவின் முதுகெலும்பு போல் இருக்கின்றது.இந்த மலைத்தொடரை வைத்துதான் மெலாயு என்ற சொல் வந்ததாக நம்ப படுகின்றது,ஆங்கிலேயேர்கள் இந்த சொல்லை சொல்லும் பொழுது மெலாயுவை மெலாயா(Malaya)என்று மாற்றி சொல்லி இந்த நாட்டினின் பெயரை மாற்றிவிட்டார்கள் என்றும் நம்படுகின்றது

“Cigku நீங்க இவ்வளவு பெரிய அறிவாளியா”என்று வெட்டிபயல் கேட்கின்றார்.

“அது இப்போதான் உங்களுக்குத் தெரியுமா?என்ன பண்ணுவது பல அறிவாளிகள் எல்லாம் இலைமறை காயாகதான் இருக்கின்றார்கள்.அடுத்த கேள்விக்கு நான் போகின்றேன் murid murid”

"நடுவுல இது அறிவாளின்னு சந்துல சிந்து பாடுது.எல்லாம் நம்ப நிலமை"என்று my day gops அனைவருக்கும் g talk வழியாக சொல்கின்றார்

"என்ன கணினியை வெறிச்சு பார்க்குறீங்க.பாடத்தை கவனிங்கப்பா."

“பூமிபுத்திரா(bumi putera).இதுவும் ஒரு தமிழ் வார்த்தைதான்.யாரவது விளக்கம் தர முடியுமா”

அப்பொழுது CVR ஜன்னலுக்கு வெளியே வெறித்து பார்க்கின்றார்.

“தம்பி.Hey தம்பி.என்ன வேடிக்கை பார்க்குறீங்க.வகுப்பைக் கவனிக்க மாட்டீங்களா”

“நான் ஒரு dreamer.கனவு காணும் பொழுது தொந்தரவு பண்ணதீங்க”

“கனவு எல்லாம் வகுப்பில் காண கூடாது.வகுப்பு முடிந்தது காணுங்கள்.மற்ற மலாய் வகுப்பு பக்கமே நீங்கள் போகவில்லையமே.அதற்கு தண்டனை இன்னும் ஒரு வாரத்தில் மற்ற வகுப்பில் நடந்த பாடங்களை மனப்பாடம் செய்யுங்கள்.சரியாக மனப்பாடம் செய்யவில்லை.Bench க்கு மேலே நிற்க வைப்பேன்.ஜாக்கிரதை.சரி இந்தாங்க ஒரு குட்டு”

“ச்சே இந்த லூசு தொல்லை தாங்க முடியவில்லை.எங்கே போனாலும் வந்து உயிரை வாங்குது.அப்துல் கலாமே இளைஞர்களே கனவு காணுங்கள் என்று சொல்லி இருக்கார்.இது நம்பளை திட்டிட்டு போகுது”என்று மனதிற்குள் CVR திட்டிக் கொள்கின்றார்.

“cikgu பூமி என்றால் தமிழிலும் பூமி இல்லை மண் என்று வைத்துக் கொள்ளலாம்.புத்திரா என்றால் புத்திரன்.மைந்தன் என்று வைத்துக் கொள்ளலாம்.ஆகவே மண்ணின் மைந்தர்கள்தான் பூமி புத்திரா”என்று அருண் சரியாக பதில் அளிக்கின்றார்.

“அப்பா.. உங்களில் சிலர் வகுப்பில் கவனத்தோடு தான் இருக்கின்றீர்கள்.மிக்க மகிழ்ச்சி”

"ராகவன் உங்களால் மலாய் மொழியில் பயன்படுத்த பட்ட சில தமிழ் வார்த்தைகளைச் சொல்ல முடியுமா?

"டிலாராங் மாசுக்?"

"என்ன dilarang masuk ஆ?உங்களை மலேசியா பக்கம் வரக்கூடாதுன்னு சொல்லிட்டாங்க சரி.அதை தவிர வேறு எந்த வார்த்தையும் தெரியாது போல் இருக்கின்றதே"

“சியாம் தலையில் என்ன helmet?”

“எல்லாம் பூரிக்கட்டைக்கு பயம்தான் cikgu”

“பூரிக்கட்டையா?!ஏங்கே போனாலும் கழற்ற மாட்டீங்க போல் இருக்கு.சரி நீங்க ஒரு சில உதாரணங்கள் சொல்ல முடியுமா”

“தோ சொல்லுறேன் cikgu”
சுவாமி(suami) என்றால் கணவர் aka ரங்கமணி
ராஜா(raja) என்றால் அரசர்
கேடாய்(kedai) என்றால் கடை

சரி murid-murid நேரம் ஆகிவிட்டது.டீச்சர் அடுத்த வகுப்புச் செல்ல வேண்டும்.ஆகவே இத்தோடு வகுப்பை முடித்துக் கொள்ளலாம்.இன்னும் சில வார்த்தைகளைக் குறிப்புகளில் கொடுத்து உள்ளேன்.

Putu (புட்டு) -புட்டு(உணவு வகை)
Kapal(கப்பால்) - கப்பல்
Kupang(கூப்பாங்) - குப்பம்
Kotak(கோத்தா) - கொட்டான்
Satay(சாத்தே) – சதை
Harimau (Tiger)(ஹாரிமாவ்) - அரிமா
Singa(சிங்கா) - சிங்கம்
Perahu(பேராகு) -படகு
Taulan(தௌலன்) - தோழன்
Neschaya(நெஸ்சாயா) - நிச்சயம்
Aniyaya(அநியாய) - அநியாயம்
Sama(சாமா) - சமம்
Segala(செகலா) - சகலம்
Kerana(கெரனா)- காரணம்
Manga(மாங்கா)-மாங்காய்
Kari(கறி)-கறி

மலாய் மொழியில் தமிழ் மொழி மட்டும் இல்லமால் இன்னும் பல மொழிகளின் பயன்படும் உள்ளது.முடிந்தால் இது எல்லாம் மற்றொரு நாள் பார்ப்போம்."

சரி இன்றைய பாடத்தில் யாருக்காவது சந்தேகம் இருக்கின்றதா?

“cikgu ஒரு சந்தேகம்”என்று ஜொள்ளுப்பாண்டி கேட்கின்றார்

“எல்லாம் சொல்லி கொடுத்தீங்க சரி.இந்த ஐ லவ் யூ மட்டும் மலாயில் இப்படி சொல்லுவது என்று சொல்லி தரவீங்களா?”

“அடப்பாவி.இந்த வகுப்பில் உள்ள மற்ற நல்ல மாணவர்களையும் கெடுத்து விடுவீங்க போல் இருக்கே”

உ
"Cikgu இந்த ஜொள்ளு மலாயில் எப்படி சொல்லுவாங்க.அதையாச்சும் சொல்லிட்டு போங்க.எனது ஜொள்ளுப்பணி மலேசியா அளவில் துவங்கலாம் என்று இருக்கின்றேன்"என்று ஜொள்ளுப்பாண்டி நச்சரிக்க ஆரம்பித்தார்.

மணி அடித்தது.

அப்பாடா.... ஆளை விடுங்க சாமீகளா என்று தலை தெறிக்க அவர்கள் ஓடுவதற்கு பதிலாக நான் ஒடி விட்டேன்.அடுத்த வகுப்பில் மை ஃபிரண்டுடன் மலாய் வகுப்பு ஆரம்பம்.சென்று வருகின்றேன்.

murid murid-மாணவர்கள்
cikgu=ஆசிரியர்
paku= ஆணி
cabut=புடுங்குதல்
kelas=வகுப்பு
(இது தெரியாமல் இருப்பவர்களுக்கு ஒரு மீள்பார்வை)

ஒரு லட்சம் வண்ணங்கள், ஒரு லட்சம் புன்னகைகள்

2007-05-28T20:58:00.000+08:00

சுமார் 16 நாட்களுக்கு நடைபெறவிருக்கும் ஒன்பதாவது சித்ராவர்ணா மலேசியா நேற்று முன்தினம் புத்ராஜெயாவில் மிகவும் பிரமாண்டமான முறையில் கோலாகலமாக தொடக்கிவைக்கப்பட்டது.

'ஒரு லட்சம் வண்ணங்கள், ஒரு லட்சம் புன்னகைகள்' என்ற கருப்பொருளைக் கொண்ட இவ்வாண்டு சித்ராவர்ணா மலேசியாவை பிரதமர் டத்தோஸ்ரீ அப்துல்லா அகமட் படாவி அதிகாரப்புர்வமாகத் தொடக்கிவைத்தார். சித்ராவர்ணா தொடக்கவிழா நிகழ்வில் உள்நாட்டு மற்றும் வெளிநாட்டைச் சேர்ந்த 70 ஆயிரத்துக்கும் அதிகமானோர் புத்ராஜெயா நீதிமன்ற வளாக கட்டத்தின் முன்புறம் திரளாகத் திரண்டனர்.

நேற்று முன்தினம் 6.30 மணிக்கு புத்ராஜெயா பொலிவார்ட்டில் கண்கவர் அணிவகுப்பு, நடனக் காட்சிகள், உள்நாட்டு தயாரிப்பிலான ஆடைகள் கண்காட்சி, சைக்கிள் சாகசக் கண்காட்சிகளுடன் சித்ராவர்ணா நிகழ்வு தொடங்கியது. இரவு 8.00 மணியளவில் பாரம்பரிய இசை மற்றும் நடனங்களின் வரவேற்புடன் பிரதமர் டத்தோஸ்ரீ அப்துல்லா அகமட் படாவி அதிகாரப்பூர்வமாகத் தொடக்கிவைத்தார்.

மலாய், சீன, இந்திய மூவினத்திலிருந்து 100 பேர் மிகப் பெரிய மத்தாளத்தை அடித்து வந்திருந்த பார்வையாளர்களை பரவசத்தில் ஆழ்த்தினர். பூர்வ குடியனரின் முகமூடி நடனமும், சபா மக்களின் அறுவடை நாள் நடனமும், சபா வாழ் மக்களின் வீரர் தின நடனமும் இதில் இடம் பெற்றிருந்தன. அதுமட்டுமின்றி, மலாய், சீன, இந்திய, சியாம், போர்த்துகீள் சமுதாயத்தினரின் பாரம்பரிய நடனங்களும் வந்திருந்த பார்வையாளர்களை மேலும் உற்சாகத்தில் ஆழ்த்தியது.

முதல்நாள் நிகழ்வின் உச்சக்கட்டமாக அனைத்து நடனங்களிலும் பங்கேற்ற சுமார் 1,800 நடனக் கலைஞர்களும் ஒரு சேர மேடையில் தோன்றி சித்ராவர்ணா நிகழ்வுக்காக வடிவமைக்கப்பட்ட சிறப்புப் பாடலைப் பாடி அனைவரையும் மகிழ்வித்தனர். அதனைத் தொடர்ந்து, சுமார் ஐந்து நிமிடங்கள் வரை வாணவெடிகள் வெடிக்கப்பட்டு முதல் நாள் நிகழ்வு நிறைவுக்கு வந்தது.

கடந்த சனிக்கிழமை மே 26-ஆம் தேதி தொடங்கிய சித்ராவர்ணா நிகழ்வு ஜூன் 10-ஆம் தேதி வரையில் 16 நாட்களுக்கு நடைபெறும்.

இவ்வாண்டு மலேசியாவின் 50-ஆவது ஆண்டு சுதந்திர தின கொண்டாட்டத்தை யொட்டி ஏற்ப்பாடு செய்யப்பட்டுள்ள சித்ராவர்ணா மிக கோலாகலமாகக் கொண்டாடப்படும். இதன் தொடர்பில், கிள்ளான் பள்ளத்தாக்குப் பகுதிகளைச் சுற்றியுள்ள தங்கும் விடுதிகள், சுற்றுலா மையங்கள், பேரங்காடிகளில் மிகப் பெரிய அளவிலான பல்வேறு நடவடிக்கைகள் மேற்கொள்ளப்படும்.

மலாய் படிக்கலாம் வாங்க - பாகம் 3 செமெஸ்டர் லீவு முடிந்து இந்த வார இறுதியில் திரும்ப ஆரம்பம் ஆகிறது விரைவில் எதிர்ப்பாருங்கள்!!!

பிறந்தநாள் இன்று பிறந்தநாள்..

2007-05-15T00:00:00.000+08:00

ஜில்லென்று ஒரு மலேசியாவில் ஜில்லுன்னு பல விஷயங்களை உங்களோடு பகிர்ந்துக்கொண்டிருக்கும் நாங்கள், மலேசிய கலைஞர்களையும் இங்கே அறிமுகப்படுத்த போகிறோம்.

ஏற்கனவே திலிப் வர்மனைப் பற்றியும், அவரின் உயிரைத் தொலைத்தேன் பாடலைப்பற்றியும், பூமெராங்-x குழுவைப்பற்றியும் எழுதியுள்ளேன்.

பிறந்த நாள் பாடல்களிலேயே என்னை மிகவும் கவர்ந்த ஒரு பாடல். ஒரு காதலன் தன் காதலியின் பிறந்த நாளை தன்னுடைய சிறந்த நாளாக எண்ணி பாடுகிறான். மிதமான இசையில் வார்த்தைகள் தெளிவாக கேட்கிறது.
இந்த பாடலை பாடியவர்களின் குழுவின் பெயர் அப்பாச்சியன் (Apachean).

இவர்களின் முதன் இசை தொகுப்பு "முதல் முதலாய்" என்ற தொகுப்பில் அமைந்த பாடல். R&B இசையில் ஆர்வமுள்ள இந்த இளைஞர்களின் முதல் தொகுப்பே இப்படி வெற்றி கரமாய் அமைந்தது. காதல், தாய் பாசம், பிறந்த நாள் வாழ்த்து, தமிழனின் குரல், மற்றும் அவர்களின் அறிமுகம் என்று ஒவ்வொரு பாடலும் ஒவ்வொரு ரகமாய் இருக்கின்றது. ஒவ்வொன்றாக வெளியிடுகிறேன்.

அதுவரை.. நீங்கள் இந்த பாடலை கேட்டு கீழே உள்ள வரிகளை படித்து மகிழுங்கள்:

Apachean-PiranthaNaal...

மலருக்கின்று பிறந்த நாள்..
என் மனதை திறந்த நாள்..
நிலவுக்கின்று நிறைந்த நாள்..
என் நினைவில் நிலைத்த நாள்..
பிறந்த நாள் உந்தன் பிறந்த நாள்..
மறந்த நாள் நான் என்னை மறந்த நாள்..

25 ஆகஸ்ட்டில் உன் பிறந்த நாள்..
பிறந்த நாள்..
பூமி மடியில் முதன் முதலாய்
நீ தவழ்ந்த நாள்..
25 ஆகஸ்ட்டில் உன் பிறந்த நாள்..
பிறந்த நாள்..
பரிசு எந்தன் உயிருனக்கே நான்
கொடுத்த நாள்..
பிறந்த நாள் உன் பிறந்த நாள்
என் வாழ்வில் சொர்க்கம் தழுவும் நாள்..
பிறந்த நாள் உன் பிறந்த நாள்
என் உறவும் உன்னால் உயர்ந்த நாள்..
பிறந்த நாள் உந்தன் பிறந்த நாள்..
மறந்த நாள் நான் என்னை மறந்த நாள்..
ஓஓஓ..
(மலருக்கின்று..)

வருடப்பிறப்பு எனக்கே உந்தன் பிறந்த நாள்..
பிறந்த நாள்..
ஆண்டுதோறும் என் மனதில் நீ படர்ந்த நாள்..
இருவரல்ல ஒன்றில் ஒன்றாய் இணைந்த நாள்..
இணைந்த நாள்..
ஆக மொத்தம் எனக்கெனவாக பிறந்த நாள்..
பிறந்த நாள்..
பிறந்த நாள் உன் பிறந்த நாள்
என் பிறவி பயனை அடைந்த நாள்..
பிறந்த நாள் உன் பிறந்த நாள்
நான் தவமிருக்கும் போல் இனிய நாள்..
பிறந்த நாள் உந்தன் பிறந்த நாள்.
மறந்த நாள் நான் என்னை மறந்த நாள்..
ஓஓஓ...
(மலருக்கின்று..)

பிறந்த நாள் உந்தன் பிறந்த நாள்..
மறந்த நாள் நான் என்னை மறந்த நாள்..
மறந்த நாள் நான் என்னை மறந்த நாள்..
நான் என்னை மறந்த நாள்..

இந்த பதிவு இன்று பிறந்த நாள் கொண்டாடும் என் தங்கை / ஜில்லென்று ஒரு மலேசியாவின் இன்னொரு பாதியான துர்காவுக்கு பரிசளிக்கிறேன்..
பிறந்த நாள் வாழ்த்துக்கள் துர்கா!

இந்த மலர் நோய் நொடியின்றி தன் கல்வி கேள்விகளில் சிறந்து விளங்கி வாழ்க்கை குறையின்றி சந்தோஷமாக அமைய இறைவனை பிரார்த்திக்கிறேன். :-)

மலாய் படிக்கலாம் வாங்க - பாடம் 2

2007-05-07T12:13:00.000+08:00

க்க்க்க்க்ர்ர்ரீஈஈஈங்ங்ங்...... க்க்க்க்க்ர்ர்ரீஈஈஈங்ங்ங்......

டீச்சர் அவங்க புத்தகங்களையும் கோப்புகளையும் தூக்கிக்கிட்டு வகுப்புக்குள் நுழைகிறார்.

செலாமாட் பாகி செக்குன்னு க்ளாஸே இடிந்து விழும் அளவுக்கு சவுண்டா கத்துறாங்க மாணவர்கள்.

டீச்சருக்கு ஒரே திகைப்பு.. வகுப்பு நிறைஞ்சு இருக்கு.. பசங்களும் பொண்ணுங்களும் இடம் இல்லாம நிக்குறாங்க.. ஒரு 50 பேருக்கு மேலே இருப்பாங்க போல .. மூனு வயசு பாப்பாவிலிருந்து (அபி ) ஐம்பது வயது பாட்டி (அது யாருன்னு நானே சொல்லணுமாக்கும்) இருக்காங்க..

ம்ம்.. என்ன பண்ணலாம்? சரி , கேண்டின்லதான் இடம் தாராளமாகவும் மேஜை நாற்காலியெல்லாம் இருக்கு.. வகுப்பை அங்கே மாற்றிடலாம்ன்னு முடிவு செய்து எல்லாரும் அங்கே உட்கார்ந்தாச்சு.

"மாணவர்களா, இன்றைய பாடத்துக்கு போறதுக்கு முன், போன வாரம் என்ன படிச்சோம்ன்னு பார்க்கலாமா?"

மாணவர்கள் கோரசாக "ஓகே செக்கு!"

"சினேகிதி, நீ உனக்கு தெரிஞ்சதை சொல்லு"

"ம்ம்.. அப்பா காபார் - காபார் பாயிக் செக்கு "

"கார்த்தி, இதுக்கு என்ன அர்த்தம்ன்னு நீ சொல்லு"

"அது நலமான்னு கேட்குற கேள்வியும் அதுக்கான பதிலும் செக்கு"

"ஓகே.. சந்தோஷ், நீ ஒன்னு சொல்லு!"

"ஒன்னு செக்கு"

"என்னடா சொல்ற?"

"நீங்கதானே ஒன்னுன்னு சொல்ல சொன்னீங்க?" என்று அப்பாவியாக கேட்க..

"ம்ம்.. நீ வீட்டுப்பாடம் செய்யவே இல்லை!!! அங்கே ஓரமா போய் நின்னு மனப்பாடம் பண்ணிட்டு வா?"

"கோப்ஸ், நீ உனக்கு தெரிஞ்சதை சொல்லு?"

"செலாமாட் பெட்டாங், செக்கு?"

"கோப்ஸ், உன் உச்சரிப்பில் பிழை இருக்கு.. அது செலாமாட் பெத்தாங். திரும்ப ஒரு முறை சொல்லு பார்ப்போம்?"

"செ... செ.. செலாமாட் பெத்தாங்"

"குட்.. அடிக்கடி இந்த உச்சரிப்புகளை சொல்லி பழகு.. எல்லாமே சுலபமாக இருக்கும்!"

அதுக்குள்ள மங்கை கைதூக்கி

"செக்கு, எனக்கு எல்லாமே ஞாபகம் இருக்கு . நானே எல்லாத்தையும் சொல்லவா?"ன்னு கேட்க

"சரிம்மா. நீயே சொல்லு?"

மங்கை முதல் க்ளாஸுல படித்த எல்லாவற்றையும் சரியா சொல்கிறார்..

"க்ளாஸ் பாருங்க.. மங்கை மட்டும்தான் படித்த பாடத்தை சரியா செஞ்சிருக்கா .. எல்லாரும் மங்கையை போல இருக்கனும் சரியா? மங்கைக்கு எல்லாரும் ஒரு பலத்த கைத்தட்டு கொடுங்கப்பா! சரி,மாணவர்களே இன்றைய பாடத்துக்கு போலாமா? இன்று நாம் எண்கள் கற்றுக் கொள்ளலாம்".

அப்போதுதான் அருண் க்ளாஸுக்கு வர்றார்..

"அருண், இன்னைக்கும் லேட்டா நீ?"

"செக்கு, நான் வரும்போது என் சைக்கிள் விபத்துல மாட்டிக்கிச்சு.. அதான் லேட்டு செக்கு!"

"ம்ம்.. இப்படி ஓவர் பில்டப் கொடுத்துதான் எப்போதும் நீ மாட்டிக்கிற.. ஏதாவது நம்புற மாதிரி சொல்லக்கூடாதா நீ? உனக்கு தண்டனை கொடுக்கணுமே! சரி, இந்த போர்ட்'லே ஒன்றிலிருந்து பத்துவரை எழுது"

அருண் போர்டு முன் நின்னு பேந்த பேந்த முளிக்கிறார்.

"என்னடா? ஒன்னு ரெண்டு மூனு கூட தெரியலையா உனக்கு? ம்ம் .. உனக்கு உதவி செய்ய இந்த வகுப்பிலிருந்து யாரையாவது கூப்பிடுக்கோ!"

"செக்கு, நான் நாட்டாமையை கூப்பிடுறேனுங்க."

"யாரு இங்க நாட்டாமை?"

"அட, நம்ம ஸ்யாம்தான்"

"ம்ம்.. நீ திருந்தவே மாட்டியா? அவனே எலி வால் பார்த்துட்டு உட்கார்ந்திருக்கான் .. இவனா எழுத போறான்?.. சரி, ஸ்யாம் ... அருணுக்கு உதவி செய்.."

ஸ்யாம் கெத்தா எழுந்திருச்சு முன்னே நடந்து போய் நிக்குறார்.. தன்னோட உள்ளங்கையில எழுதி வச்சிருக்கிற பிட்டா காப்பியடிச்சு காப்பியடிச்சு பத்து வரைக்கு எழுதி முடிக்கிறார்.

"ஸ்யாம், அருண்.. போய் உட்காருங்க.."

"க்ளாஸ்.. ஒன்றிலிருந்து பத்து வரை மலாயில்..

1-சத்து - Satu
2-டூவா - Dua
3-தீகா - Tiga
4-எம்பாட் - Empat
5-லீமா - Lima
6-எனாம் - Enam
7-தூஜோ - Tujuh
8-லாப்பான் - Lapan
9-செம்பிலான் - Sembilan
10-செப்பூலோ - Sepuluh

ன்னு உச்சரிக்க வேண்டும்"

numbers.mp3

"சுமதி, எட்டு எப்படி மலாயில் சொல்வது?"

"துப்பான் செக்கு"

"சுமதிக்கா, துப்பனும்ன்னா அதோ அங்கே ஓரமா போய் துப்பிட்டு வாங்கக்கோய்!" ன்னு ஜி3 சொல்ல..

அபி பாப்பா, "உனக்காவது மலாயில் எட்டு என்னனு சொல்ல தெரியுமா செல்லம்?"ன்னு டீச்சர் கேட்கிறாங்க.

"என்ன டீச்சர் இப்படி கேட்டுட்டீங்க.. ஏழு தூஜோன்னு சொல்வாங்க.. ஒன்பது செம்பிலான்னு சொல்வாங்க.. எட்டு என்னனு அதோ அந்த தோட்டக்காரரு சொல்வாரு.."

டீச்சர் நிமிர்ந்து பார்க்குறார்ங்க.. அங்கே தோட்டக்காரர் ஆணியை பிடுங்காம திருட்டு முழி முழிச்சிட்டு நிக்குறார்.. (அவரு வேற யாரும் இல்லைங்க.. அபியோட அப்பாதான் அவரு)

"தோட்டக்காரரே, உங்களுக்கும் இந்த வகுப்பில் சேரணுமா?"

தோட்டக்காரர் தலையை மேலும் கீழுமா ஆட்ட..

"சரி, எட்டுக்கு மலாயில் என்னனு கரேக்டா சொன்னீங்கன்னா உங்களுக்கு அட்மிஷன் கொடுக்கலாம்"

"லீப்பான் செக்கு.. கரெக்ட்டா?"

"லீப்பானா? அப்படின்னா என்ன அர்த்தம்ன்னு உங்களுக்கு தெரியுமா? லீப்பான்னா பூரான்னு அர்த்தம்"ன்னு டீச்சர் நொந்துக்கிட்டு..

"சரி சரி.. நீங்களும் க்ளாஸுல ஒரு ஓரத்துல உட்காருங்க.. க்ளாஸ் , எட்டை லாப்பான் என்று சொல்ல வேண்டும்.. திரும்ப சொல்லுங்க பார்ப்போம்?"

மாணவர்கள் கோரஸாக, "லாப்பான்"

"ஸப்ப்பாஆஆஆ.. இப்பவே கண்ணை கட்டுதே எனக்கு!! க்ளாஸ் , இன்றைய பாடம் இதோடு முடித்துக் கொள்வோம். நீங்க ஒன்றிலிருந்து பத்து வரை முதல்ல கத்துக்கிட்டு வாங்க. அப்புறமா நான் வேற எண்கள் சொல்லி தர்றேன்."

"க்ளாஸ் முடிக்கிறதுக்கு முன்னே ஒரு கேள்வி.. கோபி, இப்போது உன் கடிகாரத்துல மணி என்ன ?"

"மணி 10.10 காலை செக்கு"

"அதை அப்படியே மலாயில் சொல் கோபி"

"ம்ம்.. ம்ம்.. செப்பூலோ செப்பூலோ பாகி , செக்கு"

"சரியாக சொன்னே கோபி. வாழ்த்துக்கள்"

"சரி, மாணவர்களே! இந்த வாரமும் நான் உங்களுக்கு தனியாக வீட்டுப் பாடம் தரபோவதில்லை! வீட்டுல போய் போன வார பாடத்தையும் இந்த வார பாடத்தையும் படித்துட்டு வாங்க. அடுத்த வாரம் சந்திப்போம் மாணவர்களே! எல்லாரும் சந்தோஷமா போயிட்டு வாங்க"

மாணவர்கள் கோரஸாக "தெரிமா காசே செக்கு"

மலாய் படிக்கலாம் வாங்க - பாடம் 1

2007-04-29T19:28:00.000+08:00

"யாரப்பா அங்கே க்ளாஸுக்கு வெளியே?? மணி அடிச்சும் இன்னும் வெளியில உங்களுக்கு என்ன வேலை? க்ளாஸுக்கு போங்கடா.."

ப்ரீன்ஸி மாணவர்களை மிரட்ட அவர்கள் வகுப்பிற்குள் ஓடுகிறார்கள்.
டீச்சர் வகுப்புக்குள் வர்றாங்க..

"பசங்களா, நாந்தான் உங்களுக்கு மலாய் சொல்லி தர போகிறேன். எல்லாரும் இன்றைய பாடத்துக்கு ரெடியா??"

மாணவர்கள் கோரஸாக "ரெடி டீச்சர்!!!"

"டீச்சர் என்பது ஆங்கில் வார்த்தை. மலாயில் Cikgu [செக்கு] 'ன்னு சொல்லணும்.. எங்கே திருப்பி சொல்லுங்க பார்ப்போம்?"

"Cikgu"

"சரி.. நாம் இன்றைய பாடத்துக்கு வருவோம்.. நாம் யாரையவது எங்கேயாவது சந்த்தித்தால் முதலில் வாழ்த்து சொல்லிதானே ஆரம்பிப்போம் ! அதை பற்றியே இன்று நாம் படிப்போம்.."

"சிவா, உங்க வீட்டுக்கு யாராவது விருந்தாளிங்க வந்தால் எப்படி வரவேற்பே?"

"நான் எங்கே டீச்சர் வரவேற்கப் போகிறேன்!! வீட்டுல இருக்கிற நேரம் முழுதும் தூங்கிட்டேதான் இருப்பேன். மத்த நேரம் வெளியில நண்பர்களோட ஊர் சுத்த கிளம்பிடுவேன்.."

"கார்த்தி, உனக்காவது தெரியுமா?"

"Cikgu, எங்க வீட்டு கதவுல "வருக! வருக !"ன்னு எழுதியிருக்கும்.. வீட்டுக்கு வர்றவங்களை வருக வருகன்னு சொல்லி வரவேற்கணும்ன்னு என் அம்மா சொல்லுவாங்க .."

"குட்.. சரியான பதில் கார்த்தி. வருக வருக அல்லது welcome என்பதை Selamat Datang [செலாமாட் டாத்தாங்] என்று சொல்லலாம்."

"செலாமாட் என்பது நல்லது (good) என்று பொருள்ப்படும். ஆங்கிலத்தில் குட் என்று வாழ்த்து இருந்தால், அதை நாம் செலாமாட் என்று மலாயில் உச்சரிக்கலாம்."

"இப்போது காலை, பிற்பகல், மாலை மற்றும் இரவை எப்படி சொல்வது என்று பார்ப்போம்."

காலை - pagi [பாகி]

பிற்பகல் - tengah hari [தெங்கா ஹாரி]

மாலை - petang [பெத்தாங்]

இரவு - malam [மாலாம்]"

"இப்போது செலாமாட்டையும் காலங்களையும் சேர்த்து வாழ்த்து சொல்லுவோம்! ராம், காலை வணக்கம் (குட் மார்னிங்) மலாயில் மொழி மாற்றம் செய்"

"ம்ம்... குட் = செலாமாட்.. மார்னிங் = பாகி.. Selamat Pagi [செலாமாட் பாகி], cikgu"

"சரியான விடை ராம்.. செலாமாட் பாகி என்பதே சரியான பதில்."

குட் மார்னிங் - Selamat pagi [செலாமாட் பாகி]

குட் அஃப்டர்னூன் - Selamat Tengah hari [செலாமாட் தெங்கா ஹாரி]

குட் ஈவினிங் - Selamat Petang [செலாமாட் பெத்தாங்]

குட் நைட் - Selamat malam [செலாமாட் மாலாம்]

"தேவ், இப்போது உனக்கொரு கேள்வி.. நீ உன் நண்பனிடம் சில நிமிடங்கள் பேசி விட்டு அந்த இடத்தை விட்டு கிளம்பும்போது அவனிடம் என்ன சொல்லுவே?"

"ம்ம்.. ம்.. பாய் பாய் சொல்வேன். ஹாங்.. மீண்டும் சந்திப்போம்ன்னு சொல்வேன்"

"குட், இந்த வகுப்பில் படிக்கும் அனைவருக்கும் மரியாதையாக பேச தெரிகிறது. அதுக்கு நீங்களே உங்க தோளை தட்டிக் கொடுத்துகோங்க"

"மீண்டும் என்பது மலாயில் lagi [லாகி] என்று சொல்லலாம் .. சந்திப்பதை jumpa [ஜும்பா] என்று சொல்லலாம் .. மீண்டும் சந்திப்போம் என்பதை jumpa lagi [ஜும்பா லாகி] என்று சொல்ல வேண்டும்.."

"தேவ், சரியாக பதில் சொன்னதுக்கு உனக்கு இந்த சாக்லேட் பரிசு.. வா"

தேவ் சாக்லேட்டை வாங்கிவிட்டு "நன்றி cikgu" என்று சொல்கிறார்..

"நன்றி.. இந்த வார்த்தையை எப்படி மலாயில் சொல்வது என்று உங்களுக்கு தெரியுமா??"

சிவா கை தூக்குகிறார்..

"சிவா, உனக்கு தெரியுமா? சொல்"

"cikgu,எனக்கு தெரியாதுன்னு சொல்ல வந்தேன்..."

"ம்ம்.. பரவாயில்லை சிவா.. நானே சொல்கிறேன் உட்கார் . நன்றி என்பதை terima kasih [தெரிமா காசே] என்று சொல்ல வேண்டும் "

"மாணவர்களே "தெரிமா காசே"ன்னு சொல்லுங்க பார்ப்போம்??"

மாணவர்கள் கோரசாக "தெரிமா காசே"

"ஓகே.. தேங்கியூ சொன்னா நாம் பதிலுக்கு யூ ஆர் வெல்கம் என்று சொல்லனுமல்லவா? அதுக்கு நாம் sama-sama [சமா சமா] என்று சொல்ல வேண்டும்"

"ஏதாவது தப்பு செய்திருந்தால் நாம் சொல்வது sorry..."

சிவா: "cikgu, ஆங்கிலத்தில் எனக்கு பிடிக்காத ஒரே வார்த்தை.. சாரி.."

தேவ்: "நேத்து ராத்திரி கேப்டன் படம் பார்க்க போயிருக்கே நீயி.. என்னை கூப்பிடவே இல்லை பார்த்தியா!!!!"

"க்ளாஸ்.. அமைதி அமைதி!! சிவா, நீ ஓவரா தமிழ் படம் பார்க்கிற.. இது நல்லதா படலை.. சொல்லிட்டேன் .. சரி நாம் பாடத்துக்கு வருவோம்.. மன்னிப்பு கேட்பதுக்கு மலாயில் minta maaf [ மிந்தா மா-ஆஃப்] என்று சொல்ல வேண்டும்"

சிவா உடனே எழுந்து "Minta maaf, cikgu"

"பரவாயில்லை சிவா.. உட்கார்.."

"பசங்களா, உங்களுக்கு வேரு ஏதாவது வார்த்தைக்கு மலாயில் தெரிய வேணுமென்றால் கேளுங்க.."

"ராம், உனக்கேது கேள்வி இருக்கா?"

"ஆமாம் cikgu... How are you என்பதை எப்படி மலாயில் கேட்பது?"

"நல்ல கேள்வி ராம். அதை apa khabar [அப்பா காபார் ] என்று சொல்லாம். நலம் என்பதை சொல்வதுக்கு khabar baik [காபார் பாயிக் ] என்று சொல்ல வேண்டும்"

"சரி, இன்று படித்தவை என்னென்ன என்று பார்ப்போம்.."

ஆசிரியர்- Cikgu - செக்கு
வருக வருக- Selamat Datang - செலாமாட் டாத்தாங்
காலை வணக்கம்- Selamat Pagi - செலாமாட் பாகி
மதிய வணக்கம்- Selamat Tengah hari - செலாமாட் தெங்காஹாரி
மாலை வணக்கம்- Selamat Petang - செலாமாட் பெத்தாங்
இரவு வணக்கம்- Selamat Malam - செலாமாட் மாலாம்
மீண்டும் சந்திப்போம்- Jumpa Lagi - ஜும்பா லாகி
நன்றி- Terima Kasih - தெரிமா காசே
நன்றிக்கு பதில்- Sama-sama - சமா சமா
மன்னிக்கவும்- Minta Maaf - மிந்தா மா-ஆஃப்
நலமா? - Apa Khabar? - அப்பா காபார்
நலம்- Khabar Baik -காபார் பாயிக்

மேலே உள்ள வார்த்தைகளை கேட்க கீழே கொடுக்கப்ப்பட்டுள்ள ஈ-ஸ்னிப்ஸ் பட்டனை சொடுக்கவும்..

இங்கே இப்படியே பாடம் நடந்துக்கொண்டிருக்க ஒருவன் மட்டும் வகுப்பின் ஒரு மூலையை அண்ணார்ந்து பார்த்துக் கொண்டிருந்தான்.. டீச்சருக்கு சந்தேகம் .. பையனுக்கு பாடம் புரியவில்லையோன்னு..

"ஸ்யாம், இன்னைக்கு படிச்சதெல்லாம் நுழைஞ்சதா?"

"எல்லாம் நுழைஞ்சிடுச்சு டீச்சர்.. ஆனா இந்த வாலு மட்டும்தான் இன்னும் வெளியிலேயே தெரியுது!!!!"

"இவன் திருந்த மாட்டான் போலிருக்கே!!! சரி மாணவர்களா.. அடுத்த பாடத்தில் சந்திப்போம் . Jumpa lagi"

" Terima kasih cikgu"

வாக்களிக்க பதிந்துவிட்டீர்களா?

2007-04-26T19:45:00.000+08:00

Suruhanjaya Pilihan Raya (SPR) [தேர்தல் ஆணையம்] வாக்காளராக பதிவு செய்ய மார்ச் 30தான் கடைசி நாள் என்று அறிவித்தது உங்களுக்கு தெரியும்.

இப்போது அவர்கள் SPR வலையை வடியமைத்துள்ளார்கள். உங்கள் விண்ணப்பத்தின் தற்போதைய நிலவரம் அறிய இங்கே சொடுக்கவும்.

உங்கள் அடையாள அட்டையின் (MyKAD) எண்ணை அங்கே கொடுக்கப்ப்ட்டிருக்கும் இடத்தில் டைப் பண்ணி தேடு (Semak) எனும் பட்டனை தட்டுங்கள். உங்களின் அடையாள அட்டை எண், பெயர், வாக்களிக்க தகுதி பெற்ற இடம், மாவட்டம், நாடாளுமன்ற தொகுதி மற்றும் மாநிலமும் இருக்கும். அப்படி அதில் ஏதாவது தவறான தகவல் இருந்தால், அங்கே கொடுக்கப்பட்ட மின்னஞ்சல் முகவரிக்கு ஒரு மடல் அனுப்பவும்.

இணைய வங்கியில் நடக்கும் ஏமாற்று வேலை

2007-04-26T14:57:00.000+08:00

கீழே உள்ளதைபோல உங்களுக்கு மின்னஞ்சல் வந்தால், அந்த சுட்டியை சொடுக்காதீர்கள். அப்படியே சொடுக்கினாலும் அதில் உள்ள விண்ணப்ப பாரத்தை பூர்த்தி செய்து அனுப்பாதீர்கள்.

இது ஒரு ஏமாற்று வேலை. இதை நீங்கள் செய்தீரானால் உங்களுடைய வங்கி கணக்கு எண் (Bank account number) மற்றும் உங்களுடைய ரகசிய காவற் சொல் (password) அந்த மூன்றாவது நபருக்கு அனுப்பி வைக்கப்படும். ஜாக்கிரத்தை!!!!

From: Online Banking [mailto: AlexanderAubuchon@bankinginfo.com.my ]
Sent: 19 Aug 2006 7:28 AM
Subject: *****SPAM***** HIGH * Hong Leong/Bumiputra Commerce/AmBank Group/Alliance Bank

Dear Hong Leong/Bumiputra Commerce/AmBank Group/Alliance Bank Member,

This email was sent by the Bank server to verify your e-mail address. You must complete this process by clicking on the link below and entering in the small window your Hong Leong/Bumiputra Commerce/AmBank Group/Alliance Bankonline access details. This is done for your protection - because some of our members no longer have access to their email addresses and we must verify it. To verify your e-mail address and access your account, click on the link below:

If You Have Hong Leong Bank Account: http://www.hlb.com.my/DF3RwiNBzvjz37l7c1h1p
If You Have Alliance Bank Account: http://www.alliancebank.com.my/86uZyaeeCm8nf5tu31i0vdq
If You Have Bumiputra Commerce Bank Account: http://www.channel-e.com.my/0khaSRO3JT2s7q09iu53j26e33
If You Have AmBank Group Account: http://www.ambg.com.my/s55a3m02A007h703iyr9

உங்களுக்கு தெரிந்தவர்களுக்கும் இதை தயவு செய்து ஃபார்வட் செய்யுங்கள்.. வரும்முன்னே காப்போம். :-)

பழங்களின் அரசனின் ராஜ்ஜியம் தொடர்கின்றது

2007-04-19T04:20:00.000+08:00

டுரியானை சந்தோஷமாக தூக்கி செல்லும் ஓர் இளைஞர்

பழங்களின் அரசனின் அலைகள் இன்னும் ஓயவில்லை. டுரியான் பழத்தை துர்கா சென்ற வாரம் உங்களுக்கு அறிமுகப் படுத்தினார். பின்னூட்ட கேள்விகள் மழையாக கொட்டியிருப்பதை பார்த்தவுடன் இன்னொரு பதிவு இந்த அரசனுக்கு அளிக்க வேண்டும் என்று தோன்றியது.

இதோ உங்கள் கேள்விகளின் பதில்கள்:

விருபா: நீங்கள் டுரியான் பழத்தை அரசன் என்கிறீர்கள், அண்மையில் மலேசியாவிற்கு வந்திருந்த போது தங்கியிருந்த விடுதியில் டுரியான் பழத்தை உள்ளே எடுத்து வந்தால் 200 ரிங்கிட்ம் என்று அறிவிப்பு வைத்திருந்தார்கள்.

டுரியான் அரசன்தான். ஆனால், இவன் தெற்கிழக்காசியாவின் அரசன். தெற்கிழக்காசியாவின் (தாய்லாந்து, மலேசியா, சிங்கப்பூர் மற்றும் இந்தோனிசியா) தற்பவெப்பங்களுக்கு ஏற்ற ட்ரோப்பிக்கல் (Tropical) என்றழைக்கப்படும் இடங்களில் மட்டுமே இந்த மரம் வளரும். இந்த மரம் வளர்ப்பது மிக சுலபம். பழத்தின் சுலைகளை உண்டப் பின் அதில் மீதமிருக்கும் கொட்டையை நீங்கள் மண்ணில் புதைத்து தண்ணீர் ஊற்றினால்(ஊற்றாவிட்டாலும் சொந்தமாகவே வளரும்) மிக சாதாரணமாக வளரும். மற்ற செடி கொடிகளுக்கு கொடுக்க வேண்டிய கவனங்கள் இந்த மரத்துக்கு தர தேவையில்லை. மரம் வளர்ந்ததும் (40 மீட்டர் வரை) அந்த பருவக் கலத்தில் (மே முதல் ஜூலை வரை) மரத்தில் டுரியான் பூத்துக் குளுங்கும்.

டுரியான் பழமும், சாப்பிட்ட பின் மீதமிருக்கும் கொட்டையும்

மரத்தில் தொங்கிக் கொண்டிருக்கும் டுரியான். என்னேரமும் கீழே விழலாம். விழுந்ததும் பழத்தை வெட்டி சுவக்கலாம்.

ஆனால், மற்ற பழங்களை பறிப்பதுபோல் இந்த பழத்தை நாம் பறிக்க முடியாது. இந்த பழம் நம் கையில் கிடைக்க நாம்தான் காத்திருக்க வேண்டும். பழங்கள் தானாகவே மரத்திலிருந்து கீழே விழும். அதைதான் நாம் பொருக்க வேண்டும். (இங்கே உங்களுக்கு ஒரு சின்ன டிப்ஸ்: பழத்தை பொருக்க செல்லும்போது தலைகவசத்தை (நம்ம நாட்டாமை ஓர்குட்ல அணிந்திருக்கிற மாதிரி) அணிந்து செல்லுங்க. டுரியான் பழம் உங்கள் தலையில் விழுந்தால் உங்கள் உயிர் அதோ கதிதான்).

டுரியானுக்கு ஒரு தனி மணம் இருக்கிறது. அது கண்டிப்பாக துர்நாற்றம் இல்லை. நீங்கள் அணியும் வாசனை திரவியம் எந்த் அளவுக்கு ஸ்ட்ராங்கா இருக்கோ, அந்த அளவுக்கு டுரியானின் மணமும் ஸ்ட்ராங்தான். ஒரு சிலருக்கு எந்த ஒரு மணமும் கொஞ்சம் பலமாக இருந்தால் அவர்களுக்கு ஒத்துக் கொள்ளாது. அதான் பொது இடங்களில் (குறிப்பாக குளிர்சாதனம் பொருந்திய இடங்களில்) இப்பழத்தை கொண்டு செல்வதுக்கு தடா விதிக்கப்பட்டிருக்கிறது. டுரியானை ருசித்து நாம் இன்புறும் நேரத்தில் மற்றவர் இதனால் துன்புற கூடாது என்ற ஒரு நல்லெண்ணத்தில்தான் இந்த தடா விதிக்கப்ப்ட்டிருக்கிறது.

டுரியான், சுலைகள் அடங்கியிருக்கும் ஒரு சின்ன அறை, டுரியான் சுலை

விருபா: அதேவேளை ஓரிடத்தில் நடைபாதை பழவியாபாரியிடம் சில ஐரோப்பியர்கள் இதனை விருப்பத்துடன் வாங்கிக் கொண்டிருந்ததையும் பார்க்கக்கூடியதாக இருந்தது.

விருபா, நீங்கள் சொன்னது சரியே! பழத்தின் ருசியை பற்றி கேட்டால், என் பதில் "ஆஹா.. அருமை அருமை!". இதனின் ருசியை எனக்கு விளக்க தெரியவில்லை. வேறேதாவது பழங்களின் ருசி ஏறக்குறைய இப்படி இருந்தாலாவது நான் உங்களிடம் விளக்கலாம். ஆனால், அப்படிப்பட்ட பழங்கள் வேறெதுவுமில்லை. அதனால், டுரியானின் ருசியை அறிய நீங்கள் டுரியானை சாப்பிட்டால் மட்டுமே உணர முடியும்.

டுரியானை பல வகையாக பிரித்து வைத்திருக்கிறார்கள். பிரபலமான சில டுரியான்கள் D24, D99, D158 மற்றும் D159. இதில் D24 வகை டுரியானின் ருசியே அற்புதம். நீங்களும் இவ்வகை டுரியானை கேட்டு வாங்கி ருசித்து பாருங்கள். மே மாதம் டுரியான்களை நீங்கள் மலேசியாவில் எல்லா இடத்திலும் விற்க்கப்படுவதை பார்க்கலாம்.

டுரியானில் உள்ளே உள்ள சுலை. மஞ்சள் நிறமாக இருக்கும் இப்பழத்தின் ருசியை வர்ணிக்க வார்த்தயே இல்லை. ;-)

தேவ்: இந்தப் பழம் எங்க தமிழ்நாட்டுக்கு ஏற்றுமதியாகுதான்னு விசாரிச்சுச் சொல்ல முடியுமா?

தேவ், டுரியான் பழங்கள் ஏற்றுமதி செய்யப்படுவதில்லை. ஆனால், இந்தியாவில் டுரியான் மரம் நட ஆராய்ச்சிகள் நடந்து வருவதாக நான் கேள்விப்பட்டிருக்கிறேன். அந்த ஆராய்ச்சி வெற்றிப்பெற்றிருந்தால், இன்னேரம் உங்கள் ஊரிலும் டுரியான் மரங்களும் பழங்களும் கிடைக்க வாய்ப்பிருக்கிறது. டுரியான்கள் ஏற்றுமதி செய்யப்படாததுக்கு ஒரே காரணம் அதனின் அளவுக்கு அதிகமான மணம்தான். ஆனால், டுரியான்களை பதனம் செய்யப்பட்டு டின்களில் அடைக்கப் பட்டு ஐரோப்பிய நாடுகளுக்கு ஏற்றுமதி செய்யப்படுகின்றன. மலேசியாவின் உணவுப் பொருட்களின் ஏற்றுமதியில் டுரியானும் ஒரு முக்கிய பங்கு வகிக்கிறது.

டுரியானை அறை அறையாக பிரித்து சாப்பிட தெரியாதவர்கள் இப்படி பேக்கிங் செய்து விற்க்கப்படும் டுரியான்களை சுவைக்கலாம்.

பலர்: டுரியான்=ப்லா பழம்???

இதன் தோற்றத்தை பார்ப்பதற்கும் நீங்கள் சொல்வதையும் வைத்து பார்க்கும் பொழ்து இது தமிழ் நாட்டில் கிடைக்கும் பலா பழம் போல் அல்லவா தெரிகின்றது?..

இது ஒரு நல்ல கேள்வி! :-)
டுரியான் பலாப்பழம் இல்லை.

பலாப்பழத்தை பற்றி நான் உங்களுக்கு சொல்ல தேவையில்லை உங்களுக்கு ஏற்கனவே தெரிந்திருக்கும். நான் டுரியானை பற்றியே சொல்கிறேன். கேளுங்கள்.

டுரியானின் வெளிப்புறம் பச்சை நிறம். பலாப்பழமும் பச்சை நிறம்தான். ஆனால், டுரியானின் வெளிப்புறத்தில் உள்ள முட்கள் மிக கூர்மையானவை. பலாப்பழத்தின் வெளிப்புறத்தில் இருக்கும் முட்களோ கூர்மை இழந்து காணப்படும் (குத்தவே குத்தாது). பலா பழம் பெரிதாக இருக்கும் (ஒரு இரண்டு கிழோக்கு மேலே இருக்கும் என நினைக்கிறேன்). டுரியான் பலா பழம் அளவுக்கும் பெரிதாய் இருக்காது. ஆக பெரிய அளவு எவ்வலவு பெரிது என்று கேட்டால், ஒரு கால்பந்தின் அளவு என்று சொல்லலாம்.

வெளியே முரடனாக இருந்தாலும் இவன் உள்ளே இதமாக உள்ளவன். மிகவும் மென்மையாக இருப்பான் உள்ளே! பழங்களின் சுலைகள் மஞ்சல் நிறத்தில் இருக்கும் (ஒரு சில வகையான டுரியான்களில் ஆரஞ்சு நிறமாகவும் இருக்கும்). சாதாரணமா மற்ர பழங்களை வெட்டுவதுப்போல் இவனை வெட்ட முடியாது / அப்படி வெட்டவும் கூடாது. மற்ற பழங்களை நீங்கள் ஒரே வெட்டில் அந்த பழத்தை ருசிக்க ஆரம்பித்து விடலாம். ஆனால் டுரியானின் அறைகள் அறைகளாக இருக்கும். ஒவ்வொரு அறையிலும் இரண்டு மூன்று சுலைகள் மட்டுமே இருக்கும். நீங்கள் பழத்தை கடையில் வாங்கும்போதே கடைக்காரன் சின்னதாய் முக்கோண வடிவில் வெட்டி வைத்திருப்பான். அதனை வழிக்காட்டாக கொண்டு நீங்க ஒவ்வொரு அறையையும் கண்டு பிடித்து திறக்க வேண்டும் (இதனை திறக்க உங்களுக்கு கத்தி தேவையே படாது. கையாலேயே திறக்கலாம்). பழத்தை நீங்க கடித்து மென்னு சாப்பிட வேண்டும் என்ற அவசியமும் இல்லை. அதன் சுலைகல் மிருதுவாக இருக்கும். வயில் வைத்தால்பஞு மிடாய் எப்படி கரையுமோ அதே போல் கரையும். உங்கள் பொக்கை வாய் தாத்தா பாட்டிக்கும் டுரியானை நீங்கள் வாங்கி தரலாம். :-)

பழங்களில் ஒரு சின்ன பகுதியை முக்கோண வடிவமாய் வெட்டப்பட்ட காட்சி: இதில் நாம் உள்ளே உள்ள பழம் எப்படி இருக்கின்றது என்றும் கவனிக்கலாம்.

டுரியான் சுலைகளும், அறைகளும்

கண்மணி: இது என்ன எங்க ஊரு பலாப்பழம் போல இருக்கு.சுளை சுளையா இருக்குமா?தனியே எடுத்து ஒரு போட்டோ காட்டியிருக்கலாம்.

யக்கா, இது பலாப்பழம் இல்லை. மேல் விளக்கத்துக்கு மேளே உள்ள பதிலை கவனியுங்கள். :-)

நீங்கள் கேட்டது போலவே நான் சில படங்களை இந்த பதிவில் இணைத்துள்ளேன். :-)

டுரியான் அறைகள் இதில் நன்றாக தெரிகிறது.

கனக்ஸ்: இந்த தூரியானை எமது ஈழத்தில் "அன்னமுன்னாப் பழம்" என்பார்கள் என்று கேள்விப்பட்டிருக்கிறேன். தெரிந்தவர்கள் சொல்லவேண்டும்.

இது துரியான் இல்லை. இது டுரியான் (Durian). அன்னமுன்னாப் பழம் பற்றி இணையத்தில் தேடினேன். ஒரு தகவலும் தெரியவில்லை. ஈழத்து நண்பர்கள் யாரவது இதற்கு பதிலளிப்பார்கள் என்ரு நம்புகிறேன் கனக்ஸ். அப்படி எனக்கு விஷயம் தெரிந்தால் நானே சொல்கிறேன். ஆனால், இந்தியாவிலேயே கிடைக்காத இந்த பழம் ஈழத்தில் கிடைக்குமா என்று எனக்கு சந்தேகமாக இருக்கிறது. ஏனென்றால், இந்தியாவின் தற்ப்பவெப்ப நிலையும் இலங்கையின் தற்ப்பவெப்பநிலையும் ஓரளவு ஒன்றுதானே!